Lv 5:7 - Chuj San Sebastian Bible

⁷ Toto may stumn jun 'anma chi smann junc no calnelu cha, mto junc chiwo cha, to 'ixta', yowlal tzyij cot chawn̈oc no cowojte', mto chawn̈oc no parama 'a wojltac, junc no tz'ajx yuj mul cha, junc xo no tz'ajx tz'a xajmb'alil.

Chuj San Mateo Bible

⁷ Tato malaj stumin jun anima chi' b'aj sman junoc noc' calnel, ma junoc noc' chiva chi', yovalil syic'cot chavan̈oc noc' paramuch, yaln̈ej tas macan̈il d'a yichan̈ Jehová yuj smul ix och chi'. Jun noc' tz'och yuj smul chi', junocxo noc' sn̈usjitz'a smasanil silab'il.

Lv 5:7 ပူးပေါင်းရင်းမြစ်များ

Lv 12:6

A yic tz'acw jun tzo'n̈ sc'ul 'a yic tzb'ox can 'el'ch sc'ojl 'ix, wach'xam winc 'unin, mto 'ix 'unn jun yune 'ix cha, yowlal tzyij cot 'ix nunb'il chi junc no quelm calnelu jun ab'il sq'uinal yet' junc no cowojte', mto junc no parama. Tzya'n 'ix no 'a win ya'mal 'och sti eb' 'anma', yic tz'a no xajmb'al-l 'a yojltac Mantiado 'a 'aj tzin chaj in b'a eyet'oc.

Lv 12:8

Toto a 'ix nunb'il cha, matz tac' ya'n 'ix junc no calnelu, tztac' tzyij cot 'ix chawn̈oc no cowojte', mto chawn̈oc no parama, ax win ya'mal 'och sti eb' 'anma chi tz'a'n tz'a junc no xajmb'alil, ax junc xo no tz'ajx xajmb'al-l yuj mul. 'Ixta tz'aj sacb'tzan sb'a 'ix sec tztac' sjapx 'ix yalsb'a 'ayn 'a in cajnub', xchi Dios 'a Moisés.

Lv 14:30

An̈jtona', tzyi'n 'och win ya'mal 'och sti eb' 'anma chi junc no cowojte', mto junc no parama cha.

Lv 14:31

A junc no ch'ic cha, tz'ajx no xajmb'al-l yuj yajx lajwc mul, ax junc xo no tz'ajx tz'a xajmb'al-l yet' 'ixm harina, 'ixm tz'ajx ofrendail 'ayn an Jehová in. 'Ixta tz'aj slajw can smul junc 'anma cha, xchi Dios 'a Moisés.

Lv 15:30

Ax win tz'a'n junc no xajmb'al-l 'a wojltac an Jehová in, yuj ya'n lajwc mul, ax junc xo no tz'ajx tz'a xajmb'alil. 'Ixta tzyutj win ya'n 'och no 'a wojltac, sec tzb'ox can sc'ojl 'ix yuj a a chi tz'el 'a 'a.

Lv 16:5

A pax eb' eyit israelal jun, tzyij cot eb' chawn̈oc no mam chiwo yic tz'och no xajmb'al-l yuj smul eb' yet' junc mam calnelu yic tz'ajx tz'a'oc.

Lv 27:8

Palta toto caw meb'a junc 'anma cha, matz techj ya'n jun tojlb'al cha, a jun 'anma cha, tz'ijx cot 'a yojltac win ya'mal 'och sti eb' 'anma 'ayin, ax win tznani jantc wal tztechj ya'ni.

Lv 5:11

Q'uinloc may stumn jun 'anma chi smann chawn̈oc no cowojte', mto no parama cha, to 'ixta', yowlal tzyij cot chan̈e'oc libra 'ixm harina caw wach'. Matz 'ajx 'och aceite 'a scal, matz 'em pax incienso 'a yib'an̈, yujto xajmb'al yic mul yaji.

Lv 7:1

Wic yaj no xajmb'al tz'ajx yuj stojl mul. Atn wal jun checnb'il tic yuj tas tz'aj yajxi:

Lv 9:3

Tzaln pax yab' eb' quit chon̈b' tic, to tzyij cot eb' junc no chiwo xajmb'alil, sec tz'ajx lajwc smul eb'. Tzyi'n pax cot eb' junc no quelm wacax, yet' junc no quelm calnelu jun ab'il sq'uinal, no may spaltail, yic tz'ajx tz'a no xajmb'alil.

Nm 5:6

Al jun tzo'n̈ tic 'a eb' et israelal: To an Jehová in, an tzwala, toto 'ay junc winac, mto junc 'ix matz yiclj tas tzwala, mto tzsay smulc 'a junc yit 'anma'il, a jun cha, wan yoch smul.

Nm 6:10

Ax 'a swajxquil c'ual, tzyi'n 'at chawn̈oc no cowojte', mto chawn̈oc no cotc parama 'a win ya'mal 'och sti eb' 'anma', 'a 'aj tzex 'och 'a yol Mantiado 'aj tzin chaj in b'a eyet'oc.

Nm 6:11

A win ya'mal 'och sti eb' 'anma cha, a 'oj 'a'nc junc no xajmb'al-l yuj mul, ax junc xo no 'oj yac' tz'a xajmb'alil, 'ixta 'oj wutc wa'n lajwc smul cha, yujto jun x'aj yet' jun chamnc cha. A 'a yic jun c'u cha, a xil sjolm 'oj q'uib'xi, wic tz'ajx cani.

Mt 10:16

'Ab'ec, 'oj ex in checb't 'icha jun tzo'n̈ calnelu tz'at 'a scal no 'oques, 'ixta 'oj eyaji. Yuj cha, caw lista tzeyutj e b'a 'icha junc chan caw jelan, palta caw manso tzeyutj pax e b'a 'icha junc no parama.

Mt 21:12

Xlajw cha, x'och Jesús 'a yol yamq'uil yatut Dios, 'ix spechn 'elt smasnil eb' tzchon̈wji, yet' eb' tzmanwj ta'. 'Ix sma'n telwc jun tzo'n̈ smexa eb' jelm tumin, yet' xila eb' chon̈m parama.

Mt 3:16

Ax yic xlajw yajx bautisar Jesús, 'ix q'ue paxt 'a yojl a'. Yajn̈j cha, xjacw satcha'an̈, 'ix yiln Jesús chi yeml Yespíritu Dios, 'ix 'ejm 'a yib'n̈ 'icha junc no parama.

Lc 2:24

X'at ya'nc pax eb' jun tzo'n̈ xajmb'al, 'icha tzyal sley Cajlil yuj eb' meb'a', yic yalx can 'ixtic: Yowlal tz'ajx chawn̈oc no parama mto chawn̈oc no cotc cowojte yuj jun 'unn cha, xchi.

2 Co 8:12

Toto tz'el 'a qui c'ojlec ca'n cofrenda, caw tzalj Dios yet'oc, a tzyala tas 'ay 'ayn̈ec. Matz c'ana, toto may tas 'ay 'ayn̈ec.