Lv 25:21 - Chuj San Sebastian Bible

²¹ Palta man̈ ex 'och 'il, yujto an 'oj wac' in yaxilal 'a yib'n̈ smasnil tas tzeyawj 'a jun swacl ab'il cha. A tas 'oj e molo', colb'il 'oj yac' 'a 'oxe ab'il.

Chuj San Mateo Bible

²¹ Man̈ eyac' pensar, yujto ol vaq'uem in vach'c'olal d'a yib'an̈ tas tzeyavej d'a svaquil ab'il chi'. Ol ste aq'uej sat, yuj chi' a jun chi' c'ocb'il syab' eyab'lan d'a oxeoc ab'il,

Lv 25:21 ပူးပေါင်းရင်းမြစ်များ

Gn 26:12

A 'a yic jun ab'il cha, x'aww trigo win Isaac 'a jun lugar cha, caw wal wach' 'ix 'aj smunljel, niwn tas 'ix smolo, yujto a Jehová, a x'a'n syaxilal 'a yib'an̈.

Gn 41:47

Ax 'a yol uque ab'il cha, til wal xyac' sobra smasnil sat 'awb'en.

Salmos 133:3

Lajn pax 'icha chicb'chan̈ tz'em 'a lum jolm witz Hermón, mto 'a lum tzaln Sión. A 'a Sión cha, ata tzya' cot Jehová swach'c'ojlal, atn q'uinl 'a jun 'ejmn̈ej.

Ex 16:29

Nac wal si'mb'il, chajtlto an Jehová in, an tzwala, to yowlal tzeyiclj sc'ul 'iljelal. A 'a yic swacl c'ual, ata tze molcn tas tze c'ux 'a yucl c'ual, sec ax 'a yucl c'u cha, 'ayx 'ec'n̈ej 'a yol eyet'ul, may mach tz'elt munljoc, xchi Dios.

Ex 16:5

Ax 'a swacl c'u, 'oj si'cn eb' tas 'oj sc'ux 'a jun c'u cha; yet' pax tas 'oj sc'ux 'a junx c'u, tzyal 'el'chi chab' c'ul chi yamn tzsi'cn eb', xchi Dios.

Pr 10:22

Yuj swach'c'ojlal Jehová tz'och junc mach ricoal, man̈ yujoc to caw wal tzyixtj sb'a smunlji.

Ez 34:26

'Oj wac' in yaxilal 'a yib'n̈ eb' yic 'ayc' eb' 'a lum tzaln yic 'emmquilal, ax wa'n cot n̈ab' 'a sat lum lum chi 'a 'icha stiempoal.

Lv 25:4

Palta ax 'a yucl ab'il, yowlal tzeyac' 'iljoc lu'um, yuj eyi'n chan̈ in b'i. Man̈ eyawc lu'um, matz tac' pax e mesn sc'ab' eyawb'en uva.

Lv 25:6

A tas mun tz'el-l 'a sat lum lum cha, yic 'aycn lum 'iljoc, colb'il 'oj e c'ux yet' eb' e checab', eb' 'ix e ya'mal servil, eb' e munljum, eb' chuc chon̈b'al cajn 'a e cal,

2 Co 9:10

A Dios tz'a'n jantcn̈ej 'in̈t tz'awxi, tzya'n pax jantcn̈ej tas tzc'uxxi. A 'oj 'a'nc jun tzo'n̈ tas 'ayex yic 'oj eya'nc eyofrendaoc. 'Icha to 'oj eyawc cani. Ax jun spac 'oj e cha yuj e wach' nab'enal cha, caw 'oj q'uib' yu'uj, ax e jach'ni.

Dt 28:3

'Oj 'ajxoc yaxilal 'a eyib'n̈ 'a yol e chon̈ab', yet' 'a 'ajtil tzex munlji.

Dt 28:8

A Jehová 'oj ya' cot syaxilal 'a yib'n̈ e c'un̈a yet' 'a yib'n̈ smasnil tas tze b'o'o. 'Ixta wal 'oj yutc ya'n e tzaljc'ojlal 'a sat lum lum 'oj yac' 'ayx cha.