Lv 26:17 - Chuj San Sebastian Bible

¹⁷ An 'oj woch 'ajc'ojlal 'ayex, ax e lajw 'el yuj eb' 'ajc'ojl cha. 'Oj e can 'a yaln̈ yuj eb', mun xoj 'oj e 'at 'eloc, wach'xam may mach tzex pechni.

Chuj San Mateo Bible

¹⁷ Ol in och ajc'olal d'ayex, ol ex satel yuj eb' eyajc'ol chi'. Ol ex can d'a yalan̈ yuj eb'. Toxon̈ej ol ex el lemnajoc, vach'chom malaj mach tzex pechani.

Lv 26:17 ပူးပေါင်းရင်းမြစ်များ

Gn 4:12

A yic 'oj a munlj 'a sat lum lum tic, may jac 'oj ec' 'a sat lu'um, ma'oj elj xon jab'oc, ton̈j 'oj a satc' 'a sat lum lum tic, ya' sb'a 'aych 'ec' 'a yolyib'n̈q'uinl tic, xchi 'a winac.

A Ch'an̈ B'ab'el Libro Yic Yab'ixal Eb' Rey 8:33

Q'uinloc tzon̈ 'ajx ganar an̈ israel on̈ tic yuj eb' 'ajc'ojol, yuj qui maysch'olnil tz'och 'ayach, toto tzqui na qui b'a, tzcaln qui b'a 'aych 'a lesal, tzon̈ tew pax 'aych 'a jun n̈a tic,

A Ch'an̈ Schab'il Libro Yic Yab'ixal Eb' Rey 13:3

Yuj wal cha, caw 'ix cot yowl sc'ojl Jehová 'a chon̈b' Israel. Niwn tiempo 'ix 'ajx 'och eb' 'a yol sc'ab' Hazael sreyl chon̈b' Siria, yet' 'a yol sc'ab' Ben-adad atn yunnal Hazael cha.

A Ch'an̈ Schab'il Libro Yic Yab'ixal Eb' Rey 13:7

A Joacaz cha, man̈x niwnoc sb'isl eb' soldado win 'ix cani. Cojxn̈ej 50 soldado tz'och 'a yib'n̈ chej, lajn̈e caruaje yic owal, lajn̈e pax mil soldado tzb'ey 'a yoc, yujto a sreyl chon̈b' Siria, a 'ix satn 'el eb'.

Salmos 44:10

Ach on̈ ac' 'at 'elc 'a eb' 'ajc'ojl yajch 'ayn̈ on̈. Ax eb' tzchichn 'och 'ayn̈ on̈, tzlaj yelc' eb' tas 'ay 'ayn̈ on̈.

Salmos 53:5

Wach'xam may tas tzxib'tn eb', palta caw 'oj 'ib'xoc chan̈ eb' yuj xiwlal. Yujto a Dios 'oj 'a'n sactzic sb'acl eb' 'ajc'ojl cha. 'Oj cancn eb' 'a q'uixwc'ojlal, ax spatquilx can 'el eb' yu'uj.

Salmos 53:6

A cab' wal 'a tzaln Sión tzcot qui colnb'il an̈ israel on̈c tic. A yic 'oj ya'nc pax Jehová swach'c'ojlal 'a quib'n̈ec jun 'ejm xo, caw 'oj qui tzaljec an̈ yin̈tl on̈c can Jacob tic.

Pr 28:1

A mach tzb'on maysch'olnil, wach'xam may mach tzpechni, palta mun tz'at 'eloc; ax pax mach wach' snab'en, te'tec' yaj 'icha junc no león.

Is 30:17

Jun mil e b'isl 'oj e 'at 'elc yuj jun win 'ajc'ojl cha. Wach'xam cojn wal own̈ eb' 'ajc'ojl chi 'oj e pechni, palta 'oj e 'at 'elc ax tic e masnil. Caw jaywn̈ xoj e b'ey 'oj e cani. 'Icha xoj tz'ajcn lin̈n junc te te 'a lum jolmctac witz, mto 'icha junc bandera 'ayc' 'a junc lum tzalan, 'ixta 'oj eyaji.

Is 63:10

Palta yel xo wal pit xyutj sb'a eb' 'a Jehová, caw xyac' eb' cus Yespíritu to Cojxni. Yuj cha, x'och 'ajc'ojlal 'a eb', xya'n owl yet' eb'.

Jeremías 19:7

A 'a jun pan̈n tic, 'oj wac' juwc 'el tas nab'il eyuj ex 'aj Judá, yet' ex 'aj Jerusalén. 'Oj ex wac' telwc 'a yojltac eb' 'ajc'ojl tznib'j tzex miln chamoc, ax e niwnal, 'oj 'och schib'joc e no 'usej, yet' e no calte'al noc'.

Jeremías 44:11

Yuj cha, tzwaln an Jehová in, tztac' wuj smasnil, e Diosal in pax ax israel ex tic: Tox xin na'a, to 'oj wa' cot junc yailal 'a eyib'an̈, ax ex in satn 'el e masnil ax 'aj Judá ex tic.

