Lv 26:46 - Chuj San Sebastian Bible

⁴⁶ Atn jun tzo'n̈ ley tic, checnb'il yet' cuynb'il 'ix schaj Moisés 'a Jehová yic 'ayc' 'a sjolm lum witz Sinaí, sec tz'och scuynb'ilc chon̈b' Israel.

Chuj San Mateo Bible

⁴⁶ Aton juntzan̈ b'eyb'al tic, checnab'il yed' c'ayb'ub'al ix yac' Jehová d'a jolom vitz Sinaí d'a vin̈aj Moisés yic sc'anab'ajan eb' chon̈ab' israel.

Lv 26:46 ပူးပေါင်းရင်းမြစ်များ

Salmos 77:20

'Ix ej b'ey eb' a chon̈b' 'icha tzyac' no calnelu tz'ijx b'eyoc. A Moisés yet' Aarón a eb' xa c'anlb'ej.

Lv 25:1

A yic 'ayc' Moisés 'a jolm witz Sinaí, 'ix yaln Jehová 'a 'ixtic:

Lv 27:1

'Ix yaln pax Jehová 'a Moisés 'ixtic:

Lv 27:34

Atn jun tzo'n̈ checnb'il tic 'ix yac' Jehová 'a Moisés, yic 'ayc' 'a lum jolm witz Sinaí, sec tz'och scuynb'ilc chon̈b' Israel.

Lv 7:38

A jun tzo'n̈ ley tic, xyac' Jehová 'a Moisés 'a sjolm lum witz Sinaí. Atn wal 'a jun c'u cha, ata xyal 'a eb' israel to tzyac' eb' xajmb'al 'a Jehová.

Lv 8:36

'Ixta 'ix yutj syiclni Aarón yet' eb' yunnal smasnil tas 'ix yac' Jehová yal Moisés 'a eb'.

Nm 36:13

Atn jun tzo'n̈ ley yet' checnb'il tic 'ix yac' Jehová 'a Moisés, sec tzb'eylb'ej eb' israel. 'Ix alx 'a eb' yic 'ayc' eb' 'a lum ya'lical Moab, 'a sti a Jordán 'a yojltac Jericó.

Jn 1:17

A Moisés ya'jnac can sley Dios 'ayn̈ec. Palta a Jesucristo tzch'oxn swach'c'ojlal Dios 'ayn̈ec. Tzya'n pax jun cuynb'il caw yel.

Dt 12:1

'Ix yaln pax Moisés 'ixtic: Atn wal jun tzo'n̈ ley yet' cuynb'il tic, to yowlal 'oj e b'eylb'oc 'a smasnil tiempo, yic 'ayx xo 'ec' 'a sat lum lum 'oj yac' Jehová 'ayex, atn jun qui Diosalec yet' eb' qui mam quichmec cha.

Dt 13:4

Tza'nex cab'n̈ej yuj qui Diosalec, 'ijec chan̈ sb'i; yicljec smasnil schecnb'il, chajec eyab' tas tzyala, 'ochn̈ec 'emmquilal 'a 'a, sec junxn̈ej tzex can yet'oc.

Dt 29:1

Atn jun tzo'n̈ paxti tic xyac' Jehová yal Moisés 'a eb' yit chon̈ab', yic 'ayc' eb' 'a yol smacb'en lum Moab; atn strato Dios chi sb'ojnac yet' eb' israel yic 'ayc' eb' 'a yich witz Sinaí.

Dt 33:4

A jun ley 'ix wa'cn tic, 'icha to smacl eb' yin̈tl Jacob yaji.

Dt 4:5

'Ix wac' e cuy jun tzo'n̈ ley yet' checnb'il 'ix yac' Jehová wal 'ayex, sec 'oj e b'eylb'oc 'a sat lum lum 'oj e cha eyico'oc.

Dt 6:1

'Ix yaln pax Moisés 'ixtic: Atn wal jun tzo'n̈ checnb'il tic, ley yet' cuynb'il tzyac' Jehová qui Diosalec wal 'ayex, sec a jun tzo'n̈ tic 'oj e b'eylb'oc 'a sat lum lum 'oj eyico'oc cha.