Lv 26:1 - Chuj San Sebastian Bible

¹ 'Ix yaln pax Jehová 'a Moisés 'ixtic: Man̈ e b'o jun tzo'n̈ yechl e diosaloc. Man̈ e lin̈chan̈ q'uen q'uen 'aj tzeyal e b'a 'a yol e chon̈ab'. Man̈ e jos q'uen q'uen 'aj tz'ib'x 'och yechl eb' comn dios, man̈ eyac' 'ejm e b'a 'a jun tzo'n̈ cha, yujto an Jehová in, e Diosal waji.

Chuj San Mateo Bible

¹ Ix yalanpax Jehová d'a vin̈aj Moisés chi' yic syal vin̈ d'a eb' yetchon̈ab' icha tic: Man̈ e b'o yechel juntzan̈ comon dios e diosaloc. Man̈ e molb'ejq'ue q'uen q'ueen tz'alji macsejal, ma q'uen q'ueen tzeyb'il ayoch juntzan̈ icha yechel d'ay. Man̈ ex em n̈ojan ejmelal d'ay, yujto a in ton Jehová e Diosal in.

Lv 26:1 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 17:10

An̈jtona', sb'on pax chan̈ eb' jun sch'oxnb'il sdiosal tzcuch Asera 'a jolmctac witz yet' 'a yich smasnil te te pim xi'il.

A Ch'an̈ Schab'il Libro Yic Yab'ixal Eb' Rey 17:16

'Ix yactn can eb' smasnil schecnb'il Jehová sDiosal, sb'on eb' chawn̈ yechl wacx tenb'il b'o'oc, sb'on pax eb' jun sch'oxnb'il sdiosal tzcuch Asera, 'ix 'och eb' 'emmquilal pax 'a jun tzo'n̈ c'anal yet' 'a Baal.

A Ch'an̈ Schab'il Libro Yic Yab'ixal Eb' Rey 17:8

sb'eylb'ej eb' sb'eyb'al jun tzo'n̈ nacion̈ 'ix 'ijx 'el 'a sat lum lum yuj Jehová, yet' jun tzo'n̈ xo b'eyb'al 'ix sb'eylb'ej jaywn̈ eb' sreyl eb'.

Salmos 78:58

'Ix stzuntzj cot eb' yowl sc'ojl Dios yuj jun tzo'n̈ smacsej eb' 'ayc' 'a jolmctac witz, xyaln sb'a eb' 'a jun tzo'n̈ yechel.

Salmos 97:7

'Oj 'el sq'uixwel eb' tzyac' 'ejm sb'a 'a jun tzo'n̈ yechel, atn eb' tzb'an̈ sb'a yet' jun tzo'n̈ comn dios cha. Smasnil eb' tzalx 'och diosal, 'oj yac' 'ejm sb'a eb' 'a Jehová.

Ex 20:2

An ton Jehová e Diosal in, an ex wij 'elt 'a yol yic Egipto 'a 'ajtil 'ayx 'och mosoal, 'aj man̈ eyico'oc e b'a.

Ex 20:23

Man̈ e b'o junc e diosal to oro mto plata yic tzcob' eyaln e b'a 'a 'a, tzeyaln pax e b'a 'ayin.

Ex 23:24

Man̈ e b'eylb'oc sb'eyb'al jun tzo'n̈ 'anma cha, man̈ ex 'em cumn 'a yojltac sdiosal eb'; man̈ eyal e b'a 'a 'a. A jun tas tze b'o'o, to tze mac' poj smasnil sdiosal eb' cha, yet' q'uen q'uen 'aj tzleslwi eb'.

Ex 34:17

May b'a'n̈ tze b'o junc q'uen q'uen e diosaloc, yic tzeyaln e b'a 'a 'a.

Is 2:20

A 'a jun c'u cha, a eb' 'anma', 'oj laj sjulcn 'at eb' jun tzo'n̈ yechl comn dios 'a scal no ch'o'ow yet' 'a scal no sotz'; atn jun tzo'n̈ b'ob'il yuj eb' 'a q'uen oro mto plata, jun tzo'n̈ 'aj xlaj yal sb'a eb'.

Lv 19:4

An tzwala to man̈ eya'ch e nab'en 'a jun tzo'n̈ yechel, man̈ e b'o chan̈ q'uen q'uen e diosaloc.

Lv 25:55

Yujto ax israel ex tic, in checb' eyaji, an wijnacx 'elt 'a Egipto. An Jehová e Diosal in, an tzwala, xchi Dios.

Nm 33:52

tze pechl smasnil eb' 'anma cajn 'a jun tzo'n̈ nacion̈ cha. Tze ma'n can poj smasnil yechl 'aj tzyal sb'a eb', atn eb' q'uen q'uen b'ob'il yuj eb', q'uen josb'il, yet' smasnil jun tzo'n̈ smacsej eb' 'ay 'a jolmctac witz, c'uxn tzema'cn juwoc.

A Tas Sc'ulejnac Eb' Schecab' Jesús Hechos 17:29

Yel ton tzyal eb', yunnaln̈ec Dios. Yuj cha, man̈xtoc tzqui na'a, to Dios jun tzo'n̈ yechl tic b'ob'il yet' q'uen oro, q'uen plata, q'uen q'ue'en. A jun tzo'n̈ yechl tic, yujn̈ej sjelnal 'anma', tzb'o'i.

Dt 27:15

Catb'tzaxc cab' eb' tzb'on junc yechl comn dios yet' q'uen q'uen to tenb'il, b'ob'il yuj eb' tztac' sb'oni. Tzb'on can 'och eb' 'a yet'ul 'a 'aj c'ultac yaji. A wal jun tzo'n̈ cha, yajb'il 'el yuj Jehová, xchi eb' levita. Ax smasnil eb' chon̈ab', 'oj yal eb' 'ixtic: 'Ixta cab' tz'aji, 'oj xchic eb'.

Dt 5:6

An Jehová e Diosal in, an ex wij 'elt 'a Egipto 'a 'aj 'ayx 'och mosoal, 'aj to man̈ eyico'oc e ba'.

Apoc 22:15

Palta 'ay pax jun tzo'n̈ eb' ma'oj stac' yochi. Atn eb' tu snab'en, 'icha junc tz'i', yet' eb' 'ajchum, eb' tzb'on 'ajmulal, eb' milm cham 'anma', eb' tzyal sb'a 'a jun tzo'n̈ yechl tzalx 'och diosal, yet' jantcn̈ej eb' 'aych snab'en 'a jun tzo'n̈ 'es, tzlaj yalnc pax eb' 'es cha. Atn eb' tic, ma'oj stac' yochi.

Jueces 18:30

Ax jun yechl comn dios tzeyb'il, sb'och eb' 'a yet'ul yic tz'och eb' 'emmquilal 'a 'a. Ajun jun ya'mal 'och sti eb' 'a Dios yet'oc, atn Jonatán yin̈tl Gersón, yunnal Moisés. Ax eb' yin̈tl Jonatán, 'ix 'ochn̈j eb' ya'malc 'och sti eb' yic yin̈tl Dan masnto yic x'atcn eb' 'icha presoal yuj eb' asirio.