Lv 7:12 - Chuj San Sebastian Bible

¹² Toto a junc no xajmb'al tz'ajx cha, yic alj yuj diosal yaj no', yowlal tz'ajx 'ox c'ajoc 'ixm pan may yich yet' no'. Chab' pan pim tz'aji tzcalx yet' yaceiteal te olivo, yet' jun tzo'n̈ c'oxox pan, tzq'ue aceite 'a yib'an̈.

Chuj San Mateo Bible

¹² Tato a junoc noc' silab' chi' tz'ac'ji yuj ac'oj yuj diosal, tz'ac'jipax ixim pan malaj yich, scalaj yed' aceite yed' c'oxox pan tz'och aceite d'ay to malaj pax yich yed' juntzan̈ pan b'ob'il d'a ixim harina te vach' calab'il yed' aceite.

Lv 7:12 ပူးပေါင်းရင်းမြစ်များ

2 Cr 29:31

Xlajw cha, xyaln Ezequías 'ixtc 'a eb' chon̈ab': A ticnec tox xe sacb'tzej e b'a 'a yojltac Jehová. Yuj cha, cotn̈ec, 'ijec cot e xajmb'al yet' e yofrenda 'a yatut Jehová, yuj eyaln yuj diosal 'a 'a, xchi 'a eb'. Xlajw cha, xyi'n cot smasnil eb' chon̈b' xajmb'al, yet' yofrenda yuj yaln eb' yuj diosal 'a Dios. Ax smasnil eb' to tz'el wal 'a sc'ojl ya'n yico', 'ix yac' eb' no xajmb'al to tz'a smasnil.

2 Cr 33:16

'Ix laj snipnc yet'l xajmb'al yic Jehová, 'ix ya'n q'ue xajmb'al yic junc'ojlal 'a yib'an̈, yet' yic alj yuj diosal. 'Ix ya'n alxc 'a eb' 'aj Judá to tzyac' eb' 'emmquilal 'a Jehová sDiosal.

Nehemías 12:43

A wal yic jun c'ul cha, man̈x jantcoc xajmb'al x'ajxi. Ax eb' 'anma cha, caw 'ix tzalj chan̈ eb', yujto a Dios x'a'n jun niwquil tzaljc'ojlal chi 'a eb'. An̈jtona', caw 'ix tzalj pax eb' 'ix 'ix yet' eb' 'unin. A jun tzaljc'ojlal 'ix uj 'a Jerusalén cha, caw 'ix 'ab'x 'a najat.

Salmos 107:8

An̈ec xo tic, calc yuj diosal 'a Jehová, yujto 'ayc'n̈ej schamc'ojlal quet'ec, caw satjub'tac yilx tz'aj scolwj 'a 'ayn̈ec an̈ 'anman̈ec tic.

Salmos 116:17

'Oj wac' in xajmb'al 'a Jehová yic alj yuj diosal, yic tzwaln in b'a 'a 'a.

Salmos 50:23

A eb' tz'a'n yuj diosal 'ayin, 'ay wel'ch 'a sat eb'. A eb' tzb'eylb'an in b'eyb'al, 'oj in colcn 'el eb', xchi Dios.

Jeremías 33:11

Palta ax 'oj 'ajoc, a 'a tic 'oj 'ab'xoc pax yoch b'it yic q'uin̈ yet' yic tzaljc'ojlal jun 'ejm xo, yet' b'it yic eb' quelem yet' eb' 'ix cob'es yic tznupn eb'. 'Oj 'ijxoc cot ofrenda yic alj yuj diosal 'a watut, ax laj yalnc eb' 'ixtic: Alc yuj diosal 'a Jehová tztac' yuj smasnil, yujto caw wach' snab'en, 'ay schamc'ojlal 'a smasnil tiempo, 'oj schic eb'. An Jehová in, an tzwala: Caw 'oj wi'xq'ue'ch jun chon̈b' tic 'icha xon yaj 'a yic yaln̈taxi.

Os 14:2

Palta meltzjan̈c pax 'a Jehová, tzeyaln e b'a 'a 'ixtic: 'A'n̈ niwnc'ojlal yuj qui mul on̈ Mamin, chaj qui 'emmquilal tic on̈, yet' qui wach' paxti tzcal 'ayach.

Lv 2:4

A yic tz'ajx junc ofrenda c'anb'nac 'a yol jorna 'ayin, b'ob'il cab' yet' 'ixm harina caw wach', 'ixm may yich, pim tz'aj sb'o'i, tzcalx yet' aceite. Tztac' pax sb'o c'oxoxal, b'on̈b'il cab' yet' aceite.

Lv 2:5

Toto a junc ofrenda cha, mayb'il 'a yol xalten, b'ob'il cab' 'a 'ixm harina caw wach', calb'il cab' yet' aceite, palta may cab' yich.

Lv 22:29

A yic tzeya'n e xajmb'al yic alj yuj diosal 'ayn an Jehová in, tzeyac' 'ayn 'icha wal yaln ley, sec chab'il no wuj 'ayex.

Lv 6:16

Ax jantc to ofrenda tzcani, 'oj sc'ux Aarón yet' eb' yunnal. A yic tzb'o'i, may yich tz'ejmi. Ata 'oj sc'ux eb' 'a yamq'uil Mantiado 'aj tzin chaj in b'a eyet'oc.

Lv 7:15

A no noc' tz'ajx xajmb'al-l cha, a 'a jun c'u yic tz'ajx no cha, tzchix no muc'uc. Matz tac' tzmolx can jacx no yico'oc junc xo c'u.

Am 4:5

'A'c tz'a 'ixm pan may yich ofrendail yuj e alj yuj diosal. Alc 'el 'a scal smasnil 'anma', yuj jantc eyofrenda tz'el wal 'a e c'ojl eya'ni, 'in a chi caw tze nib'j e b'o'.

Nm 6:15

An̈jtona', yowlal tz'ajx pax junc yune xuc 'ixm pan may yich, b'ob'il 'a 'ixm harina caw wach', calb'il yet' aceite. Tz'ajx pax 'ixm c'oxox pan may yich, 'aych aceite 'a 'a. Junn̈j tzyutj ya'n yet' yofrendail 'ixm harina yet' pax yic te yal uva.

Lc 17:16

Cojnn̈ej xjaw 'a yojltac Jesús, x'ejm cumnjoc, masnto x'e'mch snan̈l sat 'a sat lu'um. 'Ix ya'n yuj diosal 'a Jesús. A jun winc cha, 'aj Samaria winac.

Lc 17:18

Cojxn jun win tic, tzwul yac' yuj diosal 'ayin, palta 'in man̈ quit chon̈b'oquec winac, xchi Jesús 'a eb'.

Ro 1:21

Yujto wach'xam yojc eb' to 'ay Dios, palta matz yal eb' sDiosaloc, may yel'ch 'a eb'. Matz yac' pax eb' yuj diosal 'a 'a. A jantcn̈ej tas tzna eb', caw may yel'chi. May snab'en eb', yujto q'uic'q'uinl yaj spixn eb'.

Ef 5:20

Smasnil tiempo, tzlaj eyac' yuj diosal 'a qui Mam Dios yuj jantcn̈ej tas tzlaj 'ec' 'ayex. A 'a sb'i Cajlil Jesucristo tzlaj eyac' yuj diosal.

A Ch'an̈ Carta D'a Eb' Hebreo 13:15

Yuj cha, smasnil tiempo yowlal tzcalc wach' paxti 'a Dios yuj Jesucristo. A yet' qui ti', tzcalc swach'l Dios. A jun tzcalc tic, atn jun qui xajmb'al tzca'c 'a 'a.