Lv 6:20 - Chuj San Sebastian Bible

²⁰ A Aarón yet' eb' yunnal, yowlal tzyac' eb' junc ofrenda 'ayn an Jehová in, yic tzsi'x 'och eb' ya'malc 'och sti eb' 'anma cha. Tzyac' eb' chan̈e'oc libra 'ixm harina caw wach', yujto ofrenda yuj tas tzc'uxxi. Nan̈l tz'ajx 'och 'a wojltac 'a sq'uin̈b'ial, ax nan̈locx tz'ajx 'och 'a wojltac 'a yemc'ual. Matz tac' ya'n palta jun tzo'n̈ chi 'a junc c'u.

Chuj San Mateo Bible

²⁰ Aton jun ofrenda tic yovalil syac' vin̈aj Aarón yed' eb' yuninal d'a Jehová, d'a sc'ual sic'chajoch eb' d'a sacerdoteal: Chan̈e' libra ixim harina te vach', yujto ofrenda tz'ac'ji d'a tas svaji. Nan̈al tz'ac'ji d'a q'uin̈ib'alil, axo nan̈alxo, a d'a yemc'ualil tz'ac'ji d'a jun c'u chi'.

Lv 6:20 ပူးပေါင်းရင်းမြစ်များ

1 Cr 23:29

atn 'ixm pan tz'em tzolan, 'ixm harina tz'ajx ofrendail, 'ixm c'oxx pan may yich, jun tzo'n̈ xo ofrenda tzb'o 'a yol xalten, 'ixm harina caln yaj yet' aceite, tzya'n cuenta pax eb' smasnil jun tzo'n̈ 'echtab'.

Ex 16:36

(A jun 'echtab' cha, gomer sb'i, 'aym nan̈loc yoxl litro a tz'ejm 'a yojol.)

Ex 29:2

Tza'n b'o pax 'ixm pan yet' harina caw wach'. Tza'n b'o 'ixm niwc pan may yich; caw wach' tz'aj scalx yet' aceite; tza'n b'o pax 'ixm c'oxox pan may yich, tzicx 'och pax aceite 'a 'a.

Lv 23:13

Tzeya'n pax b'aln̈e'oc libra 'ixm harina caw wach' yet' no', caln tz'aj yet' aceite, sec ax yic tz'ajx tz'a 'a wojltac, su'q'ui cab' yec' sjab'. Tzeya'n junc litro yal uva ofrendail yet' jun tzo'n̈ cha, sec a tzsecx q'ue 'a yib'an̈.

Lv 5:1

Q'uinloc 'ay junc mach tz'awtx 'at yala', yic tzya'n testigoal sb'a 'a junc tas tzyila mto tzyab'i, palta toto matz chaj yala', a jun cha, tz'och smuloc, tzcann̈j 'a yib'an̈.

Lv 5:11

Q'uinloc may stumn jun 'anma chi smann chawn̈oc no cowojte', mto no parama cha, to 'ixta', yowlal tzyij cot chan̈e'oc libra 'ixm harina caw wach'. Matz 'ajx 'och aceite 'a scal, matz 'em pax incienso 'a yib'an̈, yujto xajmb'al yic mul yaji.

Lv 6:11

Tzlajw cha, tzjeln pax 'el win spichl cha, tz'at ya'nc win stan̈il no xajmb'al chi 'a jun lugar wach' yaj sb'o 'a spatquil 'el camplamento.

Lv 6:19

'Ix yaln pax Jehová 'a Moisés 'ixtic:

Nm 28:10

A jun tzo'n̈ xajmb'al cha, tz'ajx 'a yic sc'ul 'iljelal, tz'ajx pax yal uva yet'oc, chuc pax yaj xajmb'al tz'ajx 'a junjn c'u.

Nm 28:3

Tzaln pax 'a eb', 'aja jun tzo'n̈ xajmb'al chi wach' stz'a 'a wojltac an Jehová in yic tzyi'n chan̈ eb' in b'i. 'A junjn c'u tz'ajx tz'a chatcwan̈ no quelm calnelu junjn ab'il sq'uinal, no may spaltail.

Nm 4:16

A Eleazar yunnal Aarón ya'mal 'och sti eb' 'anma 'ayin, a tz'iln aceite tzc'anx 'a cantil, incienso caw wal wach' sjab', ofrenda 'a 'ixm trigo to yowlal tz'ajx 'ayin, yet' perjuma tzc'anlb'ax 'a yic tzsi'x 'och junc 'anma wico'oc, mto junc xo tas. A tztan̈wni in cajnub' yet' smasnil syamc'ab'il, xchi Dios.

A Ch'an̈ Carta D'a Eb' Hebreo 5:1

Junjn eb' sat ya'mal 'och sti eb' israel 'a Dios, sic'b'il 'el eb' 'a scal eb' yit 'anma'il. Tz'ajx yopiso eb' ya'n 'och sti eb' 'anma 'a Dios. Tzya'n pax eb' jun tzo'n̈ ofrenda yet' jun tzo'n̈ xajmb'al yuj smul eb' 'anma cha.

A Ch'an̈ Carta D'a Eb' Hebreo 7:27

Man̈ lajnoc 'icha eb' sat ya'mal 'och sti eb' quit chon̈b'ec 'a Dios. Yujto a eb' cha, yowlal tzyac' eb' jun tzo'n̈ xajmb'al 'a junjn c'u. Tzb'ab'l 'a'j eb' yuj smul, tzya'n pax eb' yuj smul eb' yit 'anma'il. Ax Jesús, jun 'ejmn̈ej ya'jnac xajmb'al-l sb'a yuj qui mulec, yic ya'n cham sb'a.