Lv 7:37 - Chuj San Sebastian Bible

³⁷ A jun leyl tic yic xajmb'al tz'a'i, ofrenda tz'ajx yuj tas tzc'uxxi, no xajmb'al yuj yajx lajwc mul, no xajmb'al yic tztojx lajwc mul, no yic tz'ochcn junc mach yico'oc Dios, yet' pax no xajmb'al yic junc'ojlal.

Chuj San Mateo Bible

³⁷ Ichaton tic sleyal masanil juntzan̈ silab' tz'ac'ji d'a Dios: Aton silab' sn̈usjitz'a smasanil, ofrenda tz'ac'ji d'a tas svaji, silab' tz'ac'ji yuj mul yed' pax yuj stupchaj mul yed' junoc mach tz'ochcan yicoc Dios yed' silab' sch'oxan junc'olal yed' Dios.

Lv 7:37 ပူးပေါင်းရင်းမြစ်များ

Ex 29:1

'Ix yaln pax Jehová 'ixtic: A yic 'oj 'ochcn Aarón yet' eb' yunnal ya'malc 'och sti eb' 'anma chi 'ayin, atn jun tzo'n̈ tic 'oj a b'o yet' eb': Tzej cot junc no quelm wacax yet' chawn̈oc no mam calnelu may spaltail.

Ex 29:22

Tzlajw cha, tze'n 'el xepual sn̈e no mam calnelu cha, tz'el xepual no sch'an̈quin, yic no seyub' yet' yic no stut schab'il. Junn̈j tz'aj yelt smasnil. Tzpolx 'elt pax no sb'a'chil xub' 'a swach', yujto a no mam calnelu cha, tzc'anx no yuj yochnb'ilc eb' ya'mal 'och sti eb' 'anma 'a yopiso.

Lv 1:1

'Ix yawtn Jehová Moisés 'a yol Mantiado 'aj tzchaj sb'a yet' eb' 'anma', 'ix yaln 'a 'ixtic:

Lv 5:7

Toto may stumn jun 'anma chi smann junc no calnelu cha, mto junc chiwo cha, to 'ixta', yowlal tzyij cot chawn̈oc no cowojte', mto chawn̈oc no parama 'a wojltac, junc no tz'ajx yuj mul cha, junc xo no tz'ajx tz'a xajmb'alil.

Lv 6:20

A Aarón yet' eb' yunnal, yowlal tzyac' eb' junc ofrenda 'ayn an Jehová in, yic tzsi'x 'och eb' ya'malc 'och sti eb' 'anma cha. Tzyac' eb' chan̈e'oc libra 'ixm harina caw wach', yujto ofrenda yuj tas tzc'uxxi. Nan̈l tz'ajx 'och 'a wojltac 'a sq'uin̈b'ial, ax nan̈locx tz'ajx 'och 'a wojltac 'a yemc'ual. Matz tac' ya'n palta jun tzo'n̈ chi 'a junc c'u.

Lv 8:22

'Ix ya'n Moisés 'ijxoc cot junx no mam calnelu cha, no tzc'anlb'ax 'a yic yochnb'il eb' 'a yopiso. Ax Aarón yet' eb' yunnal xyac' q'ue sc'ab' 'a sjolm no'.

Lv 8:23

Xlajw cha, smiln cham Moisés no', xyi'n cot jab' schic'l no', sb'on̈n 'och 'a sjayl sti schicn Aarón 'a swach', 'a snun sc'ab' 'a swach' yet' pax 'a snun yoc 'a swach'.