Lv 6:18 - Chuj San Sebastian Bible

¹⁸ A jun cha, 'oj b'on̈j 'a smasnil tiempo. A ofrenda to wic yaji, tz'ajx tz'a'oc, tzta'n̈j sc'uxn ewin yin̈tl Aarón. Tzann̈j junc tas tztench sb'a 'a jun tzo'n̈ ofrenda cha, wic tz'ajcni, xchi Dios 'a Moisés.

Chuj San Mateo Bible

¹⁸ A sleyal jun ofrenda chi' ol cann̈ej d'a masanil tiempo. A ofrenda to yic Jehová yaji, sn̈usjitz'aoc, syaln̈ej svaan masanil eb' vinac d'a yin̈tilal vin̈aj Aarón. Yaln̈ej tastac tz'och tennaj d'a juntzan̈ ofrenda chi' yic Jehová tz'ajcani, xchi vin̈aj Moisés chi'.

Lv 6:18 ပူးပေါင်းရင်းမြစ်များ

Ex 29:37

A 'a uque c'u cha, tza'n̈j tz'a no xajmb'al 'a yib'n̈ yet'l xajmb'al cha, yuj ya'n lajwc mul. 'Ixta wal tz'ajcn yoch jun yet'l xajmb'al chi wico'oc. Tzann̈j junc tas tztench sb'a 'a 'a, tz'ochcn pax junc chi wico'oc.

Lv 3:17

Man̈ e chi xepual no noc' yet' schic'l no'. A jun tic ley tz'ajcn 'ayex yet' 'a eb' eyin̈til, yaln̈j 'ajtil 'ayx 'eq'ui, xchi Dios 'a Moisés.

Lv 4:24

Tzya'n q'ue sc'ab' 'a sjolm no chiwo cha, tzmiln cham no 'a wojltac 'aj tzmilx cham xon no noc' tz'ajx xajmb'alil, yujto xajmb'al yic mul yaj no'.

Lv 4:3

Q'uinloc a win sat ya'mal 'och sti eb' 'anma tz'och smul, a smul cha tz'och pax smulc eb' chon̈ab'. Toto 'ixta', yowlal tzyac' win junc no quelm wacx may spaltail xajmb'al-l 'ayn an Jehová in yuj smul cha.

Lv 4:33

Tzyac'q'ue sc'ab' 'a sjolm no', tzmiln cham no 'a 'aj tzmilx cham xon no noc' tz'ajx tz'a xajmb'alil.

Lv 6:10

Ax 'a junx sq'uin̈b'ial, a junc win ya'mal 'och sti eb' 'anma cha, yowlal tzya'ch win spichl caw wach', yet' scutin wex b'ob'il 'a te lino. Tzlajw cha, tzmoln chan̈ win stan̈il no noc' tz'ajx tz'a 'a yib'n̈ yet'l xajmb'al cha, tzsecn 'ejm 'a junc spac'b'il jun yet'l xajmb'al cha.

Lv 6:19

'Ix yaln pax Jehová 'a Moisés 'ixtic:

Lv 6:27

Tzann̈j junc tas tztench sb'a 'a no chib'j cha, wic tz'ajcni. Q'uinloc tz'och tzicn̈joc schic'l no 'a junc pichul, yowlal tzju'x 'el 'a jun lugar to wicn̈ej yaji.

Lv 6:29

A jun xajmb'al tic wicn̈ej yaji. Tzann̈j ewin yin̈tl eb' ya'mal 'och sti eb' 'anma', tzta'n̈j schin eb' no xajmb'al cha.

Lv 7:6

Smasnil ewin yin̈tl eb' ya'mal 'och sti eb' 'anma', tztac' schin eb' no xajmb'al cha, palta cojn 'a yamq'uil Mantiado, yujto a jun xajmb'al cha, niwn yel'chi.

Nm 18:10

Smasnil eb' winc 'a e cal, tztac' schin eb' no xajmb'al cha, palta ata tzchi eb' 'a jun lugar to wic yaji, yujto an 'ay wic jun tzo'n̈ cha.

Nm 18:8

'Ix yaln pax Jehová 'ixtc 'a Aarón: An 'ix wac' opiso a chan smasnil ofrenda tz'ajx 'ayn yuj eb' israel tic. A jun tzo'n̈ cha, wicn̈ej yaji, palta an xo tzwac' 'aych yet' 'a eb' onnal, sec eyic tz'ajcn jun tzo'n̈ cha. A jun tic ley tz'ajcn 'a e cal 'a smasnil tiempo.

1 Co 9:13

Eyojc xoni, a eb' tzmunlj 'a yatut Dios, ata tzchaj eb' tas tzc'uxu. Yujto a eb' 'ay yopiso ya'n xajmb'al, 'ay yaln eb' yic schin schib'jal no noc' chi tzyac' eb' xajmb'al-l cha.

A Sb'ab'el Carta San Pedro 1:16

Yujto 'ixtc yaj yaln can Dios 'a Ch'an̈ U'un̈: Ax tic, caw wach'n̈j tzeyutj e b'a, yujto an tic, caw wach'nn̈ej, xchi.

A Sb'ab'el Carta San Pedro 2:9

Palta an̈ec xo tic, junxn̈ej quin̈tl qui masnil 'a sat Dios, yujto sic'b'iln̈ec xo 'el yu'uj. 'Ayx copisoec ca'n 'och qui ti 'a Dios, tzca'nec servil qui Reyal. Caw junxn̈ej chon̈b'al cajc 'a sat Dios. Cojn wal 'a tzca'c servil. Yic on̈c xo qui masnil ticnec. 'Ixta tzon̈ 'ajec, sec wach' calnec 'eli, chajtlto man̈ jantcoc swach'l Dios. Yujto a on̈ 'awtnec 'elt 'a scal q'uic'q'uinal, yic on̈ 'ochc 'a jun sacq'uinl caw wach', atn jun yico'.