Lv 6:15 - Chuj San Sebastian Bible

¹⁵ Tzyi'n cot junc eb' jun jopoc 'ixm harina yet' aceite, junn̈j tz'aj yet' smasnil incienso yic ofrenda cha. Tzlajw cha, tz'ajx tz'a 'a yib'n̈ jun yet'l xajmb'al cha, yuj sch'oxn coti to a smasnil ofrenda cha, wic yaji, caw wach' sjab' tzwab'i.

Chuj San Mateo Bible

¹⁵ syic'ancot junoc b'echan̈ ixim harina yed' aceite, junn̈ej tz'ajb'at yed' masanil incienso yic ofrenda chi', stz'a b'aj stz'ataxon ofrenda, yuj sch'oxani to a masanil jun ofrenda chi' yic Jehová yaji, te suc'uq'ui sjab' syab'i.

Lv 6:15 ပူးပေါင်းရင်းမြစ်များ

Ex 27:21

Ax Aarón yet' eb' yunnal, a eb' tz'och 'ajcuentail ya'n 'och sc'a'l jun tzo'n̈ cantil cha, sec 'ayn̈j 'och sc'a'l 'a wojltac an Jehová in tic yic tz'ec' 'ac'wl 'a yojl in Mantiado, atn 'a yojltac 'elt te cortina 'aych yen̈loc scaxail in trato. A jun tic, ley tz'ajcn 'ayx yet' 'a eb' eyin̈tl b'aq'uin̈, xchi Dios.

Lv 2:2

Tzlajw cha, tzyi'n cot 'a eb' ya'mal 'och sti eb' 'anma', atn eb' yunnal Aarón. A junc eb' tz'i'n chan̈ jun jopoc 'ixm harina yet' aceite, yet' smasnil incienso, tzya'n tz'a jun ofrenda chi 'a yib'n̈ yet'l xajmb'al, yuj sch'oxn coti to a smasnil ofrenda cha, wic yaji. A jun cha, caw wach' sjab' tzwab' an Jehová in.

Lv 2:9

Ata tzyac' tz'a jac jun ofrenda cha, yuj snax cot smasnil ofrenda tz'a'i. A jun ofrenda cha, caw wach' sjab' tzwab' an Jehová in.

Lv 3:17

Man̈ e chi xepual no noc' yet' schic'l no'. A jun tic ley tz'ajcn 'ayex yet' 'a eb' eyin̈til, yaln̈j 'ajtil 'ayx 'eq'ui, xchi Dios 'a Moisés.

Lv 6:14

A jun tzo'n̈ checnb'il tzalx tic, atn tas tz'aj yajx ofrenda tz'ijx 'el 'a 'ixm sat trigo mto 'ixm cebada. A eb' ya'mal 'och sti eb' cha, a eb' tz'i'n 'och 'a wojltac an Jehová in, 'a 'aj 'ayc' yet'l xajmb'al.