Lv 27:25 - Chuj San Sebastian Bible

²⁵ A smasnil stojl tas tznax 'el yuj win ya'mal 'och sti eb' 'anma cha, lajnn̈ej tz'aj 'icha q'uen tumn tzc'anx 'a in cajnub', junc'l geras, tzyal 'el'chi jun siclo.

Chuj San Mateo Bible

²⁵ A stojol junoc tas sna eb' sacerdote stupchaj icha q'uen tumin sc'anchaj b'aj ay in cajnub'. 20 geras yalil junjun siclo q'uen plata.

Lv 27:25 ပူးပေါင်းရင်းမြစ်များ

Ex 30:13

Smasnil eb' tzyac' tz'ib'xoc sb'a, yowlal tzyac' eb' o'e gramo q'uen plata 'ayn an Jehová in yuj stojnb'ilc sq'uinal, spacl 'a yal-l 'a jun 'echtab' tzc'anx 'a in cajnub'.

Ex 38:24

Smasnil q'uen oro 'ix c'anx 'a munljel, yic 'ix b'o scajnub' Dios, atn q'uen x'ajx ofrendail 'a Jehová, a q'uen 'a smasnil tecn 'ay 21 quintal yet' 95 libra. 'Ixta 'ix 'aj yechtax 'a 'echtab' tzc'anx 'a scajnub' Dios.

Ez 45:12

'Ixta pax tz'aj yechtax yal-l jun tzo'n̈ tz'och 'a libra: A junc'l gera, lajn yal-l yet' jun siclo sb'i, ax 60 siclo, lajn pax yal-l yet' jun tzcuch mina.

Lv 27:24

Ax 'a yic tzjaw jun ab'il yic tz'el jun tzo'n̈ tas 'a libre, ata tzcolchj can pax 'el lu'um, tzcanx can lum 'a win 'ay xon yic lum lum cha, atn win chon̈jnac lum cha.

Lv 27:3

A eb' winc junc'l ab'il sq'uinal masnto tzc'och 'a 60 ab'il, yowlal tz'ajx 50 q'uen tumn plata smanmb'iloc, a tzyal 'echtab' tzc'anx 'a in cajnub'.

Lv 5:15

Q'uinloc 'ay mach man̈ sc'anc sc'ojl tzya'ch smul, yic matz yac' tas to wicn̈ej yaj an Jehová in, a jun cha, yowlal tzyij cot junc no mam calnelu may spaltail 'a wojltac, yic tz'och no xajmb'al-l yuj stojloc smul cha. A no tzyij cot 'ayn cha, yowlal tznaxi jantc tz'el'ch stojl no 'a q'uen plata, 'icha q'uen 'echtab' tzc'anx 'a in cajnub'.

Nm 18:16

A yic jun 'uj xo yalji, tz'ajx jun tumn chi sjeloc. A yuj eb' 'unn cha, o'e q'uen tumn plata tz'ajx yuj eb', a tzyal yal-l q'uen tzc'anx 'a in cajnub', o'e gramo yal-l junjn q'ue'en.

Nm 3:47

A yuj eb' tzyac' sobra cha, tza c'an o'e'oc q'uen tumn plata yuj junjn eb', a tzyal yal-l q'uen tzc'anlb'ax 'a in cajnub', atn q'uen 11 gramos yalil.