Lv 25:2 - Chuj San Sebastian Bible

² Al jun tzo'n̈ checnb'il tic 'a eb' et israelal to an tzwal 'ixtic: A yic 'ayx xo 'ec' 'a sat lum lum 'oj wac' eyico'oc, yowlal 'oj eyac' 'iljoc lu'um, yuj eyi'n chan̈ in b'i an Jehová in.

Chuj San Mateo Bible

² Al masanil juntzan̈ tic d'a eb' etisraelal: Ayic ayexxo ec' d'a sat lum luum ol vac' d'ayex chi', yovalil ol yic' yip luum, yic tzin eyic'chaan̈ a in Jehová in tic.

Lv 25:2 ပူးပေါင်းရင်းမြစ်များ

2 Cr 36:21

'Ixta 'ix 'aj yel'ch tas ya'jnac Jehová yal-l win Jeremías. 'Ixta x'aj yilj lum lu'um, yujto niwn tiempo may munljel xb'o 'a sat lu'um, masnto stz'acw 70 ab'il.

Salmos 115:16

A satcha'an̈ yic Jehová yaji, ax lum lum tic, 'ac'b'il lum 'ayn̈ec yu'uj.

Ex 23:10

Munljan̈c 'a sat lum lu'um, tze moln chan̈ tas tzyac' lum 'a waque ab'il.

Jeremías 27:5

Yet' wal in niwquil poder xin b'on yolyib'n̈q'uinal, yet' smasnil tas 'ay 'a 'a. In b'ojnac eb' 'anma', yet' no noc'. Yuj cha, tztac' wa'nn̈ej 'a mach 'aj tzyal in c'ojl tzwac'a.

Lv 14:34

A yic 'ayx xo 'ec' e masnil 'a lum Canaán, atn lum 'oj wac' eyico'oc, toq'ue 'oj wa't tas c'uxmtac syab'ilc yol n̈a 'a e chon̈b' cha,

Lv 23:32

A jun c'u cha, sc'ul 'iljelal tz'ajcn 'ayex, sc'ul pax yic tzex 'och 'a c'ajb'c'ojlal. Tz'el yich 'a yemc'ual, 'a b'aln̈e yoch jun 'uj cha, masnto 'a yemc'ul 'a junx c'u, xchi Dios.

Lv 25:1

A yic 'ayc' Moisés 'a jolm witz Sinaí, 'ix yaln Jehová 'a 'ixtic:

Lv 25:3

Cojn waque ab'il tztac' e munlj 'a sat lum lu'um, a 'a waque ab'il cha, tztac' e mesn sc'ab' te uva, tze ch'inn pax sat te'.

Dt 32:49

'Ixc 'a lum switzl Abarim, tzach q'ue'ch 'a sjolm lum witz tzcuch Nebo, lum 'ay 'a yol yic eb' moabita, 'a yojltac Jericó. Ata tzelcn 'at lum Canaán, lum 'oj wac' yico'oc eb' et chon̈b' tic.

Dt 32:8

'Ay jun tiempoal 'ix sna jun Mach Caw Niwn Yel'chi, to wach' tzpojcn eb' 'anma yet' snacion̈. 'Ix ya'n checljoc can smon̈jonal slum junjn nacion̈ cha, junjn chon̈ab', palta b'ab'el 'ix sna yuj jantc e b'isl ex wit israelal.

Dt 34:4

'Ix yaln Jehová 'a Moisés 'ixtic: Atn jun lum tic wa'jnac in ti wa'n 'a Abraham, 'a Isaac yet' 'a Jacob. Waljnac 'a eb' chajtlto 'oj wac' lum 'a eb' yin̈tl eb'. Yuj cha, tzwac' elcn 'at lum yet' a sat, wach'xam man̈x 'oj a c'och 'a lu'um, xchi Dios 'a Moisés cha.