Lv 4:2 - Chuj San Sebastian Bible

² Al yab' smasnil eb' et israelal, to an tzwal jun tzo'n̈ tic: Toto 'ay mach tz'och smul, palta man̈ sc'anc sc'ojl tzb'o tas 'ay yowlal sb'on yuj in checnb'il an Jehová in, yowlal tzyiclj smasnil jun tzo'n̈ 'oj wal tic.

Chuj San Mateo Bible

² Tato ay mach tz'och smul, man̈ sc'anoc sc'ool, sc'ulan tastac ay yovalil, ato a' syal schecnab'il Jehová, yovalil sc'anab'ajej masanil juntzan̈ tastac ol val tic:

Lv 4:2 ပူးပေါင်းရင်းမြစ်များ

Gn 20:9

Xlajw cha, 'ix yawtn cot win Abimelec win Abraham, 'ix yaln 'a 'ixtic: —¿Tas yuj 'ixta in otej? ¿Tas in mul 'ayach yuj cha, 'ijn tzcot jun niwquil mul tic 'a wib'n̈ o'oj, yet' 'a yib'n̈ smasnil eb' in checb' tic? Man̈ wach'c tas xa b'o'o.

Salmos 19:12

May wal junc on̈ tztac' quilnec cot qui b'a yuj qui paltail. Ach in Diosal, coln 'el 'a jun tzo'n̈ xo in paltail matz nachj cot wu'uj.

Salmos 19:13

Man̈ in a cha wa'ch in b'a 'a scal maysch'olnil, man̈ in a cha 'ajxoc mandar yu'uj, sec matz 'och in mul 'ayach. Toto 'ixta', may in paltail 'a a sat.

Ec 5:6

Man̈ ca'c 'och qui mul qui comn ta'wniec junc tas, ax tz'aji, a yic tzwul schanoc junc mach to 'aych 'a yib'n̈ schani, tzcalnec to satc'ojlal cajec yic xqui ta'wniec cani. Man̈ qui tzuntzquec cot yowl sc'ojl Dios yet' tas tzcalec, yujto 'ay smay satn 'el tas tzlaj qui b'o'ec.

Lv 22:14

A mach tzcomn c'uxn tas to wic yaji, yic mant yojcoc toto wic jun tzo'n̈ cha, yowlal tzya'x sjel 'a win ya'mal 'och sti eb' cha, yet' pax junc xo yomacn̈il 'icha tas 'ix sc'ux cha.

Lv 4:1

'Ix yal Jehová 'a Moisés 'ixtic:

Lv 4:13

Toto smasnil eb' et chon̈b' tz'och spaltail, palta man̈ sc'anc sc'ojl eb' tzb'o'o, may pax junc mach tzyil cot sb'a to 'ay yowlal yuj in checnb'il an Jehová in.

Lv 4:22

Toto tz'och smul junc eb' yajl yaji, palta man̈ sc'anc sc'ojl tzb'o tas 'ay yowlal sb'on yuj in checnb'il an Jehová in, yowlal tzyiclj smasnil jun tzo'n̈ 'oj wal tic.

Lv 4:27

Q'uinloc a junc 'anma may yopiso tz'och smul 'a tas 'ay yowlal yuj in checnb'il an Jehová in, palta man̈ sc'anc sc'ojol,

Nm 35:11

yowlal tze si'cn 'el jaye'oc chon̈b'al 'aj wach' 'at scolnc sb'a eb' 'anma tzmil cham junc yit 'anma'il, eb' to man̈ sc'anc sc'ojl tzmilwji.

Dt 19:4

A jun tzmilwj cha, tztac' s'at 'eloc, yic tz'at scolnc sb'a ta', sec matz chami, toto man̈ sc'anc sc'ojl tzmilwji, toto may pax xon yowl yet' jun tzmil cha.

1 Ti 1:13

Al 'a yic yalan̈, caw b'uchwjnacn 'a Cristo. Caw wa'jnac in tul 'a 'a, 'ay 'aj b'ajb'il wu'uj. Palta caw x'o'ch sc'ojl Dios 'ayin, yujto ma'ix nachj 'el wu'uj, tas xin b'o'o, yujto mant in creyenteoc ta'.

A Ch'an̈ Carta D'a Eb' Hebreo 5:2

A eb' cha, lajn eb' 'icha eb' yit 'anma'il, yujto may pax ste'nal eb' yet' eb'. Yuj cha, tztac' niwn tzyutj eb' sc'ojl 'a eb' mantzac nachj 'el yu'uj, yet' eb' tz'em 'a spaltail.

A Ch'an̈ Carta D'a Eb' Hebreo 9:7

Palta ax 'a jun schab'l cuarto cha, cojxn jun sat ya'mal 'och sti eb' 'anma 'a Dios 'ochnac. Cojn jun 'ejm tz'och 'a junjn ab'il. A yic tz'ochi, yowlal yet' schic'l no noc', yic tzya'n yuj smul, yet' pax yuj smul eb' quit chon̈b'ec.

Santiago 3:10

Junn̈j qui ti tzqui c'anlb'ej caln wach' paxti 'a Dios, tzqui c'anlb'an pax 'a maysch'olnil. Palta ex wu'tac, ex wanab', caw man̈ smojc qui b'onec 'ixta'.

A Ch'an̈ B'ab'el Libro Samuel 14:27

Palta ax Jonatán, ma'ix yab' ya'n can smam chi jun sti 'a eb' chon̈b' cha, yuj cha, 'ix scoln 'ejm win sn̈i sc'occh 'a scal no yal chab' cha, sle'n winac. Yuj wal cha, caw x'ochx yip win xyab'i.