Lv 4:15 - Chuj San Sebastian Bible

¹⁵ Ata tzyac' q'ue eb' yichm wincal chon̈b' sc'ab' 'a sjolm no'. Tzlajw cha, tzmiln cham eb' no 'a wojltac an Jehová in.

Chuj San Mateo Bible

¹⁵ Ata' syac'q'ue sc'ab' eb' yichamtac vinaquil chon̈ab' d'a sjolom noc' d'a yichan̈ Jehová, smiljicham noc' ta'.

Lv 4:15 ပူးပေါင်းရင်းမြစ်များ

2 Cr 29:23

Xlajw cha, xyi'n 'at eb' e no cotc chiwo chi 'a yojltac win rey yet' 'a yojltac eb' chon̈ab', yic tz'ajx lajwc mul, xya'n 'at eb' sc'ab' 'a sjolm no'.

Ex 24:1

'Ix yaln pax Jehová 'ixtc 'a Moisés: —Q'uen̈ta 'a 'aj 'ayn 'ec' an Jehová in tic, 'ij cot Aarón, Nadab, Abiú yet' pax 70 eb' yichm wincal chon̈b' Israel. A yic mantzac ex jaw 'a in tz'ey, najttac tzex cani, tzex 'em cumn eyaln e b'a 'ayn ta'.

Ex 24:9

'Ix 'atx Moisés yet' Aarón 'a jolm witz Sinaí, yet' Nadab, Abiú yet' pax 70 eb' yichm wincal chon̈b' Israel.

Lv 1:3

Toto wacx no tzyac' xajmb'al-l cha, a wal junc no quelm wacx caw wach' may spaltail, a tzyij cot 'a wojltac 'a yamq'uil Mantiado.

Lv 1:4

Yowlal tzyac' q'ue jun 'anma chi sc'ab' 'a sjolm no noc' cha, sec chab'il no 'a 'a, yuj yajx lajwc smul.

Lv 16:21

Tzya'n q'ue sc'ab' schab'l 'a sjolm no', tzyamn 'och yaln 'ejm smul yet' stenmtacl eb' eyit israelal 'a yib'n̈ no'. 'Ixta tzyutj ya'n can 'och jun tzo'n̈ mul chi 'a yib'n̈ no', sic'b'ilx cab' pax junc winc tz'at 'a'noc can no 'a lum cusltac lum 'a najat.

Lv 4:16

Ax win sat ya'mal 'och sti eb' 'anma cha, tzyij 'och win jac schic'l no 'a yol Mantiado cha.

Lv 4:4

Tzyij cot win no 'a yamq'uil Mantiado 'aj tzin chaj in b'a eyet'oc, ata tzyac' q'ue sc'ab' 'a sjolm no'. Tzlajw cha, tzmiln cham win no 'a wojltac.

Lv 8:14

Xlajw cha, xya'n Moisés 'ijxoc cot no quelm wacx tz'och xajmb'al-l yuj yajx lajwc mul, ax Aarón yet' eb' yunnal, x'a'n q'ue sc'ab' 'a sjolm no'.

Lv 8:18

'Ix ya'n pax Moisés 'ijxoc cot no mam calnelu tz'ajx tz'a smasnil xajmb'alil, ax Aarón yet' eb' yunnal, xyac' q'ue eb' sc'ab' 'a sjolm no'.

Lv 8:22

'Ix ya'n Moisés 'ijxoc cot junx no mam calnelu cha, no tzc'anlb'ax 'a yic yochnb'il eb' 'a yopiso. Ax Aarón yet' eb' yunnal xyac' q'ue sc'ab' 'a sjolm no'.

Nm 11:16

Yuj cha, 'ix ta'w Jehová 'a 'ixtic: —Yamb'tzej junc 70 eb' yichm wincal chon̈b' tic, tzel eb' niwn yel'ch 'a scal eb' chon̈ab'. Tzlajw cha, tze'n 'at eb' 'a sti in cajnub' 'a 'aj tzin chaj in b'a eyet'oc, ata tzin a tan̈wj yet' eb'.

Nm 11:25

Xlajw cha, 'ix 'eml Jehová 'a scal jun 'asun, 'ix syamn 'och spaxtin yet' Moisés cha. A yic cha, 'ix yi'n 'el jac espíritu 'aych 'a Moisés, ax 'a eb' 70 yichm wincal israel cha, axta 'ix ya'cn 'ochi. Yuj cha, 'ix syamn 'och eb' spaxtin 'icha junc schecb' Dios. Palta cojn wal jun 'ejm 'ix paxtin eb' 'ixta', man̈x 'ic yal eb' jun 'ejm xo.

Nm 8:10

Tzaln 'a eb' levita cha, to tzjaw eb' 'a wojltac an Jehová in, ax smasnil eb' syajlil junjn 'in̈tal eb' chon̈ab', tzya't eb' sc'ab' 'a sjolm eb'.

Nm 8:12

Tzlajw cha, tzya'n 'at eb' levita chi sc'ab' 'a sjolm e no quelm wacx cha, tz'ajx junc no xajmb'al-l yuj mul, ax junc xo no tz'ajx tz'a xajmb'al-l 'ayn an Jehová in, yic tzsacb'tzax can eb' levita cha.