Lv 5:15 - Chuj San Sebastian Bible

¹⁵ Q'uinloc 'ay mach man̈ sc'anc sc'ojl tzya'ch smul, yic matz yac' tas to wicn̈ej yaj an Jehová in, a jun cha, yowlal tzyij cot junc no mam calnelu may spaltail 'a wojltac, yic tz'och no xajmb'al-l yuj stojloc smul cha. A no tzyij cot 'ayn cha, yowlal tznaxi jantc tz'el'ch stojl no 'a q'uen plata, 'icha q'uen 'echtab' tzc'anx 'a in cajnub'.

Chuj San Mateo Bible

¹⁵ Q'uinaloc ay junoc mach max ic'ancot tastac yictaxon Jehová yaji, vach'chom man̈ sc'anoc sc'ool tz'och smul. A jun anima chi' yovalil syic'cot junoc noc' ch'ac calnel malaj jab'oc spaltail, syac'an noc' silab'il d'a Jehová yuj smul chi'. Yovalil snaji jantac stojol noc' ch'ac calnel chi' d'a q'uen plata, icha q'uen sc'anchaj d'a scajnub' Dios.

Lv 5:15 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 12:16

Ax pax q'uen tumn yuj stojx lajwc mul, yet' q'uen yic tz'ajx lajwc mul, ma'ix 'ijx'at q'uen 'a yatut Jehová, yujto yic eb' ya'mal 'och sti eb' 'anma 'a Dios yaj q'ue'en.

Esdras 10:19

A eb' cha, sta'wj eb' sti'oc to tzpoj sb'a eb' yet' yistzil cha, 'ix ya'n eb' junjn no mam calnelu ofrendail yuj smul cha.

Ex 30:13

Smasnil eb' tzyac' tz'ib'xoc sb'a, yowlal tzyac' eb' o'e gramo q'uen plata 'ayn an Jehová in yuj stojnb'ilc sq'uinal, spacl 'a yal-l 'a jun 'echtab' tzc'anx 'a in cajnub'.

Ez 40:39

Ax 'a yojl 'och cha, ata 'ay chan̈e niwc mexa, cha'chb' 'a junjn pac'. A 'a yib'n̈ te mexa chi tzmilx no xajmb'al tz'ajx tz'a'oc yet' no tz'och stojloc mul.

Lv 1:10

Toto calnelu mto chiwo no tz'ajx xajmb'al-l cha, yowlal a junc no smam tzyac' junc mach cha, no may spaltail.

Lv 1:3

Toto wacx no tzyac' xajmb'al-l cha, a wal junc no quelm wacx caw wach' may spaltail, a tzyij cot 'a wojltac 'a yamq'uil Mantiado.

Lv 14:12

Tzlajw cha, tz'ijx cot junc no quelm calnelu chi yet' 'oxe octavo aceite cha, tzb'achx 'och 'a wojltac an Jehová in. A jun cha, xajmb'al yuj stojl mul.

Lv 27:3

A eb' winc junc'l ab'il sq'uinal masnto tzc'och 'a 60 ab'il, yowlal tz'ajx 50 q'uen tumn plata smanmb'iloc, a tzyal 'echtab' tzc'anx 'a in cajnub'.

Lv 4:2

Al yab' smasnil eb' et israelal, to an tzwal jun tzo'n̈ tic: Toto 'ay mach tz'och smul, palta man̈ sc'anc sc'ojl tzb'o tas 'ay yowlal sb'on yuj in checnb'il an Jehová in, yowlal tzyiclj smasnil jun tzo'n̈ 'oj wal tic.

Lv 5:14

'Ix yaln Jehová 'a Moisés 'ixtic:

Lv 5:16

A jun 'anma cha, yowlal tzyac' sjel tas 'aj 'ix 'och smul 'a tas to wicn̈ej yaj cha. Yowlal tztoj junc xo yomacn̈il 'a 'icha stojol, tzya'n 'a junc win ya'mal 'och sti eb' 'anma cha. Junn̈j tzyutj ya'n yet' no calnelu tzyac' xajmb'al-l yuj smul cha. Ax win ya'mal 'och sti eb' 'anma chi tzb'on no xajmb'al cha. 'Ixta to b'i'an, tz'ajx can lajwc smul cha.

Lv 5:18

Yuj cha, yowlal tzyij cot junc no mam calnelu may spaltail 'a junc win ya'mal 'och sti eb' 'anma'. A no tzyij cot 'ayn cha, yowlal tznaxi jantc tz'el'ch stojl no', a win ya'mal 'och sti eb' 'anma cha, a 'oj 'a'nc 'och jun xajmb'al cha. 'Ixta 'oj 'aj yajx lajwc smul jun 'anma cha, 'a yic man̈ sc'anc sc'ojl tzb'o'o.

Lv 6:6

A no xajmb'al tzyac' cha, a junc scalnelu, mto junc schiwo may spaltail, a tzyij cot 'a junc win ya'mal 'och sti eb' 'anma cha, ax win tznan 'eli jantc tz'el'ch stojl no'.

Lv 7:1

Wic yaj no xajmb'al tz'ajx yuj stojl mul. Atn wal jun checnb'il tic yuj tas tz'aj yajxi:

Lv 7:6

Smasnil ewin yin̈tl eb' ya'mal 'och sti eb' 'anma', tztac' schin eb' no xajmb'al cha, palta cojn 'a yamq'uil Mantiado, yujto a jun xajmb'al cha, niwn yel'chi.

Nm 15:24

Toto 'ay junc checnb'il tic tz'at satc'ojlal yuj eb' chon̈b' smasnil, 'oj e mol 'a'c junc no quelm wacx xajmb'al-l 'ayn an Jehová in, tzeya'n tz'a no', yujto wach' sjab' tzwab'i, tzeya'n pax 'ixm harina yet' yal uva, 'icha yaj sleyal. Chuc pax tz'ajx junc no chiwo xajmb'al-l 'ayn yuj ya'n lajwc e mul cha.

Nm 5:5

'Ix yaln Jehová 'a Moisés 'ixtic:

Nm 5:8

Toto tox xcham junc 'anma chi 'aj say smuloc, mto man̈x 'a pax junc mach 'ayt yuj sb'a yet'oc, junc smoj schan sjel junc tas cha, to 'ixta', a junc cha, tz'ochcn wico'oc, ax 'a yol sc'ab' junc ya'mal 'och sti eb' 'anma tzcani. An̈jtona tzya'n pax junc no mam calnelu xajmb'aloc, sec wach' tz'ajx can lajwc smul jun 'anma cha.

Dt 12:26

Palta ax jantcn̈ej tas tzeyac' ofrendail 'a 'a, yet' tas ta'wb'il eyu'uj, tzeyij 'at 'a jun lugar chi 'oj si'l Jehová yico'oc cha.

A Ch'an̈ B'ab'el Libro Samuel 6:3

—Toto tzeya'x meltzjoc te scaxail strato sDiosal Israel cha, man̈ eya'x meltzjoc te sch'ocoj, palta yowlal cab' 'ay tas tzeyac' stojnb'ilc e mul chi 'a 'a. Toto 'ixta', 'oj b'oxc e c'ojol, ax eyojcan 'eli, tas wal yuj xya'ch yailal 'a quib'n̈ec, xchi eb' ya'mal 'och sti eb' cha.