Lv 25:39 - Chuj San Sebastian Bible

³⁹ A yic 'ay junc eyit chon̈b' tzlajw 'ejm jac tas 'ay 'a 'a, tzchon̈n 'och sb'a 'ayex, man̈ eyac' munljoc 'icha tzeyutj junc e moso man̈ yico'oc sb'a.

Chuj San Mateo Bible

³⁹ Tato ay junoc eyetchon̈ab' ayec' eyed'oc, man̈xa jab'oc tas ay d'ay, yuj chi' schon̈ sb'a d'ayex, man̈ eyutoc icha junoc e checab' ch'oc chon̈ab'il,

Lv 25:39 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 4:1

'Ay jun 'ix yistl can jun win schecb' Dios, 'ix xit' 'ix 'at yal sb'a 'a Eliseo, 'ix yaln 'ix 'ixtic: —A win wichmil chamnc xo winac, 'in ojc ach tic to 'ay xiwc'ojlal win 'a Jehová. Ax ticnec 'ay jun win 'aj 'aycn smajn tumn win wichmil cha, 'ix jaw win 'ayin, tolab' tzwul yij 'at win chawn̈ eb' wune tic smosooc yic to man̈x yico'oc sb'a eb', xchi 'ix.

2 Cr 28:10

Ax ticnec, tox xe nalb'ej to tzeya'ch eb' 'aj Jerusalén yet' jun tzo'n̈ xo eb' 'aj Judá chi e mosooc mto eya'malc servil. Palta ¿tom may pax e mul ax tic tz'och 'a Jehová qui Diosalec?

Nehemías 5:5

A ticnec, an̈ec tic yet' eb' quit chon̈b'ec tic, junn̈j quin̈tlec, may mach chuc yilx yunnal, lajn yilx cunnalec yet' yunnal eb'. ¿Tas yuj a eb' cunnalec 'aych mosoal 'a eb'? 'Ayn̈ec 'ayx 'och quislec ya'mal servil eb', man̈x 'a wach' tas tzcutj qui colnec qui b'a, yujto yic xo eb' qui lumec, yet' cawb'ente', xchi eb'.

Ex 1:14

Yel xo wal ya tz'ec' eb' smunlji, a eb' tzb'ow xamit, tzb'ow pax n̈a eb'. Man̈ cojnoc cha, palta a eb' tz'a'w pax 'och trigo, tzb'on eb' jun tzo'n̈ xo munljel. Caw wal 'oltac tz'ec' eb'.

Ex 21:2

Toto 'ay junc win eyit chon̈b' tze mana, yic tz'och e mosooc, cojn waque ab'il tzmunlj 'ayex, ax 'a yucl ab'il tzyica'an sb'a, may tas tztojo yic tzyica'an pax sb'a cha.

Ex 22:3

Palta toto c'ul tzyamchji, ax tz'aji tzmilxi, to 'ixta', 'ay pax yowlal schami. A junc 'elc'm tzyamchji, yowlal tztoj tas 'ix yel'j cha, palta toto may stumin, tztac' schon̈x 'eli, sec tztac' stojn tas tzyel'j cha.

Jeremías 25:14

'Oj wa'ch eb' 'a yol sc'ab' jun tzo'n̈ niwc nacion̈, yet' 'a yol sc'ab' jun tzo'n̈ niwc yajl to caw 'ay xo smay sb'inaxi. 'Ixta wal 'oj yutc eb' schan spac, atn tas smoj schan eb' yuj tas tz'el sb'oni, xchi Dios 'ayin.

Jeremías 27:7

Smasnil nacion̈, 'oj can 'a yol sc'ab' Nabucodonosor cha, 'a yol sc'ab' yunnal, yet' 'a yol sc'ab' yixchiquin, masnto 'oj jawc stiempoal yejm Babilonia. Atta 'oj can Babilonia chi 'a yol sc'ab' jun tzo'n̈ nacion̈, yet' 'a yol sc'ab' jun tzo'n̈ eb' rey to caw niwc yel'ch yet' yopiso.

Jeremías 30:8

An Jehová in, tztac' wuj smasnil, an tzwala: Caw 'oj in col 'elt eb' in chon̈b' 'a 'aj 'aych mosoal. Man̈x 'oj 'och eb' mosoal 'a eb' chuc chon̈b'al jun 'ejm xo.

Jeremías 34:14

to a 'a junjn yuctquil ab'il, tzeya'n 'el eb' e moso 'a libre, atn eb' eyit israelal, eb' tzchon̈ch sb'a e mosooc, eb' tox ex 'a'n servil waque'oc ab'il. Palta a eb' e mam eyichm cha, ma'ix schaj eb' yab' tas waljnac, caw ma'ix syiclj eb'.

Jeremías 34:8

Xlajw cha, xyaln pax Jehová 'ayin, yic tox 'ix lajw ya'n Sedequías jun strato yet' smasnil eb' cajn 'a Jerusalén, yic tz'ajx 'el eb' 'aych mosoal 'a eb' 'a libre.

Jeremías 34:9

'Ixtc x'aj jun trato chi sb'o'i, to a smasnil eb' to yit chon̈b' 'aych smosooc, yowlal tz'ajx 'el eb' 'a libre, wach'xam winac, mto 'ix, sec wach' man̈x 'a junc eb' yit chon̈b' eb' chi tz'ochcn mosoal.

Lv 25:46

Ax yic 'oj e chami, tzcan eb' yico'oc eb' eyunnal b'aq'uin̈. Tz'och eb' smosooc eb', palta ax israel ex tic, may wal junc eb' eyit chon̈b' tic tztac' eyixtni, yujto eyit chon̈b' e b'a.

Mt 18:25

Palta a jun winc cha, caw may stumin, man̈xtzac stac' ya'n meltzjoc jun tzo'n̈ sb'oc cha. Yuj cha, tzyaln win rey cha, to yowlal tzchon̈x 'el win yet' yistzil, yet' yunnal yet' jantcn̈ej tas 'ay 'a 'a, sec toq'ue tztup sb'oc win cha.