Lv 27:13 - Chuj San Sebastian Bible

¹³ A mach tz'a'n no noc' cha, toto tznib'j tzmancn pax no', yowlal tzyac' junc xo yomacn̈il 'a yib'n̈ 'icha xon yaj yalx can stojl no cha.

Chuj San Mateo Bible

¹³ Tato an̈eja' mach ay yic noc' chi' sgana smananpaxel noc' jun, yovalil syac' stojol noc' nab'ilxo chi', syac'an jab'ocxo más d'a yib'an̈ stojol noc' chi'.

Lv 27:13 ပူးပေါင်းရင်းမြစ်များ

Lv 22:14

A mach tzcomn c'uxn tas to wic yaji, yic mant yojcoc toto wic jun tzo'n̈ cha, yowlal tzya'x sjel 'a win ya'mal 'och sti eb' cha, yet' pax junc xo yomacn̈il 'icha tas 'ix sc'ux cha.

Lv 27:10

Matz tac' sjelx no yet' junc xo no', wach'xam wach' no', mto ma'ay. A no tz'ajx sjelc no cha, cojn to tzcan no yet' no checl xon yaj cha.

Lv 27:12

sec a win tznan 'eli, jantc stojl no'. A tzyal pax yilx 'och no', 'icha tzyutj win yaln stojl no cha, 'ixta cab' tzchon̈x no', sec chab'il stojl no chi wu'uj.

Lv 27:14

A yic 'ay mach tznib'j yac' junc yatut ofrendail 'ayn an Jehová in, a cab' win ya'mal 'och sti eb' 'anma cha, a tz'at 'ilnoc jun n̈a cha, tznan 'eli jantc stojol. A tzyal yilx 'och jun n̈a cha, 'ixta cab' tz'ajcn stojl cha.

Lv 27:15

Palta toto a mach tz'a'n jun n̈a cha, tznib'j tzmanx can 'ec' yico'oc, yowlal tzyac' junc xo yomacn̈il 'a yib'n̈ 'icha xon yaj snax 'el can stojol, 'ixta to b'i'an, tztac' yica'an pax jun n̈a cha.

Lv 27:19

Toto a mach tz'a'n lum lum cha, tznib'j smanx can 'ec' lum yico'oc, yowlal tzyac' junc xo yomacn̈il 'a yib'n̈ 'icha stojl lum nab'il can 'el cha, 'ixta to b'i'an, tzyica'an pax jun 'anma chi slum cha.

Lv 27:27

Toto a junc sb'ab'l 'une junc no noc' matz tac' yoch xajmb'alil, yujto 'ay spaltail, tztac' cab' smann pax win 'ay yic no cha, tzyac' win stojl no 'icha yaj snax can 'eli. Tzya'n to pax win junc xo yomacn̈il 'a yib'n̈ 'icha stojl no cha, palta toto man̈oc win 'ay yic no chi tzmann can pax 'el no', to 'ixta', tztac' schon̈x 'el no 'icha xon stojl cha.

Lv 5:16

A jun 'anma cha, yowlal tzyac' sjel tas 'aj 'ix 'och smul 'a tas to wicn̈ej yaj cha. Yowlal tztoj junc xo yomacn̈il 'a 'icha stojol, tzya'n 'a junc win ya'mal 'och sti eb' 'anma cha. Junn̈j tzyutj ya'n yet' no calnelu tzyac' xajmb'al-l yuj smul cha. Ax win ya'mal 'och sti eb' 'anma chi tzb'on no xajmb'al cha. 'Ixta to b'i'an, tz'ajx can lajwc smul cha.