Lv 7:2 - Chuj San Sebastian Bible

² A no noc' tz'ajx yuj stojl mul cha, yowlal ata tzcham no 'a 'aj tzmilx xon cham no tz'ajx tz'a'oc, ax schic'l no', tzicx 'och 'a schan̈paq'uil yet'l xajmb'al.

Chuj San Mateo Bible

² A junoc noc' noc' tz'ac'ji yuj stupchaj mul, yovalil smiljicham noc' b'aj schamtaxon noc' sn̈usjitz'aoc, axo schiq'uil noc' stzicjioch d'a schan̈il pac'an̈ altar.

Lv 7:2 ပူးပေါင်းရင်းမြစ်များ

Is 52:15

Til wal eb' nacion̈ 'oj sat sc'ojl yiln 'ochi. 'Ixta pax eb' rey, ton̈j 'oj 'och q'ueln eb' 'a 'a. May tas 'oj yal eb' yu'uj yic 'oj yilnc eb', yujto a tas mant 'aj tzyab' eb' yab'xil, 'oj nachjoc 'el yuj eb', xchi Dios.

Ez 36:25

'Oj ex in sacb'tzoc can yuj smasnil tas maysch'olnil 'ix e b'o'o, 'icha tzyac' junc tas tzb'icx 'el yet' a a caw wal yaxt'ujnac yilxi. 'Oj wi'cn 'el e mul 'aych 'ayex, atn yic xeya'n 'ejm e b'a 'a jun tzo'n̈ comn dios.

Ez 40:39

Ax 'a yojl 'och cha, ata 'ay chan̈e niwc mexa, cha'chb' 'a junjn pac'. A 'a yib'n̈ te mexa chi tzmilx no xajmb'al tz'ajx tz'a'oc yet' no tz'och stojloc mul.

Lv 1:11

A 'a stojlal norte 'a jun yet'l xajmb'al cha, ata tzmilx cham no 'a wojltac, ax eb' yunnal Aarón, a eb' tzicn 'och schic'l no 'a yib'an̈ yet' 'a schan̈paq'uil jun yet'l xajmb'al cha.

Lv 1:3

Toto wacx no tzyac' xajmb'al-l cha, a wal junc no quelm wacx caw wach' may spaltail, a tzyij cot 'a wojltac 'a yamq'uil Mantiado.

Lv 1:5

Tzlajw cha, tzmiln cham no 'a wojltac an Jehová in, ax eb' yunnal Aarón, atn eb' ya'mal 'och sti eb' 'anma', a eb' tz'i'n cot schic'l no', tzicn 'och eb' 'a schan̈paq'uil jun yet'l xajmb'al 'ayc' 'a yojltac Mantiado.

Lv 14:13

A 'aj tzcham xon no tz'ajx xajmb'al-l yuj yajx lajwc mul, yet' no xajmb'al tz'a smasnil, ata tzmilx pax no quelm calnelu cha. A jay macn̈ no xajmb'al tic, yic win ya'mal 'och sti eb' 'anma chi tz'ajcn no'. Caw niwn yel'ch junc'aj no xajmb'al cha.

Lv 3:2

A mach tz'a'n jun xajmb'al cha, tzyij cot 'a yamq'uil Mantiado 'a 'aj tzin chaj in b'a eyet'oc. Tzyac' q'ue sc'ab' 'a sjolm no', tzlajw cha, tzmiln cham no'. Ax junc eb' yunnal Aarón, a tzicn 'och schic'l no 'a schan̈paq'uil jun yet'l xajmb'al cha.

Lv 3:8

a mach tz'a'n jun xajmb'al cha, tzyac' q'ue sc'ab' 'a sjolm no', tzlajw cha, tzmiln cham no 'a yamq'uil Mantiado cha. Ax junc eb' yunnal Aarón cha, a tzicn 'och schic'l no 'a schan̈paq'uil jun yet'l xajmb'al cha.

Lv 4:24

Tzya'n q'ue sc'ab' 'a sjolm no chiwo cha, tzmiln cham no 'a wojltac 'aj tzmilx cham xon no noc' tz'ajx xajmb'alil, yujto xajmb'al yic mul yaj no'.

