Lv 26:7 - Chuj San Sebastian Bible

⁷ A eb' 'ajc'ojl yajch 'ayex, 'oj 'at eb' 'elc eyu'uj, 'oj laj e mil cham eb'.

Chuj San Mateo Bible

⁷ Ol el lemnaj eb' ayoch ajc'olal d'ayex, yuj eyespada ol cham eb', ol can teljab' eb' d'a eyichan̈.

Lv 26:7 ပူးပေါင်းရင်းမြစ်များ

1 Cr 19:15

Ax eb' amonita, 'ix yiln eb' to x'at eb' sirio chi 'eloc, yuj cha, 'ix 'at pax eb' 'elc junx 'a Abisai yet' eb' soldado, 'ix 'och eb' 'a yol schon̈b' scol sb'a. Xlajw xoj cha, 'ix meltzj Joab yet' smasnil eb' soldado 'a Jerusalén.

Ester 9:16

A smasnil eb' israel cajn 'a jun tzo'n̈ xo chon̈ab', 'ix syam sb'a eb' 'a yic 'oxlajn̈e yoch 'uj cha, yuj stan̈wni sb'a eb', yuj pax scoln sb'a eb' 'a eb' 'ajc'ojol. 'Ix smil cham eb' 75 mil eb' 'ajc'ojl cha, palta may jac tas 'ay 'a eb' xcham chi xyij 'at eb'. Ax 'a yic chan̈lajn̈e yoch 'uj cha, 'ix 'ilj eb', xya'n 'och eb' jun q'uin̈, caw xwa eb' 'a tzaljc'ojlal.

Salmos 81:15

Ax 'a eb' matz in nib'ni, 'ix wac' 'em wotz'n am eb' xiwi, ax syailal eb', 'ix cann̈j am 'a yib'n̈ eb' 'a smasnil tiempo.

Lv 26:36

Ax eb' eyin̈tl pitznto 'a scal eb' 'ajc'ojl yajch 'ayx cha, 'oj wac' jawc xiwc'ojlal eb' si'mb'il. 'Oj laj comn 'at eb' 'eloc, yic 'oj yab'nc eb' sc'an̈ yem c'otnjoc junc xil te'. 'Oj laj 'at eb' 'eloc, 'icha to 'ay mach pechjnac eb' yet' q'uen espada. 'Oj laj smac' telwc sb'a eb' s'at 'eloc, palta may mach tzpechn eb'.

Lv 26:6

Caw tzaljc'ojlal 'oj e can 'a yol e chon̈ab'. Yelc'ojlal 'oj e wayi, may tas 'oj e xib'tni. 'Oj ex in col 'a no chiwjum noc' yet' 'a yol sc'ab' owal.

Lv 26:8

Toto own̈ e b'ey ax tic, 'oj 'at 'elc junc ciente eb' eyu'uj, ax toto jun ciente e b'ey ax tic, lajn̈e mil eb' 'oj 'at 'elc eyu'uj. A eb' 'ajc'ojl cha, 'oj cham eb' eyu'uj.

Dt 28:7

A eb' 'ajc'ojl yajch 'ayex, a Jehová 'oj 'a'nc 'och eb' 'a yol e c'ab', yic 'oj ya'nc cob' eb' owl eyet'oc. Caw stzol-l 'oj 'aj eb' scot 'ayex, palta caw sactzicnac 'oj 'aj eb' s'at 'elc eyu'uj.

Dt 32:30

¿Tas yuj cojn yuj junc eb' 'ajc'ojol on̈ 'atc 'elc junc mil on̈ec? ¿Tas pax yuj cojn chawn̈ eb' xon̈ pechn 'at lajn̈e mil on̈ec? May tas tztac' yuj eb', toto man̈oc Jehová qui Colmal on̈ 'a'nec 'a yol sc'ab' eb'.

Josué 23:10

A junc on̈ec tic, tztac' s'at 'elc junc mil eb' cu'uj, yujto a Jehová a tz'a'n owl cujec, 'icha wal yaj ya'n can sti'.

Jueces 15:15

Yajn̈ej 'ix 'ilchj jun sb'acl yaln̈ sti b'uru to yaxto wali. A yet' jun chi 'ix sma' cham jun mil eb' filisteo cha.

Jueces 4:16

Ax win Barac, spech win eb' soldado win Sísara yet' pax eb' 'et'jnac q'uen q'uen caruaje cha, masnto xc'och eb' 'a Haroset-goim. C'uxn xcham eb' soldado chi smasnil ta', man̈x 'a junc eb' xcani.

Jueces 7:23

Ax eb' israel yic Neftalí, yic Aser yet' smasnil eb' yic Manasés, 'ix syam sb'a eb'. 'Ix 'at eb' 'a spatc eb' madianita cha.

A Ch'an̈ B'ab'el Libro Samuel 14:13

Xlajw cha, x'at Jonatán 'a 'aj 'ayc' eb' filisteo cha, caw wal pa'n 'aj xb'ey 'a sat q'uen cha. A sc'ab' xcan toc'an yic xb'eyi, ste'wtzan pax sb'a yet' yoc, tza'n 'och jun schecb' chi yu'uj. Ax yic xc'och eb' 'a eb' 'ajc'ojl cha, a eb' tz'em yuj Jonatán, ax jun schecb' chi tzwach' miln cham eb'.