Lv 27:28 - Chuj San Sebastian Bible

²⁸ A mach tz'a'n junc tas wico'oc 'a jun 'ejmn̈ej an Jehová in, yaln̈ej tas 'ay 'a 'a, toxn̈ej 'anma', mto noc', mto lum tz'ajx yico'oc yuj smam snun, a jun tzo'n̈ chi tz'ajx wico'oc an Jehová in, matz tac' schon̈xi, matz tac' smann can pax 'ec' mach tz'a'n cha.

Chuj San Mateo Bible

²⁸ Yaln̈ej tas tz'ac'ji d'ayin d'a juneln̈ej, junoc anima, ma junoc noc' molb'etzal noc', ma junoc lum luum to smacb'entaxon yaj jun mach tz'ac'an chi', ma junocxo tasi, max yal-laj schon̈chaji, max yalpax smanjiel yuj mach ix ac'ani. Vicxo yaj d'a juneln̈ej.

Lv 27:28 ပူးပေါင်းရင်းမြစ်များ

2 Cr 31:14

A Coré, yunnal Imna yin̈tl Leví, a yajl yaj 'a yib'n̈ eb' stan̈mal spuertail yatut Jehová 'a stojlal 'aj tzq'uel c'u, 'aych pax 'a yib'n̈ schan ofrenda to tz'el 'a sc'ojl eb' 'anma ya'ni, yet' ofrenda to tzpojx 'eq'ui, yet' tas to yic Jehová yaji.

Ex 22:20

Toto 'ay mach tzyac' xajmb'al 'a tas tzalx 'och diosal, to man̈oc 'ayn an Jehová in tzyac'a, yowlal tzchami.

Ez 44:29

Smasnil tas tzeyac' ofrendail 'ayin, yic eb' yaji, a eb' 'oj c'uxnoc. 'Icha no xajmb'al tz'ajx yuj mul, no tztojn lajw mul yet' jun tzo'n̈ tas tzc'uxxi.

Ez 48:14

A junc'aj lum cha, an Jehová in, an 'ay wico', yuj cha, may xon junc mach tztac' schon̈n 'el jab'oc, matz tac' pax sjelx lu'um yic tz'och lum yico'oc junc xo mach, yujto wic yaj lum 'a jun 'ejmn̈ej.

Lv 21:22

Tztac' sc'uxn eb' jun tzo'n̈ ofrenda cha, yet' smasnil jun tzo'n̈ xo tas to wic yaji,

Lv 27:21

A yic 'oj colchjoc can 'el lum lum chi 'a jun ab'il yic tz'el junc tas 'a libre, a jun lum cha, wic tz'ajcn an Jehová in, ax ewin ya'mal 'och sti eb' 'anma cha, a ewin tz'ica'an lu'um.

Lv 27:27

Toto a junc sb'ab'l 'une junc no noc' matz tac' yoch xajmb'alil, yujto 'ay spaltail, tztac' cab' smann pax win 'ay yic no cha, tzyac' win stojl no 'icha yaj snax can 'eli. Tzya'n to pax win junc xo yomacn̈il 'a yib'n̈ 'icha stojl no cha, palta toto man̈oc win 'ay yic no chi tzmann can pax 'el no', to 'ixta', tztac' schon̈x 'el no 'icha xon stojl cha.

Lv 27:29

A pax junc 'anma to 'aych xon chaml 'a yib'an̈, matz tac' smanx 'eli, a jun cha, yowlal tzchami.

Nm 18:14

Smasnil ofrenda tz'ajx 'ayn yuj eb' israel, ec pax tz'aji.

Mt 25:41

'Oj lajwc cha, ax waln 'a eb' 'ayc' 'a in surito: 'Eln̈ec ax tic 'a in tz'ey, yujto 'ay yowl sc'ojl Dios 'a eyib'an̈. 'Ixquec 'a jun c'ac' may b'a'n̈ tztupi, 'a jun lugar sb'ojnac Dios yico'oc win diablo, yet' eb' yángel winac.

Ro 9:3

Q'uinloc to tztac' in c'ann cot yowl sc'ojl Cristo 'a wib'n̈ ticnec, yic tzin 'el 'a yol sc'ab', sec tzcolchj 'el eb' wit chon̈b' cha. Q'uinloc 'ixta', tzyal in c'ojl wa'n in b'a yuj eb'.

1 Co 16:22

Toto 'ay junc mach matz chamc'ojlan Cajlil Jesucristo, 'ay cab' yowl sc'ojl Dios 'a yib'an̈. Ach Cajlil on̈, comnoc tzach jaw muc'uc.

Gl 3:10

A eb' tzya'ch yipc sc'ojl syiclni ley yic Moisés, 'ay cot yowl sc'ojl Dios 'a yib'n̈ eb'. Yujto tzyal 'ixtc 'a Ch'an̈ U'un̈: Tzann̈j mach matz yiclnin̈ej smasnil tas tz'ib'b'il can 'a ley, 'ay cot yowl sc'ojl Dios 'a yib'n̈ eb', xchi.

