Lv 26:20 - Chuj San Sebastian Bible

²⁰ Nab'an̈ej 'oj eyixtc e b'a e munlji, yujto a lum lum cha, man̈x 'a xon jac tas 'oj yac' lu'um, yet' pax smasnil te 'awb'ente', may xon sat te 'oj yac'a'.

Chuj San Mateo Bible

²⁰ Nab'axon̈ej ol eyixtej e b'a e munlaji, man̈xalaj tas ol q'uib' d'a sat lum luum chi'. Man̈xo ol yac'pax sat te' eyavb'en te'.

Lv 26:20 ပူးပေါင်းရင်းမြစ်များ

Gn 4:12

A yic 'oj a munlj 'a sat lum lum tic, may jac 'oj ec' 'a sat lu'um, ma'oj elj xon jab'oc, ton̈j 'oj a satc' 'a sat lum lum tic, ya' sb'a 'aych 'ec' 'a yolyib'n̈q'uinl tic, xchi 'a winac.

A Ch'an̈ B'ab'el Libro Yic Yab'ixal Eb' Rey 18:2

Yuj cha, 'ix 'at Elías sch'ox sb'a 'a win Acab cha. A 'a Samaria, caw wal 'ay wejl si'mb'il.

Job 31:40

to 'ixta', q'uib' cab' te q'uix 'a sat in lum sjelc 'ixm trigo, ax te comn c'ultc tzq'uib' sjelc 'ixm cebada, xchi Job. Atn 'a tic xlajw c'och yaln Job jun tzo'n̈ spaxti' yic tzcoln sb'a.

Salmos 107:34

A lum lum 'ay syaxil sat, tzyac' jelmjoc sat lu'um yic man̈x 'a sb'al tzyac'a; yuj smul eb' 'anma cajn 'a sat lu'um, 'ixta tz'aji.

Salmos 127:1

Toto man̈oc Jehová tzcolwj yet' eb' tzb'on junc n̈a, toto 'ixta', nab'an̈ej tzmunlj eb' tzb'on cha. Toto man̈oc tzcolwj yet' eb' tztan̈wni chon̈ab', toto 'ixta', tom 'ay jac yel'ch ewin tztan̈wni yol chon̈b' cha.

Is 17:10

Yujto 'ix eyac' sat e c'ojl 'a qui Diosal coljnacn̈ec, ma'ix e na coti toto ata qui coljnaquec qui b'a. Yuj cha, wach'xam 'oj eyawc eyawb'ente caw wach' xlaj eyi' cot 'a chuc chon̈b'al.

Is 17:11

Wach'xam to 'oj q'uib' eyawb'ente chi mu'c 'a jun c'u cha, mto 'oj nichnoc muc'uc, palta ax yic 'oj jawc syab'il 'oj satnc 'eli, ata 'oj pucl sat eyawb'ente cha, yujto man̈x 'a yan̈il.

Is 49:4

Palta xin nan 'ixtic: Nab'an̈ej in munlji, nab'an̈ej x'el wip, may jac tas 'ix wij 'a 'a, xin chi. Palta wojtac to checl yaj jun tic 'a sat Jehová, a spac wic yuj jun tic, ata 'ayc' 'a yol sc'ab' Dios.

Jeremías 12:13

'Ix yawj eb' in chon̈b' 'ixm trigo, ax te q'uix xpa'chan̈ sjelc 'ixim, nab'an̈ej xmunlj eb'. Caw xlajw 'ejm yawb'en eb', q'uixwc'ojlal xoj tz'ec' eb' yuj jab' sat yawb'en tzlaj smolb'tzoc. Yuj ton wal yowl in c'ojl 'a yib'n̈ eb', 'ixta x'aj eb', xchi Dios.

Os 2:11

'Oj wac' lajwc stzaljc'ojlal, ax wa'n lajwc sq'uin̈ tzna 'a yic tzpac' 'uj, yet' sq'uin̈ yic sc'ul 'iljelal, yet' smasnil jun tzo'n̈ xo q'uin̈ tzna'a.

Lv 26:4

to 'ixta', 'oj wa' cot n̈ab' 'a 'icha stiempoal, ax syaxb' sat e lu'um. 'Oj yac' eyawb'en sat smasnil.

Habacuc 2:13

A smasnil jun tzo'n̈ e munljel 'aj 'ix c'unb' eb' nacion̈ 'emnc eyuj cha, caw nab'an̈ej. A c'ac' 'oj satnc 'el smasnil tas sb'ojnac eb' cha. 'Ixta 'ix yutj Jehová snani, atn jun tztac' yuj smasnil.

Hageo 2:16

'Iltec nab'an, a eb' cob' xmoln junc'loc 'almu yixm 'a yol yet'ul, ax yic xyi'n pax 'elt eb', cojxn lajn̈e 'almu x'el'chi. A eb' xmoln junc 50 ch'ub' yal uva 'a junc yet'l to niwn xon tzq'uet 'a yojol, ax x'aji, cojxn junc'l ch'ub' xq'uet 'a yojol.

1 Co 3:6

An tic, yic wec' 'a e cal, 'icha to 'ec' wawjnac can jun tzo'n̈ 'in̈t ta'. Ax Apolos, 'icha to a 'ec' 'a'jnac 'och yalil. Palta atn Dios ex q'uib'tzani.

Gl 4:11

Caw tzin xiwi, toq'ue nab'an̈ej 'ec' munljnacn 'a e cal ta'.

Dt 11:17

toto 'ixta tzeyutj e b'a, 'oj cot yowl sc'ojl Jehová 'a eyib'an̈. Man̈x 'oj ya' cot n̈ab' 'a stiempoal. Ax lum lum cha, man̈x 'oj yac' lum sb'a'al, ax e cham yuj wejel. 'Ixta wal 'oj eyaj 'a sat lum lum caw wach' cha, lum 'oj yac' Jehová eyico'oc cha.

Dt 28:18

Caw wal maysch'olnil yic eb' eyunnal, man̈ wach'c 'oj 'aj sat eyawb'en, e cotc wacax, e cotc calnelu mto e cotc chiwo, yet' yune smasnil e cajb'en noc'.

Dt 28:42

Smasnil te te tzyac' sat yet' smasnil eyawb'en, c'uxn 'oj lajwc eb' te sc'uxn no c'ulub'.

Dt 32:22

A wal yowl in c'ojol, 'ix n̈ilchjchan̈ 'icha junc c'ac' tz'at 'a yol lu'um. Smasnil tas 'ay 'a sat lum lum tic, tz'a smasnil yet' lu'um, caw wal tzxexni yilx sn̈ilchj c'ac' 'a yich lum niwc witz.