Lv 4:12 - Chuj San Sebastian Bible

¹² tzyal 'el'chi, to tz'ijx 'el smasnil no xajmb'al chi 'a junc lugar wach' yaj sb'o 'a spatquil 'el camplamento, atn 'aj tzsecx xon 'el ta'an̈. Ata tz'ajx tz'a no 'a yib'n̈ c'atzitz.

Chuj San Mateo Bible

¹² syalelc'ochi masanil noc' silab' chi', tz'ic'jiel d'a junoc lugar to vach' yaj d'a spatiquel campamento, aton b'aj secchajtaxonel q'uen tic'aq'uil taan̈. Ata' sn̈usjitz'a noc' d'a yib'an̈ te' c'atzitz.

Lv 4:12 ပူးပေါင်းရင်းမြစ်များ

Ex 29:14

Palta ax schib'jal no wacx cha, no stz'umal yet' no stza', ata tza n̈ustz'a 'a sti 'el camplamento, yujto a jun tic, xajmb'al yic tz'ajx lajwc mul.

Ez 43:21

Tzlajw cha, tza'n 'ijxoc cot no quelm wacx tz'ajx yuj mul cha, tza'n 'ajxoc tz'a no 'a sti 'el watut, 'a 'aj 'ay yet'ul.

Lv 13:46

A yic 'aych jun yab'il chi 'a 'a, yowlal tz'ijx 'el 'a scal 'anma', yujto 'ay smay jun yab'il cha, ata tz'at cancn 'el sch'ocj 'a spatc 'el camplamento.

Lv 16:27

A no quelm wacax yet' no chiwo tz'ajx xajmb'al-l yuj ya'n lajwc mul cha, no x'ijx cot schic'l 'a yol jun cuarto to wicn̈ej yaj cha, tz'ijx 'el no 'a sti 'el camplamento. Ata tz'ajx tz'a no yet' stz'umal, no schib'jal yet' pax no stza'.

Lv 4:21

Tzlajw cha, tz'ijx 'el jantc to no xajmb'al chi 'a spatquil 'el camplamento. Ata tzwach' 'ajx tz'a no', 'icha wal tz'aj no tox 'ix b'inax 'a b'ab'el, yujto a jun xajmb'al cha, tz'ajx yuj smul eb' 'anma'.

Lv 6:23

Smasnil jun tzo'n̈ ofrenda to a eb' ya'mal 'och sti eb' 'anma chi tz'a'ni, yowlal tz'ajx tz'a smasnil, may junc mach tztac' sc'uxni, xchi Dios 'a Moisés.

Lv 6:30

Palta a junc no xajmb'al tz'ijx cot schic'l 'a yojl Mantiado 'a jun lugar to wicn̈ej yaji, yuj ya'n lajwc mul, a no cha, matz tac' schix no', yowlal tz'ajx tz'a no smasnil.

Lv 6:4

A yic tznan sb'a, to 'ix 'och smul 'a jun tzo'n̈ tic, yowlal tzyac' meltzjoc stojl 'a mach 'ay yico', tzya'n pax junc xo yomacn̈il 'icha stojl jun cha, tzya'n pax junc xajmb'al 'ayn yuj smul tz'och cha.

Lv 8:17

Ax stz'umal yet' schib'jal no wacx cha, yet' stza no', ata x'ajx tz'a 'a spatquil 'el camplamento, 'icha wal 'ix yutj Jehová yaln 'a Moisés.

Lv 9:11

Palta ax schib'jal no', yet' stz'umal no', ata xyac' tz'a smasnil 'a sti 'el camplamento.

Nm 15:35

Yuj cha, xyaln Jehová 'ixtc 'a Moisés: A jun winc cha, cham cab'i'. Smasnil eb' chon̈ab' sjulq'uenoc cab' eb' 'a spatquil 'el camplamento, xchi.

Nm 19:3

Ax xo 'oj eyac' no 'a Eleazar, win ya'mal 'och sti eb' 'anma 'ayin, ax yijx 'el no 'a spatc 'el camplamento, ata tzyac' win milxoc no 'a yojltac.

Nm 19:5

Tzlajw cha, tz'ajx tz'a no wacx chi 'a yojltac Eleazar cha, tz'a pax no stz'umal, no schib'jal, no schiq'uil yet' no stza'.

Nm 5:3

Smasnil jun tzo'n̈ 'anma cha, tz'ijx 'el eb' 'a spatquil 'el camplamento, eb' winac mto eb' 'ix 'ix, sec wach' may tas to man̈ wach'c 'ayc' 'a yojl camplamento 'a 'aj 'ayn 'ec' eyet'oc, xchi Dios.

A Ch'an̈ Carta D'a Eb' Hebreo 13:11

Yujto a win sat ya'mal 'och sti eb' 'anma 'a Dios, a tz'i'n 'och schic'l jun tzo'n̈ no noc' 'a jun cuarto caw yicn̈ej Dios yaj sch'ocoj. Ax 'a sti 'el camplamento 'aj 'ayc' eb' cha, ata tz'a jun tzo'n̈ noc' cha.