Lv 25:19 - Chuj San Sebastian Bible

¹⁹ Caw 'oj yac' sat smasnil tas 'oj eyawc 'a lu'um, tzaljc'ojlal 'oj e can 'a sat lu'um, 'oj e c'ux tas 'oj yac' lu'um, 'oj e b'ut'j wal si'mb'il.

Chuj San Mateo Bible

¹⁹ Te vach' ol aj sat tas ol eyavej d'a luum. Tzalajc'olal ol ex cajnaj d'a sat luum, ol eyab'lej sat tas ol eyavej chi' masanto ol ex b'ud'joc.

Lv 25:19 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 5:5

An tic tox xin na'a, to 'oj wac' b'o chan̈ junc yatut Jehová in Diosal, 'icha yutjnac yaln 'a in mam yic yaln 'ixtic: A jun onnal 'oj wa'ch a jelc 'a a despacho, a 'oj b'onc junc watut, xchi.

Salmos 67:6

A lum lu'um xyac' lum sb'a'al, xac' a yaxilal 'a quib'n̈ on̈, yujto qui Diosal ach on̈.

Salmos 85:12

A Jehová a 'oj 'a'noc cot n̈ab', ax ya'n lum qui lumec tic sb'a'al.

Pr 1:33

Ax xo tze chaj eyab' tas tzwala, 'oj e cann̈j 'a junc'ojlal, may junc tas 'ay smay 'aj 'oj e xiwi, xchi Dios.

Is 1:19

Toto tze chaj eyab'i', 'oj e c'ux wal tas wach' tz'el-l 'a sat lum lum tic;

Is 30:23

'Oj ya' cot Jehová n̈ab' 'a yib'n̈ eyawb'en 'awb'il eyuj 'a sat lum lu'um, caw 'oj yac' lum sb'a'al, til wal trigo 'oj yac' lu'um, a 'a yic jun tiempoal cha, a 'e no cajb'en noc', til wal slewnal 'aj 'oj laj tan̈wxoc wa e no'.

Ez 36:30

'Oj wac' niwtjoc sat eyawb'ente, yet' te calte'al te', sec man̈x 'oj eyac' e q'uixwloc e cham yuj wejl 'a sat jun tzo'n̈ xo nacion̈ cha.

Jl 2:24

Caw wal wach' 'oj 'ajx 'ixm trigo, niwn yal uva yet' aceite 'oj yac'a.

Jl 2:26

Ax ticnec, 'oj e wa'i masnto 'oj e b'ut'ji, ax eyaln e wach' paxti 'a 'ayn an Jehová e Diosal in, yujto til wal tas satjub'tac xin b'o yuj e wach'loc. Man̈x 'a b'a'n̈ 'oj e can 'a q'uixwc'ojlal.

Lv 25:18

Yicljec in ley tic, tze b'eylb'an in checnb'il. Toto 'oj eyicloc, tzaljc'ojlal 'oj eyaj cajn 'a yol e chon̈ab'.

Lv 25:20

Tecn 'oj e c'anb'c 'ixtic: ¿Tas 'oj qui c'uxc 'a jun yucl ab'il cha, toto man̈x 'a tas 'oj cawoc, man̈x 'oj stac' qui moln sat tas 'awb'il cu'uj? 'oj e chioc.

Lv 26:4

to 'ixta', 'oj wa' cot n̈ab' 'a 'icha stiempoal, ax syaxb' sat e lu'um. 'Oj yac' eyawb'en sat smasnil.

Lv 26:5

An̈j 'ijnoc e te'w trigo ax yelx wul sat te uva. 'Ayt pax sch'inchj te uva cha, ax sjapx stiempoal yawx e trigo jun 'ejm xo, 'oj e wa si'mb'il, masnto 'oj e b'ut'ji. Caw wal 'oj eyac' tzaljoc e c'ojl 'a sat lum lum cha.

Lv 26:6

Caw tzaljc'ojlal 'oj e can 'a yol e chon̈ab'. Yelc'ojlal 'oj e wayi, may tas 'oj e xib'tni. 'Oj ex in col 'a no chiwjum noc' yet' 'a yol sc'ab' owal.

Dt 12:10

A yic 'oj e c'axw can 'ec' 'a yojl a Jordán cha, ax e cajn lum lum 'oj yac' Jehová 'ayex, tzyal 'el'chi to ex colchj 'el 'a yol sc'ab' eb' 'ajc'ojl yajch 'ayex, man̈x 'a e xiwc'ojlal 'a jun lugar cha.