Lv 7:34 - Chuj San Sebastian Bible

³⁴ A no sn̈i sc'ojl tzb'achx 'och 'a wojltac yet' no xub' 'a swach' cha, an tzwac' no 'a Aarón yet' 'a eb' yin̈til. A jun tzo'n̈ tic yicn̈ej eb' yaj 'a no xajmb'al yic junc'ojlal tzyac' eb' israel 'ayin, xchi Dios 'a Moisés.

Chuj San Mateo Bible

³⁴ A noc' sn̈i' sc'ool sb'achchajec' d'a yichan̈ Jehová yed' noc' xub' d'a svach', a Jehová chi' tz'ac'an noc' d'a vin̈aj Aarón yed' d'a eb' yin̈tilal d'a masanil tiempo. A juntzan̈ chi' yicn̈ej eb' yaj d'a noc' silab' yic junc'olal syac' eb' israel chi'.

Lv 7:34 ပူးပေါင်းရင်းမြစ်များ

Ex 29:26

A no mam calnelu tzc'anx yuj yic tz'och Aarón 'a yopiso, tzej can 'elt sn̈i sc'ojl no cha. Tza b'achn 'och 'a wojltac an Jehová in, yujto ec tz'ajcn junc'aj no chib'j cha.

Ex 29:9

'Icha tzotj Aarón, 'ixta pax tzotj eb' yunnal cha. Wach' tzotj 'och sjal-l snan̈l spichl eb'. Tojl pax tzotj q'ue sc'oxl sjolm eb'. 'Ixta wal 'oj otc a'n can 'och eb' 'a yopiso. Ax jun yopiso eb' tic, to tzcan 'a smasnil tiempo.

Lv 3:17

Man̈ e chi xepual no noc' yet' schic'l no'. A jun tic ley tz'ajcn 'ayex yet' 'a eb' eyin̈til, yaln̈j 'ajtil 'ayx 'eq'ui, xchi Dios 'a Moisés.

Nm 5:9

Smasnil ofrenda tzyac' eb' israel 'ayin, tz'ijx 'at 'a yojltac win ya'mal 'och sti eb' 'anma cha; a jun tzo'n̈ cha, yic win tz'aji.

Nm 6:20

'Oj lajwc cha, ax sb'achn 'och win ya'mal 'och sti eb' 'anma chi jun tzo'n̈ chi 'a wojltac an Jehová in, atn sn̈i sc'ojl no xajmb'al yet' pax xub' no'. To tzsi'x can 'el jun tzo'n̈ cha, yic win ya'mal 'och sti eb' 'anma chi tz'aji. Ax yic tzlajw 'ec' jun tzo'n̈ cha, a jun xya'ch sb'a nazareoal cha, tztac' xo yu'n pax yal uva cha.

Nm 8:11

A Aarón a tz'a'n 'och eb' levita chi 'a wojltac, yuj yofrendaoc eb' eyit chon̈b' cha. 'Ixta 'oj 'ajcn yoch eb' levita chi in yac' servil.

Dt 18:3

A eb' ya'mal 'och sti eb' 'anma', a tas smacl eb' yaji a chi tz'ijx can 'el 'a no wacax, yet' 'a no calnelu tz'ajx yuj eb' 'anma xajmb'alil. A jun tzo'n̈ tz'elcn cha, atn tic: no squelab', no yaln̈ sti', yet' no stzucutz.