Lm 1:5

A eb' 'ajc'ojl yajch 'a 'a, 'ix 'ajx ganar yuj eb', a eb' 'ajc'ojl cha, caw wal tzq'ue'ch eb'. A Jehová a 'ix 'a'n 'och syailal jun chon̈b' tic, yujto caw niwn maysch'olnil 'ix sb'o'o. A eb' 'anma cajn 'a 'a, tox 'ix 'ijx 'at eb' 'icha presoal yuj eb' 'ajc'ojl cha.

Lm 2:4

A Cajlilec lajn xyutj sb'a 'icha junc 'ajc'ojol, 'ix yij chan̈ sc'ab' yet' sjul-lab', xyi'n 'at 'a spatic; lajn wal xyutj sb'a 'icha junc milm 'anma'. 'Ix smiln cham smasnil eb' 'anma xajn cu'uj. 'Icha wal c'ac', 'ixta xyutj ya'n cot yowl sc'ojl 'a yib'n̈ eb' cajn 'a Sión.

Ez 15:7

An wal 'oj woch 'ajc'ojlal 'a eb'. Wach'xam 'oj yac' ganar eb' scoln sb'a 'a jun yailal cha, palta chucx junx yailal chi 'oj satn 'el eb'. A yic 'oj woch 'ajc'ojlal chi 'a eb', ax in eyojcan 'eli, to an ton Jehová in, to cojn in ton Dios in.

Lv 17:10

Caw wal 'ay yowl in c'ojl 'a yib'n̈ eb' israel mto eb' chuc chon̈b'al cajn 'ec' 'a e cal, eb' tzchin schic'l no noc', yaln̈ej tas tzyutj eb' schini. An 'oj woch 'ajc'ojlal 'a eb', ax in satn 'el eb' 'a e cal.

Dt 28:25

Caw 'oj ex yac' ganar eb' 'ajc'ojl yajch 'ayex, stzol-l 'oj eyaj e 'at eyac' cob' owl yet' eb', palta caw sactzicnac 'oj eyaj e 'at 'elc yuj eb'. Caw wal 'oj sat sc'ojl smasnil nacion̈ yuj tas 'oj eyaji.

Josué 7:4

Yuj cha, cojn am junc 'oxe mil eb' soldado yic Israel chi 'ix 'at yac' owl yet' eb' 'aj chon̈b' Hai. Palta ax 'ix 'aji, ma'ix techj yuj eb' soldado cha, 'ix 'at eb' 'elc 'a eb' 'aj lugar cha.

Jueces 2:14

Yuj wal cha, xcot yowl sc'ojl Jehová 'a eb'. 'Ix 'ajx 'och eb' 'a yol sc'ab' nan̈l eb' soldado xwul 'elc'noc tas 'ay 'a eb'. 'Ix 'ajx 'och pax eb' 'a yol sc'ab' eb' 'ajc'ojl 'ayc' 'a stz'ey, man̈x 'ic stac' scoln sb'a eb' 'a eb' 'ajc'ojl cha.

Jueces 3:14

Wajxclajn̈e ab'il x'och eb' israel 'a'j servil 'a win Eglón

Jueces 3:8

Yuj wal cha, xcot yowl sc'ojl Jehová 'a yib'n̈ eb', 'ix 'ajx 'och eb' 'a yol sc'ab' win Cusan-risataim sreyl Mesopotamia. Wajxque ab'il 'ix 'och eb' israel chi yac' servil jun rey cha,

Jueces 6:2

A eb' israel cha, caw 'ipn swach' 'ixtx eb' yuj eb' madianita. Caw wal tzxiw eb' 'a eb', yuj cha, sb'on eb' israel chi sjul 'aj tzc'ub'j 'el sb'a 'a spatc eb' lum niwc witz, 'a yojl n̈aq'ue'en, yet' 'ajtil caw 'ajltac sc'och 'anma'.

A Ch'an̈ B'ab'el Libro Samuel 12:15

Palta toto ma'oj e cha eyab' tas 'oj yal Jehová, toto pit 'oj eyutc e b'a 'a schecnb'il, to 'ixta', 'oj ya' cot yailal 'a eyib'an̈, 'icha ya'jnac yet' eb' qui mam quichmec.

A Ch'an̈ B'ab'el Libro Samuel 31:1

'Ix 'och eb' filisteo yac' owl yet' eb' israel, ax eb' soldado israel 'ix 'at eb' 'elc yuj eb'. Caw niwn eb' xchamcn 'a lum witz tzcuch Gilboa.

A Ch'an̈ B'ab'el Libro Samuel 4:10

Xlajw cha, 'ix 'och eb' filisteo chi 'a owl yet' eb' israel cha. Ax x'aji, 'ix lajw 'el eb' israel, 'ix 'at eb' 'elc 'a yatut. Caw wal niwn jun chaml chi 'ix 'ochi, 'ay lajn̈schawinc mil soldado israel 'ix chami.