Lv 6:25 - Chuj San Sebastian Bible

²⁵ Al smasnil jun tzo'n̈ cuynb'il tic 'a Aarón yet' 'a eb' yunnal, yuj tas tz'aj yajx no xajmb'al tz'a'n lajwc mul. A no xajmb'al cha, yowlal tzmilx cham no 'a wojltac an Jehová in, 'a jun lugar 'ajtil tzmilx xon cham no noc' tz'ajx tz'a'oc, yujto wic yaji.

Chuj San Mateo Bible

²⁵ Al masanil juntzan̈ c'ayb'ub'al tic d'a vin̈aj Aarón yed' d'a eb' yuninal, yuj tas tz'aj sn̈usjitz'a silab' yuj yac'ji tup mul: A junoc noc' silab' tz'ac'ji yuj mul chi', yovalil smiljicham noc' d'a yichan̈ Jehová, d'a jun lugar b'ajtaxon smiljicham noc' sn̈usjitz'aoc. A jun silab' chi' yic Jehová yaji.

Lv 6:25 ပူးပေါင်းရင်းမြစ်များ

Ez 42:13

'Ix yaln jun winc chi 'ayn 'ixtic: A jun tzo'n̈ cuarto 'ay 'a sti 'amc' 'a stojlal sur, yet' jun tzo'n̈ xo 'ay 'a stojlal norte, yicn̈ej eb' ya'mal 'och sti eb' 'anma 'a Dios yaji. Atn eb' tz'a'n servil Jehová, ata tzc'ux eb' jun tzo'n̈ xajmb'al tz'ajx 'a Dios. A pax ta tzmol eb' jun tzo'n̈ xajmb'al mto jun tzo'n̈ ofrenda tz'ajx yuj yajx lajwc mul, mto yuj stojloc mul cha. A jun tzo'n̈ cuarto cha, to yic Dios yaji.

Lv 1:11

A 'a stojlal norte 'a jun yet'l xajmb'al cha, ata tzmilx cham no 'a wojltac, ax eb' yunnal Aarón, a eb' tzicn 'och schic'l no 'a yib'an̈ yet' 'a schan̈paq'uil jun yet'l xajmb'al cha.

Lv 1:3

Toto wacx no tzyac' xajmb'al-l cha, a wal junc no quelm wacx caw wach' may spaltail, a tzyij cot 'a wojltac 'a yamq'uil Mantiado.

Lv 1:5

Tzlajw cha, tzmiln cham no 'a wojltac an Jehová in, ax eb' yunnal Aarón, atn eb' ya'mal 'och sti eb' 'anma', a eb' tz'i'n cot schic'l no', tzicn 'och eb' 'a schan̈paq'uil jun yet'l xajmb'al 'ayc' 'a yojltac Mantiado.

Lv 21:22

Tztac' sc'uxn eb' jun tzo'n̈ ofrenda cha, yet' smasnil jun tzo'n̈ xo tas to wic yaji,

Lv 4:24

Tzya'n q'ue sc'ab' 'a sjolm no chiwo cha, tzmiln cham no 'a wojltac 'aj tzmilx cham xon no noc' tz'ajx xajmb'alil, yujto xajmb'al yic mul yaj no'.

Lv 4:29

Tzyac'q'ue sc'ab' 'a sjolm no', tzmiln cham no 'a 'aj tzmilx cham xon no noc' tz'ajx tz'a xajmb'alil.

Lv 6:17

A jun tzo'n̈ ofrenda cha, matz tz'an̈x yet' yich pan. A jantc to tas tzcan 'a 'a, a tzwac' 'a eb'; a jun tzo'n̈ cha, wicn̈ej yaji, 'icha yaj no xajmb'al tz'ajx yuj mul yet' no xajmb'al tztojn lajwc mul.

Lv 6:24

'Ix yaln pax Jehová 'a Moisés 'ixtic:

Lv 6:29

A jun xajmb'al tic wicn̈ej yaji. Tzann̈j ewin yin̈tl eb' ya'mal 'och sti eb' 'anma', tzta'n̈j schin eb' no xajmb'al cha.

Lv 7:7

A no xajmb'al yic stojl mul, lajnn̈ej yel'ch yet' no xajmb'al yic tz'ajx lajwc mul. A no chib'j yic jun tzo'n̈ xajmb'al cha, yic win ya'mal 'och sti eb' 'anma chi yaji.