Lv 5:17 - Chuj San Sebastian Bible

¹⁷ Q'uinloc 'ay junc mach tz'och smul 'a tas to man̈ smojc sb'on 'a jun tzo'n̈ in checnb'il an Jehová in 'ix wac' 'aych tic, wach'xam man̈ sc'anc sc'ojol, a jun cha, tz'och smuloc.

Chuj San Mateo Bible

¹⁷ Q'uinaloc ay junoc mach tz'och smul d'a checnab'il ix yac' Jehová vach'chom man̈ sc'anoc sc'ool, a jun chi' ayxo och smuloc.

Lv 5:17 ပူးပေါင်းရင်းမြစ်များ

Salmos 19:12

May wal junc on̈ tztac' quilnec cot qui b'a yuj qui paltail. Ach in Diosal, coln 'el 'a jun tzo'n̈ xo in paltail matz nachj cot wu'uj.

Lv 4:13

Toto smasnil eb' et chon̈b' tz'och spaltail, palta man̈ sc'anc sc'ojl eb' tzb'o'o, may pax junc mach tzyil cot sb'a to 'ay yowlal yuj in checnb'il an Jehová in.

Lv 4:22

Toto tz'och smul junc eb' yajl yaji, palta man̈ sc'anc sc'ojl tzb'o tas 'ay yowlal sb'on yuj in checnb'il an Jehová in, yowlal tzyiclj smasnil jun tzo'n̈ 'oj wal tic.

Lv 4:27

Q'uinloc a junc 'anma may yopiso tz'och smul 'a tas 'ay yowlal yuj in checnb'il an Jehová in, palta man̈ sc'anc sc'ojol,

Lv 5:15

Q'uinloc 'ay mach man̈ sc'anc sc'ojl tzya'ch smul, yic matz yac' tas to wicn̈ej yaj an Jehová in, a jun cha, yowlal tzyij cot junc no mam calnelu may spaltail 'a wojltac, yic tz'och no xajmb'al-l yuj stojloc smul cha. A no tzyij cot 'ayn cha, yowlal tznaxi jantc tz'el'ch stojl no 'a q'uen plata, 'icha q'uen 'echtab' tzc'anx 'a in cajnub'.

Lv 5:18

Yuj cha, yowlal tzyij cot junc no mam calnelu may spaltail 'a junc win ya'mal 'och sti eb' 'anma'. A no tzyij cot 'ayn cha, yowlal tznaxi jantc tz'el'ch stojl no', a win ya'mal 'och sti eb' 'anma cha, a 'oj 'a'nc 'och jun xajmb'al cha. 'Ixta 'oj 'aj yajx lajwc smul jun 'anma cha, 'a yic man̈ sc'anc sc'ojl tzb'o'o.

Lv 5:19

Atn jun xajmb'al chi tztojn lajwc smul, yujto a jun 'anma cha, 'ay smul 'a wojltac an Jehová in, xchi Dios 'a Moisés.

Lc 12:48

Palta q'uinloc 'ay junc xo moso man̈ 'ojtnacoc, tzb'on pax jun tzo'n̈ tas smoj tz'ajx 'och syailal yu'uj. A jun cha, janc'n̈ej yailal 'oj 'ajxc 'och 'a yib'an̈. A eb' niwn tas 'ac'b'il 'a 'a, niwn tas 'oj c'anb'xoc 'a eb'. Yet' eb' niwn tas 'ac'b'il 'ab'enal 'a 'a, yowlal niwn pax tas 'oj c'anb'xoc 'a eb'.

Ro 14:23

Palta a yic tzqui c'uxnec junc tas, toto tzqui na'ec to 'ay yowlal yuj Dios, toto 'ixta', tz'och qui mulc 'a 'a, yujto matz ca'c 'och 'a qui c'ojol to wach' tzcutjec qui b'a. Tzann̈j tas tzqui b'o'ec, toto matz ca'c 'och 'a qui c'ojol, to wach' 'a sat Dios, to 'ixta', tz'och qui mulc 'a Dios yu'uj.