Lv 26:34 - Chuj San Sebastian Bible

³⁴ 'Ixta wal 'oj 'aj lum lum chi scan sch'ocoj, sictac 'oj 'ajcn lum 'a smasnil tiempo, ya' sb'a ax tic, 'ayx 'ec' 'a snacion̈ eb' 'ajc'ojl yajch 'ayx cha. Ax lu'um, to tzyij can lum yip, 'icha stiempoal ma'ix eyac' xon 'iljoc lu'um, 'ixta 'oj can lum 'iljoc.

Chuj San Mateo Bible

^34-35 Ichato val chi' vach' ol aj scan lum sch'ocojil d'a masanil tiempo ayic ayextoec' d'a juntzan̈xo nación ayoch ajc'olal d'ayex chi'. Icha val chi' ol aj yic'ancan yip luum, icha stiempoal to maj yic' yip lum eyuj d'a yalan̈taxo ayic ayex ec' cajan ta'.

Lv 26:34 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 8:46

Q'uinloc 'ay 'aj 'oj 'och qui mul 'aych on̈, yujto 'in may junc 'anma matz 'och smul, ax scot am owl 'ayn̈ on̈, ax am on̈ a'n 'a yol sc'ab' ewin 'ajc'ojl yajch 'ayn̈ on̈, ax on̈ yi'n can 'at ewin 'icha presoal 'a junc xo chuc chon̈b'al 'a najat, mto 'a lac'an.

2 Cr 36:21

'Ixta 'ix 'aj yel'ch tas ya'jnac Jehová yal-l win Jeremías. 'Ixta x'aj yilj lum lu'um, yujto niwn tiempo may munljel xb'o 'a sat lu'um, masnto stz'acw 70 ab'il.

Jeremías 34:17

Yuj cha, an Jehová in, an tzwala: Ax tic ma'ix eyiclj tas 'ix wala, yujto ma'ix eya'l eb' eyit chon̈b' 'a libre. Yuj cha, an tzwala to 'oj wa' cot owal, wejel, yet' yab'il 'a eyib'an̈. Caw 'oj xiw smasnil eb' nacion̈ yic 'oj yab'nc eb' tas 'oj ex wutoc.

Lv 25:10

Ax 'a ab'il cincuenta, ata tzeyala, to niwn yel'ch jun ab'il cha, yujto ata tz'el smasnil tas 'a libre. Ata tz'el eb' 'anma 'a libre eb' schon̈jnac 'och sb'a mosoal, sec tztac' spax eb' 'a scal eb' yican 'a yol schon̈ab'. An̈jtona eb' schon̈jnac 'el slu'um, ata tztac' smeltzj can pax lum yico'oc eb'.

Lv 26:35

A yic 'aycn lum sch'ocj cha, 'oj 'iljoc lu'um, yujto a yic 'ayx 'ec' 'a sat lu'um, may xon lum tz'ilj eyu'uj.

Lv 26:43

Ya' sb'a tz'elcn eb' 'a sat lu'um, ax scan lum 'iljoc, ax eb' 'oj yab' eb' syal yuj smul cha, yujto matz yiclj eb' in checnb'il yet' in cuynb'il xwac' 'ayex.