Lv 25:28 - Chuj San Sebastian Bible

²⁸ Palta toto man̈xtzac techj smann can pax 'ec' slum cha, tzcann̈j lum 'a win manm lum cha, masnto tzjaw pax jun ab'il yic tz'el junc tas 'a libre. Atta tzcolchj can pax 'el lu'um, 'ixta to b'i'an, tzyica'an pax win 'ay xon yic lum cha.

Chuj San Mateo Bible

²⁸ Palta tato max aj q'uen tumin chi' yuuj yic smananxiel smacb'en chi', a lum sluum chi' scann̈ej lum d'a yol sc'ab' jun mach ix manan el chi', masanto sc'och junxo yab'ilal yoch q'uin̈ yic tz'el tas d'a libre. Ato ta' librexo luum, syic'anxican lum vin̈ ix chon̈an chi'.

Lv 25:28 ပူးပေါင်းရင်းမြစ်များ

Jeremías 32:15

A Jehová tztac' yuj smasnil, qui Diosalec an̈ israel on̈c tic, a tzaln 'ixtic: A yic b'a'n̈ cha, 'oj sman eb' 'anma yatut, slu'um, yet' te uva 'awb'ilx 'a jun lum tic, xchi Dios, xin chi 'a 'a.

Lv 25:10

Ax 'a ab'il cincuenta, ata tzeyala, to niwn yel'ch jun ab'il cha, yujto ata tz'el smasnil tas 'a libre. Ata tz'el eb' 'anma 'a libre eb' schon̈jnac 'och sb'a mosoal, sec tztac' spax eb' 'a scal eb' yican 'a yol schon̈ab'. An̈jtona eb' schon̈jnac 'el slu'um, ata tztac' smeltzj can pax lum yico'oc eb'.

Lv 25:13

A 'a yic jun ab'il cha, ata tze chaj pax e lum to eyic xon yaji.

Lv 25:29

A mach tzchon̈l yatut 'a yol niwc chon̈b' wach' yajch smuroal, tztac' smann pax 'el 'a yic mantzac 'el yab'lil schon̈ni.

Lv 25:30

Toto man̈xtzac techj smann can pax 'ec' jun n̈a chi 'a yic tz'el yab'lil schon̈ni, a jun n̈a cha, jun 'ejmn̈ej tzyique'ej win tzmann cha, yic pax eb' yin̈tl win b'aq'uin̈. A jun n̈a cha, man̈xtzac colchji yic tzjaw jun ab'il yic tz'el junc tas 'a libre.

Lv 25:41

Tzlajw cha, tztac' yel 'a yol eyatut yet' yunnal, yic tzpax 'a 'aj 'aycn yican, 'a 'aj cajn xon yuj smam.

Lv 27:24

Ax 'a yic tzjaw jun ab'il yic tz'el jun tzo'n̈ tas 'a libre, ata tzcolchj can pax 'el lu'um, tzcanx can lum 'a win 'ay xon yic lum lum cha, atn win chon̈jnac lum cha.