Lv 25:20 - Chuj San Sebastian Bible

²⁰ Tecn 'oj e c'anb'c 'ixtic: ¿Tas 'oj qui c'uxc 'a jun yucl ab'il cha, toto man̈x 'a tas 'oj cawoc, man̈x 'oj stac' qui moln sat tas 'awb'il cu'uj? 'oj e chioc.

Chuj San Mateo Bible

²⁰ Talaj ol eyala': ¿Tasto ol cab'lej d'a yuquil ab'il chi', tato man̈ ol on̈ avalvoc, tato man̈ ol yalpax co molan sat tas avab'il chi'? ta xe chi.

Lv 25:20 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 7:2

'Ix ta'w win tztan̈wni win rey chi 'ixtc 'a win schecb' Dios cha: —Wach'xam tzjac Jehová sventnual satcha'an̈, palta ma'oj 'el'choc 'icha tzal cha, xchi. —'Oj el jun chi yet' a sat, palta man̈x 'oj a wa 'ixim, xchi Eliseo cha.

2 Cr 25:9

'Ix sc'anb'n Amasías 'a jun schecb' Dios chi 'ixtic: —Palta, ¿tas pax 'oj 'aj yuj q'uen 75 quintal plata 'ix wac' 'a eb' israel? xchi. 'Ix ta'w jun schecb' Dios cha, xyaln 'a 'ixtic: —A Jehová tztac' ya'n 'ec'b'alocx q'uen 'aych 'a yib'n̈ jun tzo'n̈ cha, xchi 'a 'a.

Is 1:2

Ex 'aj satcha'an̈ yet' ex 'aj sat lum tic, 'ab'ec. A eb' 'anma tic, xin c'uytzej eb' 'a yic yune'al masnto x'och yip eb', palta ax x'aji, 'ix meltzj 'och eb' 'ajc'ojlal 'ayin.

Lv 25:19

Caw 'oj yac' sat smasnil tas 'oj eyawc 'a lu'um, tzaljc'ojlal 'oj e can 'a sat lu'um, 'oj e c'ux tas 'oj yac' lu'um, 'oj e b'ut'j wal si'mb'il.

Lv 25:4

Palta ax 'a yucl ab'il, yowlal tzeyac' 'iljoc lu'um, yuj eyi'n chan̈ in b'i. Man̈ eyawc lu'um, matz tac' pax e mesn sc'ab' eyawb'en uva.

Lv 25:6

A tas mun tz'el-l 'a sat lum lum cha, yic 'aycn lum 'iljoc, colb'il 'oj e c'ux yet' eb' e checab', eb' 'ix e ya'mal servil, eb' e munljum, eb' chuc chon̈b'al cajn 'a e cal,

Nm 11:13

¿'Aj wal til tz'at wic' chib'j tzwac' schi jun tzo'n̈ 'anma tic? Caw tz'oc' eb', tzwul yaln̈c sb'a eb' 'ayin: 'A' cot qui chib'j tzqui chi on̈, xchi eb'.

Nm 11:4

Til wal eb' chuc chon̈b'al toxn ajun 'a scal eb' israel. A jun tzo'n̈ 'anma cha, a wal tas tz'aj eb' swa'i, a chi nan yuj eb'. Locn pax eb' israel tzcham yuj wejl yet' eb', yuj cha, 'ix 'oc' chan̈ eb', xyaln eb' 'ixtic: ¡Mach junc tz'a'n qui chi chib'j 'a tic!

Mt 8:26

'Ix ta'w 'a eb' 'ixtic: —¿Tas yuj caw tzex xiwi? Caw jab' wal tzeya'ch e c'ojl 'a Dios, xchi 'a eb'. Xlajwn̈ej cha, xq'ue wa'an, 'ix stenn 'och wan jun 'ic' chi yet' a mar cha. Yuj cha, caw sictac x'aj smasnil.

Lc 12:29

Yuj cha, caw man̈ ex 'och 'il. Man̈ e na yuj tas 'oj e c'uxu', yet' yuj tas 'oj eyuc'.

A Scarta San Pablo D'a Eb' Aj Filipos 4:6

Man̈ on̈ 'ochc 'il yuj junc tas. Jantcn̈ej tas tzqui na'ec, calc 'a Dios, tzon̈ leslwiec. A yic tzqui c'annec tas 'a 'a, yowlal tzca'c pax yuj diosal 'a 'a.