Lv 6:27 - Chuj San Sebastian Bible

²⁷ Tzann̈j junc tas tztench sb'a 'a no chib'j cha, wic tz'ajcni. Q'uinloc tz'och tzicn̈joc schic'l no 'a junc pichul, yowlal tzju'x 'el 'a jun lugar to wicn̈ej yaji.

Chuj San Mateo Bible

²⁷ Yaln̈ej tastac tz'och tennaj d'a noc' chib'ej chi' yic Jehová tz'ajcani. Tato tz'och tzitnaj schiq'uil noc' d'a junoc pichul, yovalil sjuc'jiel d'a junoc lugar to yic Jehová yaji.

Lv 6:27 ပူးပေါင်းရင်းမြစ်များ

Ex 29:37

A 'a uque c'u cha, tza'n̈j tz'a no xajmb'al 'a yib'n̈ yet'l xajmb'al cha, yuj ya'n lajwc mul. 'Ixta wal tz'ajcn yoch jun yet'l xajmb'al chi wico'oc. Tzann̈j junc tas tztench sb'a 'a 'a, tz'ochcn pax junc chi wico'oc.

Ex 30:29

'Ixta tzotj a'n can 'och jun tzo'n̈ chi wico'oc; tzann̈j junc tas 'oj stench sb'a 'a 'a, tz'ochcn pax wico'oc.

Ez 44:19

Ax yic mantzac 'elt eb' 'a junx 'amc' 'ay 'a sti 'elt 'aj 'ayc' eb' chon̈ab', yowlal tzyijcan 'el eb' spichl tzc'anlb'ej 'a yopiso cha. Ata tzyactj can eb' 'a yojl jun tzo'n̈ cuarto 'ay 'a yojl 'och watut cha. Chucx cab' spichl eb' tzya'chi, sec wach' matz 'och smay te pichl chi 'a eb' comn 'anma 'ayc' 'a sti cha.

Lv 11:32

Q'uinloc 'ay junc tas 'aj tz'em no chamnc noc' chi 'a yib'an̈, a jun tzo'n̈ cha, man̈ wach'c tz'ajcn yuj no'. 'Icha junc te yamc'ab', junc pichul, junc tz'u'um, junc coxtal, junc yamc'ab' yic munljel. A jun tzo'n̈ cha, yowlal tzlab'x 'ejm 'a yol a', yujto man̈ wach'c tz'ajcn yu'uj, masnto tzq'uic'b'i; tzlajw to chi b'i'an tzb'ox cani.

Lv 6:18

A jun cha, 'oj b'on̈j 'a smasnil tiempo. A ofrenda to wic yaji, tz'ajx tz'a'oc, tzta'n̈j sc'uxn ewin yin̈tl Aarón. Tzann̈j junc tas tztench sb'a 'a jun tzo'n̈ ofrenda cha, wic tz'ajcni, xchi Dios 'a Moisés.

Lv 7:19

Toto 'ay no chib'j yic junc xajmb'al chi tztench sb'a 'a junc mach man̈ wach'c yaj 'icha yaln sleyal, man̈xtzac stac' schix jun xajmb'al cha, palta toxn̈ej tz'ajx tz'a'oc. Tzann̈j mach wach' yaj sacb'tzan sb'a 'icha yaln sleyal, tztac' schin jun xajmb'al cha.

Hageo 2:12

Q'uinloc 'ay junc winc 'et'jnac jac chib'ej, pichb'il 'och yuj 'a yol spichul, q'uinloc wic yaj jac chib'j cha, yujto 'ix 'ajx xajmb'alil. Toto tztench sb'a sti spichl chi 'a 'ixm pan, mto 'a junc schib'l wal tajnac xo, mto 'a te yal uva, mto 'a aceite, mto 'a jun tzo'n̈ocx tas tzc'uxxi, ¿tom yuj cha, yic Dios tz'ajcn jun tzo'n̈ tas tzc'uxx cha? xa chi 'a eb'. Ax yaln eb' ya'mal 'och sti eb' 'anma cha, chajtlto ma'ay, xchi 'ayin.

Mt 14:36

'Ix sc'ann eb' syam jac sti spichul. Tzann̈j eb' xyamni, 'ix b'ox can sc'ojl eb' yu'uj.

Mt 9:21

Yujto sna 'ix 'ixtic: Cojn cab' tzin tzaych jac in c'ab' 'a spichul, ax sb'ox can in c'ojl yu'uj, xchi 'ix.

2 Co 7:1

Ex chamc'ojlb'il wu'uj, atn jun tzo'n̈ tic yaljnac can Dios, yic ya'n can sti 'ayn̈ec. Yuj cha, caw qui wach' 'actquec can jantcn̈ej tas tz'i'n 'at qui niwnal yet' qui nab'enec 'a maysch'olnil. Yowlal tzqui wach' tojlb'tzejc qui nab'en si'mb'il, yuj qui xiwc'ojlalec 'a 'a.

2 Co 7:11

Palta ax xo, caw 'ochnc e cusc'ojlal 'icha tznib'j Dios. Yuj cha, nac coti, tas 'ajnc ex yu'uj. Caw yelc'ojlal 'ochnc ex 'il, caw e coljnac e b'a, cotnc eyowl yuj jun maysch'olnil xb'o 'a e cal cha. Xiwnc ex paxi, caw e nib'jnac in e c'umoc, 'elnc 'a e c'ojl eya'n 'och 'a yib'n̈ jun 'ochnc smul cha. 'Ixta eyutjnac e ch'oxni, to man̈ex locnoc 'a jun maysch'olnil cha.