Lv 8:10 - Chuj San Sebastian Bible

¹⁰ Xlajw cha, xyi'n cot Moisés jun perjuma tzc'anlb'ax 'a yic tzsi'x 'och junc mach 'a yopiso, mto junc tas tz'ochcn yico'oc Dios. Stzicn 'at jun perjuma chi 'a yib'n̈ scajnub' Dios, yet' 'a yib'n̈ smasnil tas 'ay 'a yojl cha. 'Ixta wal x'aj yochcn smasnil jun tzo'n̈ chi yico'oc Jehová.

Chuj San Mateo Bible

¹⁰ Ix lajvi chi' ix yic'anchaan̈ aceite vin̈aj Moisés chi', aton sc'anchaji a sic'chajoch junoc mach, ma junoc tas tz'ochcan yicoc Jehová. Ix stzicanem vin̈ d'a yib'an̈ scajnub' Jehová yed' d'a yib'an̈ masanil tastac ayoch d'a yool chi'. Icha val chi' ix aj yochcan masanil tastac chi' yicoc Jehová.

Lv 8:10 ပူးပေါင်းရင်းမြစ်များ

Lv 7:35

A 'a no xajmb'al tz'ajx tz'a 'a yojltac Jehová cha, ata tz'elt yic Aarón yet' eb' yunnal, yictax sc'ul yic si'x can 'och eb' ya'malc 'och sti eb' 'anma chi 'a Dios.

Lv 8:2

'Ij cot Aarón yet' eb' yunnal, tze'n pax cot spichl eb' tzya'ch 'a yic tzyiln yopiso ya'malc 'och sti eb' 'anma 'ayin, yet' pax perjuma tzc'anlb'ax 'a yic tzsi'x can 'och eb' 'a yopiso cha. Tze'n cot pax junc no quelm wacx 'oj 'ajxoc xajmb'al-l yuj yajx lajwc mul, chawn̈oc no calnelu, yet' junc yune xuc 'ixm pan may yich.