Lv 25:41 - Chuj San Sebastian Bible

⁴¹ Tzlajw cha, tztac' yel 'a yol eyatut yet' yunnal, yic tzpax 'a 'aj 'aycn yican, 'a 'aj cajn xon yuj smam.

Chuj San Mateo Bible

⁴¹ Slajvi chi, tzaxo yal yel yed' yuninal d'a yol e pat, spax d'a scal eb' sc'ab' yoc b'aj aytaxon sluum.

Lv 25:41 ပူးပေါင်းရင်းမြစ်များ

Ex 21:3

Toto sch'ocj winac yic tzc'ochi, an̈jtona sch'ocj win tzpaxi. Toto ajun yistl win yet'oc, an̈jtona tzpax 'ix yistl win chi yet'oc.

Lv 25:10

Ax 'a ab'il cincuenta, ata tzeyala, to niwn yel'ch jun ab'il cha, yujto ata tz'el smasnil tas 'a libre. Ata tz'el eb' 'anma 'a libre eb' schon̈jnac 'och sb'a mosoal, sec tztac' spax eb' 'a scal eb' yican 'a yol schon̈ab'. An̈jtona eb' schon̈jnac 'el slu'um, ata tztac' smeltzj can pax lum yico'oc eb'.

Lv 25:28

Palta toto man̈xtzac techj smann can pax 'ec' slum cha, tzcann̈j lum 'a win manm lum cha, masnto tzjaw pax jun ab'il yic tz'el junc tas 'a libre. Atta tzcolchj can pax 'el lu'um, 'ixta to b'i'an, tzyica'an pax win 'ay xon yic lum cha.

Lv 25:40

Palta wach' tzeyutj e b'a 'a 'a, 'icha cab' junc e munljum, mto junc 'anma ton̈j 'e'lb'a yec' 'ayex. Munlj cab' eyet'oc masnto tzjaw jun ab'il yic tz'el jun tzo'n̈ tas 'a libre.

Lv 25:42

Yujto ax tic, in checb' eyaji. An ex wij 'elt 'a Egipto, yuj cha, man̈ smojc e chon̈x 'och mosoal.

Jn 8:32

Toto 'ixta', 'oj eyojcoc 'el spaxti Dios caw yel. Yuj jun spaxti yel cha, 'oj eyijx 'elt 'a libre, xchi Jesús 'a eb'.

Ro 6:14

A maysch'olnil, man̈x 'a yaln yic 'ayn̈ec, yujto man̈xtoc 'ayn̈ec 'ec' 'a yol sc'ab' ley yic Moisés. A 'a yol sc'ab' swach'c'ojlal Dios 'ayn̈ec 'ec' ticnec.

Tito 2:14

A xyac' cham sb'a cu'uj, sec tzon̈ scol 'a yol sc'ab' maysch'olnil. A 'ix 'i'n 'el smasnil qui mul, sec wach' an̈j 'ayn̈ yico', sec an̈j jun tzo'n̈ tas wach' tzqui b'o'.