Lv 25:25 - Chuj San Sebastian Bible

²⁵ Toto 'ay junc eyit chon̈b' tzlajw 'ejm jac tas 'a 'a, yuj cha, tzchon̈n 'och slum 'ayex, to 'ixta', ax junc yican la'nto scal yet'oc, a tztac' smann can pax 'ec' lum lum cha.

Chuj San Mateo Bible

²⁵ Tato ay junoc eyetchon̈ab' slajviel masanil tas ay d'ay, yuj chi' schon̈b'at slum d'a junocxo, a junoc te ayto yuj sb'a yed' jun schon̈an slum chi' syal smananxiel jun lum chi' b'aj schon̈nac chi'.

Lv 25:25 ပူးပေါင်းရင်းမြစ်များ

Lv 25:24

Yuj cha, a lum lum tze man cha, toto a eb' 'ay xon yic lum cha, to tznib'j eb' smanx lu'um, yowlal tzeya'x can pax lum 'a eb'.

Lv 25:26

Palta toto 'ay junc mach, man̈x 'a junc yican wach' smann can pax 'ec' smacl lum cha, q'uinloc tz'ilchj pax stumn sch'ocoj, tztac' smann can pax 'ec' slum cha.

Lv 25:47

Toto 'ay junc chuc chon̈b'al cajn 'ec' 'a e cal tz'och ricoal, q'uinloc 'ay pax junc eyit chon̈b' cajn 'ec' 'a stz'ey tzlajw 'ejm jac tas 'ay 'a 'a, tzchon̈n 'och sb'a 'a jun chuc chon̈b'al cha, mto 'a junc xo yican,

Lv 27:22

Toto 'ay mach tz'el 'a sc'ojl ya'n junc smanb'il lum wico'oc an Jehová in, man̈ smacloc yaj yuj smam snun,

2 Co 8:9

Yujto cojquec, a Cajlil Jesucristo, caw niwn swach'c'ojlal. Til wal sricoal 'a satcha'an̈, palta wul ya'jnac 'och sb'a meb'a'il, yuj schamc'ojlal 'ayn̈ec, 'ixta yutjnac sb'a, sec wach' yuj smeb'a'il cha, ax cochc ricoal 'a sat Dios.

Apoc 5:9

Ax eb' 'ichm winc cha, 'ix sb'itnan eb' jun 'ac' b'it 'ixtic: Ach tic, a moj xa chaj jun ch'an̈ un̈ tic, yic tza n̈i'chtan seyoal. Yujto ach milb'ilch chamoc, a mann 'och eb' 'anma yico'oc Dios yet' a chiq'uil. Niwn eb' 'a junjn 'in̈tal, 'a junjn ti'al, 'a junjn chon̈b'al, yet' 'a junjn nacion̈al.

Rt 2:20

'Ix yaln pax 'ix Noemí: —Ya' cab' Jehová syaxilal 'a yib'n̈ jun winc cha, yujto caw wal wach' xyutj snab'en 'ayon̈, 'ixtnta pax yutjnac snab'en 'a win wichmil chamnac. A jun winc cha, 'ayt cuj qui b'a yet'oc, yuj cha, to 'ay yaln yic on̈ scolni, xchi 'ix.

Rt 3:12

Wal yel 'ayt wuj in b'a et'oc, palta 'ayt junx win caw wal 'ayt oj a b'a yet' 'a wib'n̈ an tic.

Rt 3:2

A win Booz, win 'ayt cuj qui b'a yet'oc, win spatron̈ eb' 'ix junn̈j tzach 'ec' munljoc yet'oc, a 'a jun 'ac'wl tic, 'oj 'at win chayj cebada.

Rt 3:9

—¿Mach ach? xchi winac. Xlajw cha, 'ix ta'w 'ix: —An Rut in, an a checb' in. Ach tic smoj tzach colwj 'ayin, yujto 'ayt yuj sb'a win wichmil can et'oc, yuj cha, tzin nib'j tzach wi'aj, xchi 'ix.

Rt 4:3

'Ix yaln win Booz 'a win 'ayt yuj sb'a yet' eb' cha: —A 'ix Noemí, 'ix meltzj paxt 'ix 'a Moab, ax ticnec, to tzchon̈cn 'el 'ix lum slum win quican Elimelec chamnac.