Lv 6:29 - Chuj San Sebastian Bible

²⁹ A jun xajmb'al tic wicn̈ej yaji. Tzann̈j ewin yin̈tl eb' ya'mal 'och sti eb' 'anma', tzta'n̈j schin eb' no xajmb'al cha.

Chuj San Mateo Bible

²⁹ A jun silab' chi' yic Jehová yaji. Yaln̈ej mach junoc vinac d'a yin̈tilal eb' sacerdote syal schi'ani.

Lv 6:29 ပူးပေါင်းရင်းမြစ်များ

Ez 42:13

'Ix yaln jun winc chi 'ayn 'ixtic: A jun tzo'n̈ cuarto 'ay 'a sti 'amc' 'a stojlal sur, yet' jun tzo'n̈ xo 'ay 'a stojlal norte, yicn̈ej eb' ya'mal 'och sti eb' 'anma 'a Dios yaji. Atn eb' tz'a'n servil Jehová, ata tzc'ux eb' jun tzo'n̈ xajmb'al tz'ajx 'a Dios. A pax ta tzmol eb' jun tzo'n̈ xajmb'al mto jun tzo'n̈ ofrenda tz'ajx yuj yajx lajwc mul, mto yuj stojloc mul cha. A jun tzo'n̈ cuarto cha, to yic Dios yaji.

Lv 6:25

Al smasnil jun tzo'n̈ cuynb'il tic 'a Aarón yet' 'a eb' yunnal, yuj tas tz'aj yajx no xajmb'al tz'a'n lajwc mul. A no xajmb'al cha, yowlal tzmilx cham no 'a wojltac an Jehová in, 'a jun lugar 'ajtil tzmilx xon cham no noc' tz'ajx tz'a'oc, yujto wic yaji.

Lv 6:26

A win ya'mal 'och sti eb' 'anma cha, a tz'a'n jun xajmb'al cha, yuj yajx lajwc mul, tztac' schin win jac no', palta ata tzchi win no 'a jun lugar to wicn̈ej yaji, atn 'a yamq'uil Mantiado 'aj tzin chaj in b'a eyet'oc.

Lv 7:6

Smasnil ewin yin̈tl eb' ya'mal 'och sti eb' 'anma', tztac' schin eb' no xajmb'al cha, palta cojn 'a yamq'uil Mantiado, yujto a jun xajmb'al cha, niwn yel'chi.

Hageo 2:12

Q'uinloc 'ay junc winc 'et'jnac jac chib'ej, pichb'il 'och yuj 'a yol spichul, q'uinloc wic yaj jac chib'j cha, yujto 'ix 'ajx xajmb'alil. Toto tztench sb'a sti spichl chi 'a 'ixm pan, mto 'a junc schib'l wal tajnac xo, mto 'a te yal uva, mto 'a aceite, mto 'a jun tzo'n̈ocx tas tzc'uxxi, ¿tom yuj cha, yic Dios tz'ajcn jun tzo'n̈ tas tzc'uxx cha? xa chi 'a eb'. Ax yaln eb' ya'mal 'och sti eb' 'anma cha, chajtlto ma'ay, xchi 'ayin.

Nm 18:10

Smasnil eb' winc 'a e cal, tztac' schin eb' no xajmb'al cha, palta ata tzchi eb' 'a jun lugar to wic yaji, yujto an 'ay wic jun tzo'n̈ cha.