Gl 3:13

'Ay cot ton yowl sc'ojl Dios 'a quib'n̈ec yuj jun ley cha, palta a Cristo on̈ colnec 'el 'a yol sc'ab' yowl sc'ojl cha. Yujto schajnac 'och yowl sc'ojl Dios 'a yib'n̈ qui jeloc. Yujto tzyal 'ixtc 'a Ch'an̈ U'un̈: A junc 'anma tzq'uet'un̈n 'a spenc te', 'ay ton cot yowl sc'ojl Dios 'a yib'an̈, xchi.

Dt 25:19

Yuj cha, a yic 'oj e colx 'el yuj Jehová qui Diosalec, a eb' 'ajc'ojl oyn 'och 'a sti lum lum 'oj yac' Jehová Dios eyico'oc, yowlal tze satl yab'xil eb' yin̈tl Amalec 'a sat lum lum cha, man̈ eyac' sat e c'ojl 'a jun checnb'il tic.

Dt 7:26

Yuj cha, may wal junc tas yajb'il 'el 'oj stac' eyi'n 'at 'a eyatut, sec wach' ma'oj e satl pax jun xo. A jun tzo'n̈ cha, yowlal tzeyajcn 'el eb', tze satl smasnil, xchi Moisés.

Josué 6:26

Xlajw cha, xyaln Josué jun tzo'n̈ spaxti tic 'ixtic: Scatb'oc cab' Jehová junc mach tznib'j b'onc pax chan̈ jun chon̈b' tic b'aq'uin̈. Cham cab' sb'ab'l 'unnal yic tz'em smuroal yich, ax yic tz'och spuertail, a cab' win stza'n 'unn tzchami, xchi.

Josué 7:1

Palta 'ay jun win tzcuch Acán, yin̈tl can Judá, yunnal win Carmi, yixchicn Zabdi, schab'l 'ichicn Zera. 'Ix yij 'at win jun tzo'n̈ tas to 'ay yowlal yijx 'ati, atn jun tzo'n̈ to tz'ajx lajwoc. Ax x'aji, 'ix locchj c'och smasnil eb' yin̈tl Israel yab'n syal yuj smul jun winc cha, yujto 'ix yij 'at jun tzo'n̈ tas to 'ay yowlal, yuj cha, caw wal 'ix cot yowl Jehová 'a yib'n̈ eb' chon̈ab'.

Josué 7:25

'Ix yaln Josué 'a 'ixtic: —¿Tas wal yuj 'ix 'ej cot jun cusc'ojlal tic 'a quib'n̈ec?. Ax ticnec, a cab' Jehová tza'n cot yailal 'a eb'an̈, xchi. Xlajw yaln jun tzo'n̈ paxti tic, ax smasnil eb' 'anma cha, 'ix syamn 'och eb' sjul q'uenan win Acán yet' eb' yunnal. Xlajw scham eb', 'ix 'ajx tz'a eb' yet' smasnil tas 'ay 'a 'a.

Jueces 21:18

Palta an̈ec tic, matz tac' ca'nec eb' 'ix quislec, yic tz'och eb' 'ix yistloc ewinac, yujto qui masnilec ca'jnaquec qui ti 'a Dios 'ixtic: Toto 'ay mach tzyac' yisl yistloc eb' yin̈tl Benjamín, tzcotcn catb' 'a yib'an̈, xqui chiec.

Jueces 21:5

'Ix sc'anb'n 'ec' eb' 'ixtic: —¿Mach junc 'a qui calc tic ma'ix xit' quet'ec 'a qui yamnil 'a yojltac Jehová 'a Mizpa? xchi eb'. Yujto ya'jnac eb' sti', toto 'ay junc mach matz 'at 'a jun yamnil 'a yojltac Jehová 'a Mizpa cha, tojln̈ej schami.

A Ch'an̈ B'ab'el Libro Samuel 15:18

A pax ach checn 'ati, xyaln 'aych 'ixtic: —'Ixic, 'at satl jun tzo'n̈ 'anma maysch'olnil sb'eyb'al chi 'a Amalec, 'at 'ac' owl yet' eb', masnto tza satl eb' smasnil, xchi.

A Ch'an̈ B'ab'el Libro Samuel 15:3

Yuj cha, 'ixic, 'ij 'at eb' soldado et'oc, tz'at eya'n owl yet' eb' amalecita cha. Tze satl smasnil tas 'ay 'a eb'. Man̈ 'o'ch e c'ojl 'a eb'. Tze milcn cham eb' winac, eb' 'ix 'ix, eb' 'unin, eb' tz'ulc 'unn tzat 'alji, no wacax, no calnelu, no cameyo yet' pax no b'uru, xchi Samuel.