Lv 5:2 - Chuj San Sebastian Bible

² Q'uinloc 'ay junc mach tzyamn junc tas man̈ wach'oc, mto tztench sb'a 'a sniwnal junc no chamnc noc', wach'xam calte'al noc', mto cajb'il noc', mto junc no tzjucsb'a 'a sat lu'um, a jun 'anma cha, man̈ wach'c tz'ajcn yuj jun cha. Tz'ochcn jun chi smuloc, wach'xam mantzac yil cot sb'a.

Chuj San Mateo Bible

² An̈ejtona' tato ay junoc mach syaman junoc tas man̈ vach'oc icha yalan ley, tz'och smul. Q'uinaloc suquec' sb'a d'a snivanil junoc chamnac noc', vach'chom caltacte'al noc', ma molb'etzal noc', ma junoc noc' tz'ec' n̈ern̈onoc, a junoc mach icha chi' sc'ulej, man̈ vach'oc tz'aji. Tz'och smul, vach'chom max yab'i tato ix suquec' sb'a d'a noc' chamnac noc' chi'.

Lv 5:2 ပူးပေါင်းရင်းမြစ်များ

Salmos 19:12

May wal junc on̈ tztac' quilnec cot qui b'a yuj qui paltail. Ach in Diosal, coln 'el 'a jun tzo'n̈ xo in paltail matz nachj cot wu'uj.

Is 52:11

'Eln̈ecta, 'eln̈ect 'a yol schon̈b' eb' 'aj Babilonia, man̈ eyam tas man̈ wach'c 'ay 'a jun chon̈b' cha. A mach tz'i'nb'ey jun tzo'n̈ yamc'ab' yic Jehová, man̈x eya't e b'a 'a scal maysch'olnil.

Lv 11:11

Man̈ e chi schib'jal no', yujto yajb'il 'el no', caw matz tac' eyamn pax no', yic chamnc xo no'.

Lv 11:8

Matz tac' e chin jun tzo'n̈ no noc' tic, caw matz tac' eyamn pax no 'a yic chamnc xo no'.

Lv 4:13

Toto smasnil eb' et chon̈b' tz'och spaltail, palta man̈ sc'anc sc'ojl eb' tzb'o'o, may pax junc mach tzyil cot sb'a to 'ay yowlal yuj in checnb'il an Jehová in.

Lv 5:17

Q'uinloc 'ay junc mach tz'och smul 'a tas to man̈ smojc sb'on 'a jun tzo'n̈ in checnb'il an Jehová in 'ix wac' 'aych tic, wach'xam man̈ sc'anc sc'ojol, a jun cha, tz'och smuloc.

Lv 5:3

Q'uinloc 'ay mach tzyamn junc tas man̈ wach'c tz'el 'a sniwnal junc 'anma'. A mach tzyamn cha, man̈ wach'c tz'ajcn yu'uj, wach'xam matz yil cot sb'a muc'uc. Palta a yic tzyiln cot sb'a, a jun cha, tz'ochcn smuloc.

Lv 5:4

Q'uinloc 'ay mach tzyac' sti 'a junc paxti 'a sji'lti'al, 'a tzann̈j junc tas, a jun 'anma cha, tz'ochcn jun chi smuloc yic tznachj 'el yu'uj chajtlto matz tac' ya'n 'el'choc 'aj ya'jnac can sti cha.

Lv 7:21

A junc 'anma tzyamn junc tas to man̈ wach'c 'a sat ley, junc tas 'ay 'a sniwnal junc 'anma', mto 'a junc no noc', junc tas yajb'il wu'uj, tzlajw cha, tzchin pax schib'jal no xajmb'al yic junc'ojlal tz'ajx 'ayin, a jun 'anma cha, yowlal tz'ijx 'el 'a e cal, xchi Dios 'a Moisés.

Hageo 2:13

Yuj cha, xin c'anb'n pax 'ixtc 'a eb': Q'uinloc 'ay junc mach tzyamn sniwnal junc chamnc 'anma', man̈ wach'c tz'ajcn yuj 'icha yaln ley, ax tz'aji tzyamn jun tzo'n̈ xwal tic, ¿tom man̈ wach'c tz'ajcn jun tzo'n̈ cha, mto ma'ay? xin chi 'a eb'. 'Ix ta'w eb' ya'mal 'och sti eb' 'anma cha: Yel toni, man̈ wach'c tz'ajcni, xchi eb'.

Nm 19:22

Smasnil tas tzyam junc 'anma man̈ wach'c cha, tzjuw can 'el yu'uj. A tas tzyam junc 'anma man̈ wach'oc, man̈ wach'c tz'ajcn yu'uj, masnto yic tzq'uic'b'i, xchi Dios.

Lc 11:44

[Ax xo cuywjum ex 'a ley yic Moisés yet' ex fariseo,] caw 'oltac ex, caw chab'sat ex. Lajn ex 'icha 'aj mucn junc xi'lb'a, man̈x checloc 'aj mucan. Tz'ec' eb' 'anma 'a yib'an̈, palta man̈ yojcoc eb', toto 'ay mach mucn ta', xchi Jesús.

2 Co 6:17

Yuj cha, yaljnac can pax Cajlil 'ixtic: 'Eln̈ec 'a scal eb', 'ijec 'el e b'a, man̈ eyam junc tas maysch'olnil. Toto 'ixta', 'oj ex in cha wico'oc.

Dt 14:8

No chitam pojl yech no', palta matz jax no yan̈. Yowlal tzeyojquej 'eli to man̈ wach'c no', man̈ e chi schib'jal jun tzo'n̈ noc' tic. A yic chamnc xo no', matz tac' eyamn sniwnal no'.