Lv 5:3 - Chuj San Sebastian Bible

³ Q'uinloc 'ay mach tzyamn junc tas man̈ wach'c tz'el 'a sniwnal junc 'anma'. A mach tzyamn cha, man̈ wach'c tz'ajcn yu'uj, wach'xam matz yil cot sb'a muc'uc. Palta a yic tzyiln cot sb'a, a jun cha, tz'ochcn smuloc.

Chuj San Mateo Bible

³ Q'uinaloc ay mach syaman junoc tas tz'el d'a anima, man̈ vach'oc tz'ajcan yuuj icha yalan ley, max nachajel yuj d'a jun rato chi', palta ayic snachajel yuuj, tz'och jun chi' smuloc.

Lv 5:3 ပူးပေါင်းရင်းမြစ်များ

Ez 44:27

'ixta to b'i'an, tz'ochx 'a yamq'uil sti watut cha. Yowlal tzyac' junc xajmb'al 'ayn ta', yic tz'ajx lajwc smul, tzlajw cha, tzin ya'n pax servil.

Lv 13:3

Ax junc win ya'mal 'och sti eb' 'anma cha, yowlal a tz'iln jun yab'il cha. Toto tzsacb' xil jun 'anma chi 'aj tz'elt jun yab'il cha, an̈jtona', chequel toto man̈ cojnoc 'a stz'umal 'ay, palta 'ayx yich jun yab'il cha. Toto 'ixta', lepra jun cha. A yic tox x'ilx jun 'anma chi yuj win ya'mal 'och sti eb' 'anma cha, ax win tzalni chajtlto man̈xtzac stac' yaj 'a scal eb' yit chon̈ab'.

Lv 5:2

Q'uinloc 'ay junc mach tzyamn junc tas man̈ wach'oc, mto tztench sb'a 'a sniwnal junc no chamnc noc', wach'xam calte'al noc', mto cajb'il noc', mto junc no tzjucsb'a 'a sat lu'um, a jun 'anma cha, man̈ wach'c tz'ajcn yuj jun cha. Tz'ochcn jun chi smuloc, wach'xam mantzac yil cot sb'a.

Lv 5:4

Q'uinloc 'ay mach tzyac' sti 'a junc paxti 'a sji'lti'al, 'a tzann̈j junc tas, a jun 'anma cha, tz'ochcn jun chi smuloc yic tznachj 'el yu'uj chajtlto matz tac' ya'n 'el'choc 'aj ya'jnac can sti cha.

Lv 7:21

A junc 'anma tzyamn junc tas to man̈ wach'c 'a sat ley, junc tas 'ay 'a sniwnal junc 'anma', mto 'a junc no noc', junc tas yajb'il wu'uj, tzlajw cha, tzchin pax schib'jal no xajmb'al yic junc'ojlal tz'ajx 'ayin, a jun 'anma cha, yowlal tz'ijx 'el 'a e cal, xchi Dios 'a Moisés.

Nm 19:22

Smasnil tas tzyam junc 'anma man̈ wach'c cha, tzjuw can 'el yu'uj. A tas tzyam junc 'anma man̈ wach'oc, man̈ wach'c tz'ajcn yu'uj, masnto yic tzq'uic'b'i, xchi Dios.