Lv 3:3 - Chuj San Sebastian Bible

³ A mach tz'a'n jun xajmb'al cha, yowlal tzyij 'el jun tzo'n̈ tic 'a no' yic tzya'n tz'a 'a wojltac: Smasnil xepual no yol sc'ojol,

Chuj San Mateo Bible

³ Tato ay junoc ex tzeyac' junoc noc' silab' yic junc'olal, tzeyiq'uel junoc macan̈ d'a noc' silab' chi', yic sn̈usjitz'a d'a yichan̈ Jehová, aton juntzan̈ tic tzeyiq'ueli: Masanil xepu' ayoch d'a noc' yol sc'ool,

Lv 3:3 ပူးပေါင်းရင်းမြစ်များ

Salmos 119:70

'Ix juw 'el snab'en eb' yuj jun tzo'n̈ maysch'olnil cha, palta an xo tic, to tzin tzalj yet' jun tzo'n̈ cuynb'il tic.

Ex 29:13

Tze'n 'el xepual no sch'an̈quin, no seyub' yet' no stut. Tzlajw cha, tza n̈usntz'a 'a yib'n̈ yet'l xajmb'al cha.

Ex 29:22

Tzlajw cha, tze'n 'el xepual sn̈e no mam calnelu cha, tz'el xepual no sch'an̈quin, yic no seyub' yet' yic no stut schab'il. Junn̈j tz'aj yelt smasnil. Tzpolx 'elt pax no sb'a'chil xub' 'a swach', yujto a no mam calnelu cha, tzc'anx no yuj yochnb'ilc eb' ya'mal 'och sti eb' 'anma 'a yopiso.

Pr 23:26

Ex wunnal, macljec wal eyab' tas tzwala, si'mb'il tzex 'och q'ueln 'a in b'eyb'al,

Is 6:10

'Ac' somchjoc 'el snab'en jun tzo'n̈ eb' 'anma tic, 'icha to tza mac schicn eb' yet' sat eb', sec wach' matz yil eb'. Matz tac' yab'n eb', matz nachj 'el pax yuj eb', sec matz jaw eb' 'ayin, matz colchj eb' wu'uj, xchi Dios.

Ez 36:26

A jun nab'en caw wach', a 'oj wac' sjelc e tu nab'enal, ax yiclumal a chi 'oj wac' sjelc e pital.

Ez 44:15

Palta ax eb' ya'mal 'och sti eb' 'anma 'ayin, atn eb' levita yin̈tl can Sadoc, eb' an̈ja in ya'n servil 'a watut yic xyi'n 'el sb'a eb' et israelal 'ayin, cojn eb' chi 'oj stac' in ya'n pax servil. A eb' 'oj 'ochlc 'a wojltac yet' xepual no noc', yet' schic'l no xajmb'al.

Lv 1:12

Tzlajw cha, tzcotc tzu'x 'at schib'jal no', ax win ya'mal 'och sti eb' 'anma chi tz'a'n q'ue no chib'j cotc tzuc'b'il chi 'a yib'n̈ c'ac' cha, junn̈j tz'aj stz'a yet' no sjolom, yet' pax xepual no sch'an̈quin.

Lv 1:8

sec ata tz'ajx q'ue no chib'j cotc yaj stzu'x chi 'a yib'n̈ te c'atztz cha, no sjolom yet' pax xepual no sch'an̈quin.

Lv 16:25

A xepual no xajmb'al tz'ajx yuj ya'n lajwc mul cha, tz'a smasnil 'a yib'n̈ yet'l xajmb'al.

Lv 3:16

Tzlajw cha, ax win ya'mal 'och sti eb' 'anma cha, a tz'a'n tz'a smasnil 'a yib'n̈ yet'l xajmb'al, jun xajmb'al tzc'uxxi to tz'ajx tz'a 'a wojltac an Jehová in. An tic, wicn̈ej yaj smasnil xepual no noc' tz'ajx xajmb'alil.

Lv 3:2

A mach tz'a'n jun xajmb'al cha, tzyij cot 'a yamq'uil Mantiado 'a 'aj tzin chaj in b'a eyet'oc. Tzyac' q'ue sc'ab' 'a sjolm no', tzlajw cha, tzmiln cham no'. Ax junc eb' yunnal Aarón, a tzicn 'och schic'l no 'a schan̈paq'uil jun yet'l xajmb'al cha.

Lv 3:4

no stut schab'il yet' smasnil xepual 'aych 'a spatquil, yet' pax c'axp seyb' no yet' xepual.

Lv 4:10

Lajn tzyutj 'icha tz'aj yijx 'el yic no wacx tz'ajx xajmb'al-l yic junc'ojlal. Ax win ya'mal 'och sti eb' 'anma cha, a tz'a'n tz'a no 'a yib'n̈ yet'l xajmb'al.

Lv 7:30

Caw a tz'i'n cot jac no tz'a chi 'a wojltac, no sn̈i sc'ojol yet' xepual, tzb'achx 'och 'a wojltac.

Lv 7:5

Ax win ya'mal 'och sti eb' 'anma cha, a win tz'a'n tz'a jun tzo'n̈ chi 'a yib'n̈ yet'l xajmb'al. A jun xajmb'al cha, tz'ajx tz'a 'a wojltac an Jehová in, yuj stojl mul.

Lv 9:10

Xlajw cha, xya'n tz'a smasnil xepual no 'a yib'n̈ yet'l xajmb'al, no stut, yet' xepual seyb' no'. A no xajmb'al cha, x'ajx tz'a no yuj yajx lawc mul, 'icha 'ix yutj Jehová yaln 'a Moisés.

Mt 13:16

Palta ax xo tic, caw wach' eyico', yujto tzeyila, tzeyab'n paxi.

Mt 15:8

A eb' 'anma tic, tzcob' yal eb' to 'ay wel'ch 'a sat eb', palta ax snab'en eb' caw najt yajl 'ayin.

Ro 5:5

Palta ma'oj 'el qui q'uixwelec, yic tzca'nec 'och Dios yipc qui c'ojol, yujto tz'acn tzyutj ya'n 'och schamc'ojlal 'ayn̈ec yuj Yespíritu xyac' 'ayn̈ec.

Ro 6:6

Cojquec, a jun qui nab'enec 'a yic yalan̈, a 'a sat Dios, t'un̈xnac q'ue yet' Cristo 'a spenc culus, sec wach' tzsatl qui tu nab'enalec, 'icha to caw tzchami. 'Ixta on̈ 'ajec, sec wach' man̈xtzac ca'c servil maysch'olnil ticnec.

Dt 30:6

'Oj ya'ch Jehová qui Diosalec yechl strato 'a e nab'en yet' 'a snab'en eb' eyin̈til, sec 'oj e chamc'ojloc Jehová yet' smasnil e c'ojol yet' smasnil e nab'en. Toto 'ixta', 'oj najtxb'oc e q'uinal.

A Ch'an̈ B'ab'el Libro Samuel 2:15

An̈jtona', a yic mantzac tz'a xepual no xajmb'al, tzc'och junc win ya'mal servil eb' yunnal Elí cha, tzyaln win 'ixtc 'a win tzyac' xajmb'al cha: 'Ac' jac no chib'j tic 'ayin yic tzin b'oln schi win ya'mal 'och sti eb' 'anma tic, yujto ma'oj scha win schi no tajnac chib'j chi 'ayach, palta a no yaxto 'oj sc'an winac, xchi.