Lv 7:11 - Chuj San Sebastian Bible

¹¹ Atn wal jun in checnb'il tic, yuj tas tz'aj yajx no xajmb'al yic junc'ojlal tz'ajx 'a wojltac an Jehová in:

Chuj San Mateo Bible

¹¹ Aton val sleyal tas tz'aj yac'ji silab' d'a yichan̈ Jehová sch'oxan junc'olal yed'oc:

Lv 7:11 ပူးပေါင်းရင်းမြစ်များ

2 Cr 29:31

Xlajw cha, xyaln Ezequías 'ixtc 'a eb' chon̈ab': A ticnec tox xe sacb'tzej e b'a 'a yojltac Jehová. Yuj cha, cotn̈ec, 'ijec cot e xajmb'al yet' e yofrenda 'a yatut Jehová, yuj eyaln yuj diosal 'a 'a, xchi 'a eb'. Xlajw cha, xyi'n cot smasnil eb' chon̈b' xajmb'al, yet' yofrenda yuj yaln eb' yuj diosal 'a Dios. Ax smasnil eb' to tz'el wal 'a sc'ojl ya'n yico', 'ix yac' eb' no xajmb'al to tz'a smasnil.

2 Cr 33:16

'Ix laj snipnc yet'l xajmb'al yic Jehová, 'ix ya'n q'ue xajmb'al yic junc'ojlal 'a yib'an̈, yet' yic alj yuj diosal. 'Ix ya'n alxc 'a eb' 'aj Judá to tzyac' eb' 'emmquilal 'a Jehová sDiosal.

Pr 7:14

A ticnec, 'ix wac' in xajmb'al yic junc'ojlal to ta'wb'ilx wu'uj, caw 'ay chib'j 'a watut ticnec.

Ez 45:15

Ax pax 'a e no calnelu, a 'a cha'chb' ciente e no', ata tzeyij can 'el junjnoc no caw b'aq'uech, e no caw yax 'aj tzwa 'a sat lum lum yic chon̈b' Israel. Atn jun stzol-l tic tas tz'aj yijx 'el ofrenda 'a tas tzc'uxxi, no xajmb'al tz'a'i, no yic junc'ojlal yet' no tz'ajx stojloc mul.

Lv 19:6

A no noc' tz'ajx xajmb'al-l 'ayn cha, yowlal tzchix no 'a jun c'u cha. Toto matz lajw no', tztac' to pax schix no 'a junx c'u, palta toto 'ayt no tzcani, man̈xtzac stac' schix no 'a schab'jial, yowlal tz'ajx tz'a no'.

Lv 22:29

A yic tzeya'n e xajmb'al yic alj yuj diosal 'ayn an Jehová in, tzeyac' 'ayn 'icha wal yaln ley, sec chab'il no wuj 'ayex.

Lv 7:10

A smasnil ofrenda tz'ajx yuj tas tzc'uxxi, 'icha 'ixm harina calb'il yet' aceite, mto 'ixm c'anb'nac, a jun tzo'n̈ cha, yicn̈ej ewin yin̈tl Aarón tz'aji, lajnn̈ej tzyutj eb' spojn 'ec' 'a 'a.

Lv 7:29

Al jun checnb'il tic 'a scal eb' et israelal to an tzwal jun tzo'n̈ tic: A junc mach tz'a'n junc xajmb'al yic junc'ojlal 'ayin, yowlal tzyij cot 'a wojltac an Jehová in.

Am 5:22

Matz in nib'j jun tzo'n̈ e xajmb'al tzeyac' 'ayin, yic cob' tzin eyi'n chan̈ eyalni. Matz in nib'j pax 'ixm trigo tzeyac' eyofrendaoc. Matz in chaj pax no quelmtac wacx caw b'a'ch tzeyac' xajmb'al-l 'ayn yic junc'ojlal.