Lv 6:12 - Chuj San Sebastian Bible

^12-13 A jun c'ac' 'aych 'a yib'n̈ jun yet'l xajmb'al cha, may xon cab' tz'aj stupi. Yowlal tz'ajx 'och sc'atztzil 'a junjn sq'uin̈b'il yuj eb' ya'mal 'och sti eb' 'anma cha. A 'a yib'n̈ c'ac' chi tz'ajx q'ue no xajmb'al tz'a'oc. Ata tz'a pax xepual no xajmb'al yic junc'ojlal.

Chuj San Mateo Bible

^12-13 A jun c'ac' ayoch d'a yib'an̈ altar chi', ayn̈ejocab'och masanil tiempo, malajocab' b'aq'uin̈ stupi. Yovalil tz'ac'jioch te' c'atzitz yuj eb' sacerdote d'a junjun q'uin̈ib'alil, aton d'a yib'an̈ c'ac' chi' tz'ac'jiq'ue noc' silab' stz'a d'a junjun q'uin̈ib'alil. Ata' stz'apax xepual noc' silab' yic junc'olal.

Lv 6:12 ပူးပေါင်းရင်းမြစ်များ

Nehemías 13:31

'Ix waln yuj te c'atzitz, tas c'ul tz'ijx cot te', xwaln pax yuj sb'ab'l sat yawb'en eb' quit chon̈ab', to yowlal tzyij cot eb' 'a yatut Dios. Yuj cha, xwaln 'a in lesl 'ixtic: Ach in Diosal, nan coti, 'o'ch cab' 'a c'ojl 'ayin, xin chi 'a Dios.

Ez 40:46

Ax jun cuarto q'ueln 'at 'a stojlal norte, yic eb' ya'mal 'och sti eb' 'anma', eb' tzn̈usn no xajmb'al, atn eb' yin̈tl can Sadoc, yet' eb' yin̈tl can pax Leví, cojn eb' tztac' ya'n servil Jehová, xchi 'ayin.

Lv 6:11

Tzlajw cha, tzjeln pax 'el win spichl cha, tz'at ya'nc win stan̈il no xajmb'al chi 'a jun lugar wach' yaj sb'o 'a spatquil 'el camplamento.

Lv 6:9

Al 'a Aarón yet' 'a eb' yunnal, yuj sleyl tas tz'aj yajx no xajmb'al tzn̈usxi. A no noc' tz'ajx xajmb'al-l cha, yowlal tzcan no 'a yib'n̈ stzac'ac' 'a smasnil 'ac'wal, sec tz'a no'.

Lv 9:24

'Ix 'elt c'ac' 'a yojltac Jehová, 'ix ya'n tz'a no xajmb'al yet' xepu, 'ix tz'a no smasnil. A yic xyiln smasnil eb' israel jun tic, caw x'el yaw eb' yuj tzaljc'ojlal, x'em n̈ojnjoc eb' masnto squil 'ejm eb' snan̈l sat 'a sat lu'um.

A Ch'an̈ Carta D'a Eb' Hebreo 10:27

Toto 'ixta', cojxn jun niwn yailal tzqui tan̈wjec, yet' jun c'ac' tzn̈ilchji. Smoj caw tzon̈ xiwc yu'uj. Yuj jun c'ac' cha, ax slajw 'el eb' 'ajc'ojl yajch 'a Dios.