Lv 4:21 - Chuj San Sebastian Bible

²¹ Tzlajw cha, tz'ijx 'el jantc to no xajmb'al chi 'a spatquil 'el camplamento. Ata tzwach' 'ajx tz'a no', 'icha wal tz'aj no tox 'ix b'inax 'a b'ab'el, yujto a jun xajmb'al cha, tz'ajx yuj smul eb' 'anma'.

Chuj San Mateo Bible

²¹ Slajvi chi' tz'ic'jiel noc' silab' chi' d'a spatiquel campamento. Ata' sn̈usjitz'a noc', icha val tz'utaj noc' b'ab'el quelem vacax chi', yujto a jun silab' chi' tz'ac'ji yuj yac'ji lajvoc co mul co masanil.

Lv 4:21 ပူးပေါင်းရင်းမြစ်များ

Esdras 8:35

Ax qui masnil on̈ paxt 'a Babilonia cha, xcac' qui xajmb'al to tz'a smasnil 'a qui Diosalec: lajchwan̈ no quelm wacx xcac' cuj qui masnil an̈ israel on̈ tic, 96 no mam calnelu, 77 no quelm calnelu. 'Ix ca'n pax lajchwan̈ no mam chiwo xajmb'alil yic tz'ajx lajwc qui mul. Smasnil jun tzo'n̈ cha, 'ix cac' tz'a 'a yojltac Jehová.

Ex 29:14

Palta ax schib'jal no wacx cha, no stz'umal yet' no stza', ata tza n̈ustz'a 'a sti 'el camplamento, yujto a jun tic, xajmb'al yic tz'ajx lajwc mul.

Ez 45:22

A 'a jun b'ab'l c'u cha, ata 'oj yac' win yajl chi jun no quelm wacx xajmb'al-l yuj smul yet' pax yuj smul eb' chon̈b' cha.

Lv 16:15

Tzlajw cha, tz'elta, tzmiln pax win no chiwo tz'och xajmb'al-l yuj smul eb' chon̈ab', tzyi'n pax 'och schic'l no 'a yojltac 'och te cortina cha. Tzicn 'och 'a yib'n̈ smac yet' 'a yojltac 'elt smacl sti caxa, 'icha wal tzyutj 'a b'ab'l yet' schic'l no quelm wacx cha.

Lv 16:21

Tzya'n q'ue sc'ab' schab'l 'a sjolm no', tzyamn 'och yaln 'ejm smul yet' stenmtacl eb' eyit israelal 'a yib'n̈ no'. 'Ixta tzyutj ya'n can 'och jun tzo'n̈ mul chi 'a yib'n̈ no', sic'b'ilx cab' pax junc winc tz'at 'a'noc can no 'a lum cusltac lum 'a najat.

Lv 16:27

A no quelm wacax yet' no chiwo tz'ajx xajmb'al-l yuj ya'n lajwc mul cha, no x'ijx cot schic'l 'a yol jun cuarto to wicn̈ej yaj cha, tz'ijx 'el no 'a sti 'el camplamento. Ata tz'ajx tz'a no yet' stz'umal, no schib'jal yet' pax no stza'.

Lv 4:13

Toto smasnil eb' et chon̈b' tz'och spaltail, palta man̈ sc'anc sc'ojl eb' tzb'o'o, may pax junc mach tzyil cot sb'a to 'ay yowlal yuj in checnb'il an Jehová in.

Lv 4:20

tzyal 'el'chi, to tzb'o jun quelm wacx chi xajmb'al-l 'icha no xajmb'al tox 'ix b'inaxi. 'Ixta tzyutj win ya'mal 'och sti eb' 'anma sb'on no xajmb'al chi yuj smul eb' chon̈b' cha, ax smul eb' cha, 'oj 'ajxoc can lajwoc.

Lv 6:11

Tzlajw cha, tzjeln pax 'el win spichl cha, tz'at ya'nc win stan̈il no xajmb'al chi 'a jun lugar wach' yaj sb'o 'a spatquil 'el camplamento.

Lv 6:23

Smasnil jun tzo'n̈ ofrenda to a eb' ya'mal 'och sti eb' 'anma chi tz'a'ni, yowlal tz'ajx tz'a smasnil, may junc mach tztac' sc'uxni, xchi Dios 'a Moisés.

Lv 8:17

Ax stz'umal yet' schib'jal no wacx cha, yet' stza no', ata x'ajx tz'a 'a spatquil 'el camplamento, 'icha wal 'ix yutj Jehová yaln 'a Moisés.

Nm 15:24

Toto 'ay junc checnb'il tic tz'at satc'ojlal yuj eb' chon̈b' smasnil, 'oj e mol 'a'c junc no quelm wacx xajmb'al-l 'ayn an Jehová in, tzeya'n tz'a no', yujto wach' sjab' tzwab'i, tzeya'n pax 'ixm harina yet' yal uva, 'icha yaj sleyal. Chuc pax tz'ajx junc no chiwo xajmb'al-l 'ayn yuj ya'n lajwc e mul cha.

Mt 20:28

'Ixta pax in an 'Ochnc in 'Anmal tic, man̈ yujoc wajx servil in jawi, palta yuj wa'w servil. In jaw wul wac' milxoc cham in b'a, sec wach' til wal mach 'oj colchjoc wu'uj, xchi 'a eb'.

2 Co 5:21

A Cristo, may xon jac maysch'olnil sb'o'o. Palta ya'jnac 'och Dios smasnil qui mulc 'a yib'an̈, sec junxn̈ej tzon̈ 'ajc yet'oc. Yujn̈ej wal cha, tzyaln Dios to wach'n̈ec 'a sat ticnec, 'icha tznib'ej.

A Ch'an̈ Carta D'a Eb' Hebreo 13:11

Yujto a win sat ya'mal 'och sti eb' 'anma 'a Dios, a tz'i'n 'och schic'l jun tzo'n̈ no noc' 'a jun cuarto caw yicn̈ej Dios yaj sch'ocoj. Ax 'a sti 'el camplamento 'aj 'ayc' eb' cha, ata tz'a jun tzo'n̈ noc' cha.