Lv 4:7 - Chuj San Sebastian Bible

⁷ Tzb'on̈n 'och win jac schic'l no 'a sch'ac jun yet'l 'aj tz'a incienso, jun 'aych 'a wojltac 'a yol Mantiado cha. Ax smasnil schic'l no tzcani, ata tzsecx can 'ejm 'a yich jun yet'l xajmb'al 'ay 'a yojltac 'elt Mantiado cha.

Chuj San Mateo Bible

⁷ Sucanoch jab'oc schiq'uil noc' chi' vin̈ d'a sch'ac altar yic incienso ayoch d'a yichan̈ Jehová d'a yol mantiado. Axo masanil chic' tzato can chi', seccanem vin̈ d'a yichtac yoc altar b'aj sn̈usjitz'a silab', aton jun ayem d'a yichan̈ mantiado chi'.

Lv 4:7 ပူးပေါင်းရင်းမြစ်များ

Salmos 118:27

A Jehová Dios ton b'i'an, a 'ix a'n sacq'uinl 'ayn̈ec. Qui nac sq'uin̈al, tzqui'nec te sc'ab' te yet' xi'il, tzon̈ oyyec' 'a spatquil yet'l xajmb'al.

Ex 29:12

Tza b'on̈n yune a c'ab' 'a jac schic'l no', tza sucn 'och 'a sch'ac jun yet'l xajmb'al chi 'a junjn yisquinyoal. Ax smasnil schic'l no cha, tza sec 'ejm 'a yaln̈ yoctc yet'l xajmb'al.

Lv 1:5

Tzlajw cha, tzmiln cham no 'a wojltac an Jehová in, ax eb' yunnal Aarón, atn eb' ya'mal 'och sti eb' 'anma', a eb' tz'i'n cot schic'l no', tzicn 'och eb' 'a schan̈paq'uil jun yet'l xajmb'al 'ayc' 'a yojltac Mantiado.

Lv 16:18

Tzlajw cha, tz'elt sacb'tzoc jun yet'l xajmb'al 'ayc' 'a wojltac an Jehová in. Tzyi'n cot jac schic'l no quelm wacx cha, yet' yic no chiwo, tzsucn 'och 'a sch'ac jun yet'l xajmb'al cha, tzicn 'och pax 'a spac'b'il smasnil.

Lv 4:18

Tzb'on̈n 'och win jac schic'l no chi 'a sch'ac jun yet'l 'aj tz'a incienso 'a wojltac an Jehová in, 'a yol Mantiado cha. Ax smasnil schic'l no tzcani, tzsecx can 'ejm 'a yich jun yet'l xajmb'al 'ay 'a yojltac 'elt Mantiado, 'a 'aj tz'a no xajmb'al.

Lv 4:25

Tzlajw cha, ax junc win ya'mal 'och sti eb' 'anma chi tz'i'n cot jac schic'l no yet' yune sc'ab', tzb'on̈n 'och 'a sch'ac jun yet'l xajmb'al 'a 'aj tz'a xon no cha. A jantc to schic'l no tzcani, tzsecx can 'ejm 'a yich jun yet'l xajmb'al cha.

Lv 4:30

Ax junc win ya'mal 'och sti eb' 'anma', a tz'i'n cot jac schic'l no yet' yune sc'ab', tzb'on̈n 'och 'a sch'ac jun yet'l xajmb'al 'a 'aj tz'a xon no xajmb'al cha, ax jantc to schic'l no tzcani, tzsecx can 'ejm 'a yich jun yet'l xajmb'al cha.

Lv 4:34

Ax junc win ya'mal 'och sti eb' 'anma chi tz'i'n cot jac schic'l no yet' yune sc'ab', tzb'on̈n 'och 'a sch'ac jun yet'l xajmb'al 'aj tz'a xon no xajmb'al cha. A jantc to schic'l no tzcani, ata tzsecx can 'ejm 'a yich jun yet'l xajmb'al cha.

Lv 5:9

Tzlajw cha, tzb'on̈x 'och jac schic'l no 'a junc spac'b'il yet'l xajmb'al cha, ax jantc to schic'l no tzcani, tzwach' secx can 'ejm 'a yich jun yet'l xajmb'al cha, yujto xajmb'al yic mul yaji.

Lv 6:30

Palta a junc no xajmb'al tz'ijx cot schic'l 'a yojl Mantiado 'a jun lugar to wicn̈ej yaji, yuj ya'n lajwc mul, a no cha, matz tac' schix no', yowlal tz'ajx tz'a no smasnil.

Lv 8:15

Smiln cham Moisés no', 'ix yi'n 'at jab' schic'l no yet' yune sc'ab', sb'on̈n 'och 'a sch'ac jun yet'l xajmb'al 'aych 'a schicn schan̈il, sec wach' chab'il yuj Dios. Ax jantc to chic' xcani, 'ix seccn 'ejm 'a yich yet'l xajmb'al cha. 'Ixta x'ajcn jun chi yochcn yico'oc Dios, sec wach' tz'ajx can lajwc mul.

Lv 9:9

Xlajw cha, xyi'n cot eb' yunnal Aarón no schic'l no xajmb'al cha, xya'n 'och eb' 'a stz'ey. Xya'n 'ejm Aarón yune sc'ab' 'a scal schic'l no noc' cha, sb'on̈n 'och 'a sch'ac yet'l xajmb'al, ax jantc to schic'l no xcani, ata seccn 'ejm 'a yich yet'l xajmb'al cha.

Ef 2:13

Palta ax ticnec, junxn̈ej eyaj yet' Cristo Jesús. Wach'xam 'icha to najt eyajcn 'el 'a Dios 'a yic yalan̈, ax ticnec, la'n xo eyaj 'a stz'ey, yujto 'elnc can schic'l Cristo cujec, yic xchami.

A Ch'an̈ Carta D'a Eb' Hebreo 9:15

Yuj cha, a Jesucristo tz'a'n 'el'choc jun 'ac' trato cha. A yic xchami, 'ix ya'n can lajwc smul eb' 'ayc' 'a yol sc'ab' jun b'ab'l trato. Yuj cha, an̈ec 'awtb'iln̈ec yuj Dios yico'oc, tztac' quica'an jun 'aj ya'jnac can sti', atn qui q'uinlec 'a jun 'ejmn̈ej.

A Ch'an̈ Carta D'a Eb' Hebreo 9:21

An̈jtona', stzicjnac 'at Moisés chic' 'a yib'n̈ jun scajnub' Dios, yet' 'a smasnil jun tzo'n̈ yamc'ab' 'ay yopiso ta'.

Apoc 6:9

A jun tzcuch Calnelu cha, a yic 'ix sn̈i'chtan jun yol seyo, 'ix wiln jun yet'l 'aj tz'a xajmb'al. A 'a yalan̈, ata 'ay spixn eb' milb'il cham yuj spaxti Dios, yujto ya'jnac testigoal sb'a eb' yu'uj.