Lv 7:21 - Chuj San Sebastian Bible

²¹ A junc 'anma tzyamn junc tas to man̈ wach'c 'a sat ley, junc tas 'ay 'a sniwnal junc 'anma', mto 'a junc no noc', junc tas yajb'il wu'uj, tzlajw cha, tzchin pax schib'jal no xajmb'al yic junc'ojlal tz'ajx 'ayin, a jun 'anma cha, yowlal tz'ijx 'el 'a e cal, xchi Dios 'a Moisés.

Lv 7:21 ပူးပေါင်းရင်းမြစ်များ

Gn 17:14

Tzann̈j wincal to may jun yechl chi 'aych 'a 'a, yowlal tzeyij 'el 'a e cal, yujto matz yiclj jun in trato 'ix wac' eyet'oc, xchi Dios.

Ex 12:15

Uque c'u 'oj e wa 'ixm pan may yich cha. A 'a yic b'ab'l c'u, tze julcn 'el smasnil yich pan 'ayc' 'a eyatut junjn ex. Toto 'ay junc mach tzwan 'ixm pan 'ay yich 'a e cal 'a jun c'u cha, yowlal tz'ijx 'el 'a e cal.

Ex 12:19

A 'a jun uque c'u cha, may cab' junc mach 'ayc' yich pan yuj 'a yatut. Toto 'ay junc mach tzwan 'ixm pan 'ay yich, junc chuc chon̈b'al mto eyit israelal; a jun cha, yowlal tz'ijx 'el 'a e cal.

Ez 33:25

Yuj cha, al 'a eb' to an Jehová in, an tzwal 'ixtic: Ax tic tze chi no chib'j yet' schiq'uil, tzeyi'n 'ejm e b'a 'a jun tzo'n̈ yechl comn dios, tze miln cham eb' 'anma', tzcob' e nib'n eyico'oc lum lum cha.

Ez 4:14

'Ix waln 'ixtc 'a 'a: Mamin Jehová, caw wal may 'aj tzin yam junc tas man̈ wach'c 'a yic 'unnal, may 'aj tzin chi no noc' mun tzchami, mto no noc' tzcham yuj yit noc'al, may xon 'aj tzin chi no chib'j man̈ wach'oc, xin chi 'a 'a.

Lv 11:20

Yet' pax smasnil no cotc noc' tzjen̈wi mto tzb'ey xecxnoc 'a sat lu'um, may sleyl tze chi no', yowlal tzeyojquej 'eli chajtlto yajb'il 'el no'.

Lv 12:1

'Ix yaln Jehová 'a Moisés 'ixtic:

Lv 17:10

Caw wal 'ay yowl in c'ojl 'a yib'n̈ eb' israel mto eb' chuc chon̈b'al cajn 'ec' 'a e cal, eb' tzchin schic'l no noc', yaln̈ej tas tzyutj eb' schini. An 'oj woch 'ajc'ojlal 'a eb', ax in satn 'el eb' 'a e cal.

Lv 17:14

Yujto a chic', a tz'a'n sq'uinl smasnil tas pitzn 'a yolyib'n̈q'uinl tic. Yuj cha, xwalni to matz chix schic'l no noc', yujto sq'uinl no yaji. Tzann̈j mach tzchin schic'l no noc', yowlal tz'ijx 'el 'a e cal.

Lv 18:29

Tzann̈j mach tz'ec' 'a yib'n̈ sb'on jun tzo'n̈ tas yajb'entac tic, tojln̈ej satx 'el 'a e cal.

Lv 19:8

A mach tzchin no chib'j chi 'a schab'jial, tzcann̈j jun mul chi 'a yib'an̈, yujto comn tzyutj sc'uxn tas to wic yaji. A jun cha, yowlal tz'ijx 'el 'a e cal.

Lv 20:3

'Ay yowl in c'ojl 'a yib'n̈ junc 'anma 'ixta tzb'o'o, yuj cha, 'oj in satl 'a scal eb' yit chon̈ab', yujto tzyixtj 'el in cajnub'. Tzin spatquiln can pax 'eli, yujto tzyac' yunnal chi xajmb'al-l 'a Moloc.

Lv 22:3

Tzaln 'a 'a, ticnec yet' 'a b'aq'uin̈, toto 'ay eb' yin̈tl man̈ wach'c yaj 'icha yaln ley, tzyamn eb' jun tzo'n̈ xajmb'al chi tzyac' eb' eyit chon̈b' 'ayin, toto 'ixta 'oj yutc eb', jun 'ejmn̈ej 'oj 'ijxoc 'ec' yopiso eb' in ya'n servil.

Lv 22:4

May cab' junc eb' yin̈tl Aarón 'aych lepra 'a sniwnal, mto tztob' yin̈tl 'a swincal, tzc'uxn tas to wic yaji, palta masnto tzb'ox sc'ojol, 'ixta to b'i'an, tztac' sc'uxni. Toto 'ay mach tzyamn junc tas man̈ wach'oc, yuj junc chamnc 'anma', mto tzyam junc mach tztob' yin̈tl 'a swincal,

Lv 23:29

A mach matz 'och 'a c'ajb'c'ojlal 'a jun c'u cha, yowlal tzijx 'el 'a e cal.

Lv 7:20

A junc 'anma man̈ wach'c yaji tzchin pax schib'jal no xajmb'al yic junc'ojlal tz'ajx 'ayn an Jehová in, a jun 'anma cha, yowlal tz'ijx 'el 'a scal yit chon̈ab'.

Lv 7:22

'Ix yaln pax Jehová 'a Moisés 'ixtic:

Lv 7:25

Tzann̈j mach tzchin xepual no noc' tz'ajx tz'a ofrendail 'a 'ayn an Jehová in, a jun 'anma cha, yowlal tz'ijx 'el 'a e cal.

Lv 7:27

A junc 'anma tzchin schic'l no noc' cha, yowlal tz'ijx 'el 'a e cal, xchi Dios 'a Moisés.

Nm 19:22

Smasnil tas tzyam junc 'anma man̈ wach'c cha, tzjuw can 'el yu'uj. A tas tzyam junc 'anma man̈ wach'oc, man̈ wach'c tz'ajcn yu'uj, masnto yic tzq'uic'b'i, xchi Dios.

Dt 14:10

Ax no may sma'lab' a', man̈ e chi no', yet' e no may solcal cha; yowlal tzeyojquej 'eli to man̈ wach'c e no'.

Dt 14:3

Man̈ e chi no noc' yajb'entac.

A Ch'an̈ B'ab'el Libro Samuel 20:26

A 'a b'ab'l c'u cha, may jac tas xyal Saúl, yujto sna 'ixtic: Tecn 'ay junc tas tu x'el-l 'a 'a, tecn to man̈ wach'c yaj sacb'tzan sb'a, xchi.