Lv 25:23 - Chuj San Sebastian Bible

²³ A lum lum cha, matz tac' e chon̈n lum 'a jun 'ejmn̈ej, yujto wic lu'um, ax tic ton̈j 'e'lb'a eyec' 'a sat lum wu'uj.

Chuj San Mateo Bible

²³ A lum luum chi', max yal-laj e chon̈anel lum d'a juneln̈ej, yujto vic luum. A ex tic ton̈ej paxyalvum eyaj d'a sat luum, majan lum eyaj d'ayin.

Lv 25:23 ပူးပေါင်းရင်းမြစ်များ

Gn 23:4

—Toxn̈ej am chuc chon̈b'al waj 'a e cal tic, comnoc tz'el 'a e c'ojl e chon̈n wal jac e lum 'ayin, sec ata tzin muc sniwnal 'ix wistzil, xchi 'a ewinac.

Gn 47:9

Xta'w Jacob 'a win rey 'ixtic: —130 ab'il nant in q'uinal, til wal 'aj tzlaj in 'eq'ui, caw wal mant niwnoc in q'uinal, yujto yailaln̈ej tz'aj yec' jab' tiempo tic wu'uj, palta mantzac c'och wab'lil 'icha sq'uinl eb' 'in mam wicham, xchi winac.

A Ch'an̈ B'ab'el Libro Yic Yab'ixal Eb' Rey 21:3

'Ix ta'w Nabot 'ixtc 'a win Acab: —Matz tac'a, yujto matz chaj sc'ojl Dios tzin chon̈l in macl lum 'ac'b'il 'ayn yuj eb' in mam wicham, xchi.

1 Cr 29:15

Yujto an̈ tic on̈, 'e'lb'a quec' 'a a sat on̈, lajn quec' 'icha 'e'nc smasnil eb' qui mam quichm on̈; a qui q'uinl 'a sat lum lum tic on̈, lajn 'icha xob' lum lu'um, caw yajn̈ej tz'eq'ui.

2 Cr 7:20

toto 'ixta', 'oj ex wi'l 'a sat jun lum wa'jnac 'ayex. A jun n̈a x'ochcn wico'oc tic, 'oj wi'l 'a wojltac, ax wa'n can 'och b'uchnb'ilc 'a smasnil nacion̈.

Salmos 119:19

Ton̈j 'e'lb'a wec' 'a sat lum lum tic, 'ac' wojcoc 'el a checnb'il.

Salmos 24:1

A Jehová a 'ay yic yolyib'n̈q'uinl tic yet' smasnil tas 'ay 'a sat, yet' smasnil eb' cajn 'a 'a.

Salmos 39:12

Mamin Jehová, 'ab' wal in lesal, 'a' cot wal a chicn 'ayin yic tzwaln in b'a 'ayach. Man̈ ton̈joc tzach 'och q'ueln 'ayin yic tz'el yal in sat, yujto 'e'lb'a wec' 'a a sat, 'icha 'e'nc eb' in mam wicham.

Salmos 39:13

'Ij 'el a c'a'lc'ojlal 'a wib'an̈, 'ac' jacx in tzaljc'ojlal ya' sb'a mantzac in chami.

Salmos 85:1

Mamin Jehová, yel xo wal wach' a nab'en 'a quib'n̈ an̈ a chon̈b' on̈ tic, yuj cha, 'ix a'n meltzjoc qui tzaljc'ojlal an̈ yin̈tl on̈ Jacob tic jun 'ejm xo.

Ex 19:5

Palta ax ticnec, yiclum tzeyutj e b'a 'ayin, tzeyiclni in trato eyet'oc, to in chon̈b' ex, sic'b'ilx 'el wuj 'a scal jun tzo'n̈ xo chon̈ab', yujto wic smasnil lum lu'um.

Ex 2:22

'Ix 'alj jun yune 'ix; Gersón xyac' Moisés sb'ioc, yujto 'ix yal 'ixtic: Chuc chon̈b'al wajl 'a jun lugar tic, xchi.

Ez 48:14

A junc'aj lum cha, an Jehová in, an 'ay wico', yuj cha, may xon junc mach tztac' schon̈n 'el jab'oc, matz tac' pax sjelx lu'um yic tz'och lum yico'oc junc xo mach, yujto wic yaj lum 'a jun 'ejmn̈ej.

Os 9:3

Man̈x 'oj stac' eya'jc 'a schon̈b' Jehová. 'Oj e 'atx can 'a Egipto. A 'a chon̈b' Asiria, ata 'oj e c'ux tas man̈ wach'c 'icha yaln ley.

Jl 2:18

'Oj lajwc cha, ax sch'oxn Jehová schamc'ojlal 'ayn̈ec an̈ schon̈b' on̈c tic, caw 'oj 'o'ch pax sc'ojl 'ayn̈ec,

Jl 3:2

'Oj in molb'tzoc smasnil nacion̈, ax wi'n 'at eb' 'a lum span̈nil yic Josafat. Ata 'oj wa'ch syailal eb' yuj tas x'el sb'on eb' 'a in chon̈b' Israel, yujto caw pucnc can 'at eb' israel yuj eb' 'a smasnil yolyib'n̈q'uinal. 'Ix scotc pojn can 'ec' eb' in lum 'a scal.

Lv 25:10

Ax 'a ab'il cincuenta, ata tzeyala, to niwn yel'ch jun ab'il cha, yujto ata tz'el smasnil tas 'a libre. Ata tz'el eb' 'anma 'a libre eb' schon̈jnac 'och sb'a mosoal, sec tztac' spax eb' 'a scal eb' yican 'a yol schon̈ab'. An̈jtona eb' schon̈jnac 'el slu'um, ata tztac' smeltzj can pax lum yico'oc eb'.

Lv 25:24

Yuj cha, a lum lum tze man cha, toto a eb' 'ay xon yic lum cha, to tznib'j eb' smanx lu'um, yowlal tzeya'x can pax lum 'a eb'.

Dt 32:43

Ex nacion̈ tzaljan̈c yet' jun schon̈b' Dios tic, yujto 'oj spactzoc Jehová schamlil eb' schecab'. 'Oj yac' spac 'a eb' 'ajc'ojl yajch 'a eb', ax ya'n lajwc smul eb' schon̈b' cha, xchi Moisés.

A Sb'ab'el Carta San Pedro 2:11

Ex chamc'ojlb'il wu'uj, man̈ qui chon̈b'oquec yolyib'n̈q'uinl tic, yujto ton̈j 'e'lb'a que'c 'a 'a. Yuj cha, tzin tew 'at 'ayex, caw man̈ e b'o jun tzo'n̈ tas tznib'j 'och e niwnal. Yujto a jun tzo'n̈ cha, caw tzon̈ juw 'el yu'uj.