Lv 4:29

Tzyac'q'ue sc'ab' 'a sjolm no', tzmiln cham no 'a 'aj tzmilx cham xon no noc' tz'ajx tz'a xajmb'alil.

Lv 4:33

Tzyac'q'ue sc'ab' 'a sjolm no', tzmiln cham no 'a 'aj tzmilx cham xon no noc' tz'ajx tz'a xajmb'alil.

Lv 5:16

A jun 'anma cha, yowlal tzyac' sjel tas 'aj 'ix 'och smul 'a tas to wicn̈ej yaj cha. Yowlal tztoj junc xo yomacn̈il 'a 'icha stojol, tzya'n 'a junc win ya'mal 'och sti eb' 'anma cha. Junn̈j tzyutj ya'n yet' no calnelu tzyac' xajmb'al-l yuj smul cha. Ax win ya'mal 'och sti eb' 'anma chi tzb'on no xajmb'al cha. 'Ixta to b'i'an, tz'ajx can lajwc smul cha.

Lv 5:7

Toto may stumn jun 'anma chi smann junc no calnelu cha, mto junc chiwo cha, to 'ixta', yowlal tzyij cot chawn̈oc no cowojte', mto chawn̈oc no parama 'a wojltac, junc no tz'ajx yuj mul cha, junc xo no tz'ajx tz'a xajmb'alil.

Lv 5:9

Tzlajw cha, tzb'on̈x 'och jac schic'l no 'a junc spac'b'il yet'l xajmb'al cha, ax jantc to schic'l no tzcani, tzwach' secx can 'ejm 'a yich jun yet'l xajmb'al cha, yujto xajmb'al yic mul yaji.

Lv 6:25

Al smasnil jun tzo'n̈ cuynb'il tic 'a Aarón yet' 'a eb' yunnal, yuj tas tz'aj yajx no xajmb'al tz'a'n lajwc mul. A no xajmb'al cha, yowlal tzmilx cham no 'a wojltac an Jehová in, 'a jun lugar 'ajtil tzmilx xon cham no noc' tz'ajx tz'a'oc, yujto wic yaji.

Lv 6:7

Ax win tz'a'n 'och jun xajmb'al chi 'a wojltac yuj smul jun 'anma cha, ax smul cha, 'oj 'ajxoc can lajwoc, xchi Dios 'a Moisés.

Nm 6:12

Tz'el yich junx tiempoal 'aj tzyac' sti chi 'ayin. A jun tiempoal 'ix 'ec' 'a yic yaln̈tax cha, man̈xtzac 'och stz'acb'oc, yujto a xil sjolom, tox 'ix juw 'eli. An̈jtona', yowlal tzyij 'at pax junc no calnelu jun ab'il sq'uinl 'ayin, yic tz'och xajmb'al-l yuj smul x'och cha.

A Ch'an̈ Carta D'a Eb' Hebreo 11:28

A Moisés cha, yujto ya'jnac 'och Dios 'a sc'ojol, yuj cha, syiclni yi'n 'el yich jun q'uin̈ yic snanb'il cot yel eb' israel 'a libre. Yaljnac 'a eb' yit israelal, to tzlaj stzicch eb' chic' 'a spuerta, sec a jun ángel 'ay yopiso smilwji, matz 'ec' smil junjn sb'ab'l 'unnal eb'.

A Ch'an̈ Carta D'a Eb' Hebreo 12:24

Ata 'ayc' pax Jesús, atn tz'a'n 'el'choc jun yac' trato Dios. Ax schiq'uil, a tz'i'n 'el qui mul 'ayn̈ec, 'icha to tzicx cot 'a quib'an̈. A schic'l cha, 'icha to a tzc'ann niwnc'ojlal 'a quib'n̈ec. Man̈ 'ichaoc schic'l win Abel, to tzc'an spac yuj schamlil.

A Sb'ab'el Carta San Pedro 1:2

An̈ec tic, sic'b'iln̈ec xo 'elt yuj qui Mam Dios, yujto yictax pecti', 'ixta snajnac can cujec. Yuj Yespíritu on̈ 'ajxec 'och yico'oc, sec wach' tzqui yicljec tas tzyala, sec tz'ijx 'el qui mul 'ayn̈ec yuj schic'l Jesucristo. Ya' cab' Dios swach'c'ojlal yet' sjunc'ojlal 'ayx ta'.