Lv 25:50 - Chuj San Sebastian Bible

⁵⁰ Tzb'eyc'ojlan eb' jantc xo tiempo schon̈n 'och sb'a 'a win manjnac cha, masnto 'a yic tzjaw jun ab'il yic tz'el jun tzo'n̈ tas 'a libre. A tzyal jantc schon̈l sb'a, a chi tztojlej a junjn ab'il. Tzb'isx 'eli jaye xo ab'il tzmunlj 'och 'a win manjnac cha, ax stojol, lajn tztojx 'icha yic eb' munljum winac.

Chuj San Mateo Bible

⁵⁰ Syic' scuenta eb' d'a yab'ilal ayic ix schon̈anel sb'a chi', masanto sjax yab'ilal q'uin̈ yic tz'el tas d'a libre. A stojol tz'ac'ji, ato syala' jantacxo yab'ilal chi'. Icha chi' tz'aj yic'anpax scuenta jantac tumin tz'och d'a spatic smunlajel, icha stojol sc'u eb' munlajvum.

Lv 25:50 ပူးပေါင်းရင်းမြစ်များ

Job 14:6

'Ij 'el a sat 'ayin sec tzin can 'a junc'ojlal, ya' sb'a tzlajw c'och in q'uinl 'icha junc mach tzmunlj 'a junjn c'u.

Is 16:14

Ax ticnec, tzyaln pax 'ixtic: Yab'm wal 'oxab', 'icha wal sb'isn junc munljum jantc xo tiempo smunlji, 'ixta wal sb'isx sc'ul slajw 'ejm tas 'ay 'a eb' 'aj Moab. Til wal 'anma 'oj satli; jaywn̈ xoj eb' 'oj canoc, man̈x 'a yip eb' scoln sb'a 'a owal, xchi Dios.

Is 21:16

'Ix yaln Jehová 'ayn 'ixtic: Yab'n 'ixtc junab', 'icha wal junc munljum tzb'isa jantc xo tiempo smunlji, 'ixta wal sb'isx sc'ual yic 'oj lajwc 'ejm sb'inab'ilal chon̈b' Cedar.

Lv 25:28

Palta toto man̈xtzac techj smann can pax 'ec' slum cha, tzcann̈j lum 'a win manm lum cha, masnto tzjaw pax jun ab'il yic tz'el junc tas 'a libre. Atta tzcolchj can pax 'el lu'um, 'ixta to b'i'an, tzyica'an pax win 'ay xon yic lum cha.

Lv 25:40

Palta wach' tzeyutj e b'a 'a 'a, 'icha cab' junc e munljum, mto junc 'anma ton̈j 'e'lb'a yec' 'ayex. Munlj cab' eyet'oc masnto tzjaw jun ab'il yic tz'el jun tzo'n̈ tas 'a libre.

Lv 25:49

Tztac' scolx yuj junc yu'tac smam, mto tzcolx yuj junc yunnal yu'tac smam cha, mto pax yuj junc yican la'nto yaj scal yet'oc. Tztac' scoln pax sb'a sch'ocoj, cojn toto 'ay yutnb'il.

Lv 25:51

Toto niwn to yab'lil yel 'a libre, yic tzmann 'el sb'a, tzyac' meltzjoc jacx q'uen tumn chi schajnac yic schon̈n 'el sb'a cha.

Lv 25:53

Lajn cab' tzyutj win chuc chon̈b'al chi 'icha junc eb' munljum to yab'lilal tzmunlj 'a spatron̈. Man̈ e cha 'ixtxoc junc eyit chon̈b' cha.

Dt 15:18

Man̈ tuc cab' tzeyab'i, yic tzeya'n 'el eb' e moso 'a libre, eb' man̈ yico'oc sb'a, yujto waque ab'il pax tzex yac' servil eb', ax stojl eb', cojn spacl 'aj tzq'ue'ch 'icha tzeyutj e tojn junc e majn tz'acn tzyij stojl 'a junjn c'u. Toto 'ixta', 'oj yac' Jehová Dios syaxilal 'a yib'n̈ smasnil tas tze b'o'o.