Lv 4:27 - Chuj San Sebastian Bible

²⁷ Q'uinloc a junc 'anma may yopiso tz'och smul 'a tas 'ay yowlal yuj in checnb'il an Jehová in, palta man̈ sc'anc sc'ojol,

Chuj San Mateo Bible

²⁷ Tato ay junoc comon anima tz'och smul, man̈ sc'anoc sc'ool yic sc'ulan tastac to man̈ ichocta' yalan schecnab'il Jehová,

Lv 4:27 ပူးပေါင်းရင်းမြစ်များ

Salmos 19:13

Man̈ in a cha wa'ch in b'a 'a scal maysch'olnil, man̈ in a cha 'ajxoc mandar yu'uj, sec matz 'och in mul 'ayach. Toto 'ixta', may in paltail 'a a sat.

Ex 12:49

A jun ley tic, yowlal tzyiclj smasnil eb' 'anma tz'alj 'a e cal, yet' eb' chuc chon̈b'al tzjaw cajn 'a e cal, xchi Dios.

Ez 45:17

Ax win yajl cha, a win tz'och 'ajcuentail ya'n tz'a no xajmb'al tz'a'i, 'ixm harina, yal uva tz'ajx ofrendail 'a yic tzpac' 'uj, 'a yic sc'ul 'iljelal, 'a yic tzjaw junjn q'uin̈ 'a chon̈b' Israel. A pax win 'oj 'a'nc no xajmb'al yic stojl mul, yet' yofrendail 'ixm trigo, no xajmb'al tz'a'i, yet' no xajmb'al yic junc'ojlal, sec tz'ajx niwnc'ojlal smul eb' israel cha.

Ez 45:20

An̈jtona', 'ixta pax tz'aj sacb'tzax watut 'a yic uque yoch jun 'uj cha, yuj eb' 'anma man̈ sc'anc sc'ojl tz'och smul, eb' matz yil yoch smul.

Lv 4:13

Toto smasnil eb' et chon̈b' tz'och spaltail, palta man̈ sc'anc sc'ojl eb' tzb'o'o, may pax junc mach tzyil cot sb'a to 'ay yowlal yuj in checnb'il an Jehová in.

Lv 4:2

Al yab' smasnil eb' et israelal, to an tzwal jun tzo'n̈ tic: Toto 'ay mach tz'och smul, palta man̈ sc'anc sc'ojl tzb'o tas 'ay yowlal sb'on yuj in checnb'il an Jehová in, yowlal tzyiclj smasnil jun tzo'n̈ 'oj wal tic.

Lv 4:22

Toto tz'och smul junc eb' yajl yaji, palta man̈ sc'anc sc'ojl tzb'o tas 'ay yowlal sb'on yuj in checnb'il an Jehová in, yowlal tzyiclj smasnil jun tzo'n̈ 'oj wal tic.

Lv 5:17

Q'uinloc 'ay junc mach tz'och smul 'a tas to man̈ smojc sb'on 'a jun tzo'n̈ in checnb'il an Jehová in 'ix wac' 'aych tic, wach'xam man̈ sc'anc sc'ojol, a jun cha, tz'och smuloc.

Lv 9:15

'Ix ya'n pax Aarón no xajmb'al yuj eb' yit chon̈ab'. 'Ix yi'n cot no chiwo, atn no xajmb'al yuj smul eb' chon̈ab', smiln chamoc, xya'n xajmb'al-l 'icha 'ix yutj ya'n xajmb'al-l no b'ab'el.

Nm 15:16

Junn̈j ley 'oj e c'anlb'oc ax tic, yet' pax eb' chuc chon̈b'al 'ayc' eyet'oc, xchi Dios.

Nm 15:22

Nac wal si'mb'il yuj jun tzo'n̈ checnb'il waljnac 'ayx 'a yictax b'ab'el, sec tzeyiclj ax tic, ax syiclni pax eb' eyin̈tl b'aq'uin̈; toq'ue tzlaj sat e c'ojl eyiclni. Yowlal 'oj eyiclc jun tzo'n̈ xo 'oj wal tic:

Nm 15:27

Toto a junc comn 'anma tz'och smul, to man̈ sc'anc sc'ojol, a junc 'anma cha, tzyac' junc no cob's chiwo jun ab'il sq'uinl xajmb'al-l yuj smul cha.

Nm 15:29

Atn jun ley tic tz'och yopiso 'a e cal ax israel ex tic, yet' pax 'a eb' chuc chon̈b'al cajn 'ec' 'a e cal, toto man̈ sc'anc sc'ojl junc mach tz'och smul cha.

Nm 5:6

Al jun tzo'n̈ tic 'a eb' et israelal: To an Jehová in, an tzwala, toto 'ay junc winac, mto junc 'ix matz yiclj tas tzwala, mto tzsay smulc 'a junc yit 'anma'il, a jun cha, wan yoch smul.