Lv 25:10 - Chuj San Sebastian Bible

¹⁰ Ax 'a ab'il cincuenta, ata tzeyala, to niwn yel'ch jun ab'il cha, yujto ata tz'el smasnil tas 'a libre. Ata tz'el eb' 'anma 'a libre eb' schon̈jnac 'och sb'a mosoal, sec tztac' spax eb' 'a scal eb' yican 'a yol schon̈ab'. An̈jtona eb' schon̈jnac 'el slu'um, ata tztac' smeltzj can pax lum yico'oc eb'.

Chuj San Mateo Bible

¹⁰ Axo ab'il 50, a yab'ilal yoch q'uin̈ yic tz'el masanil tas d'a libre. A d'a jun ab'il chi' tz'alchajel yuj yel anima masanil d'a libre d'a yol e chon̈ab', aton eb' schon̈nac sb'a checab'vumal, yic vach' spaxta eb' smasanil d'a scal sc'ab' yoc. An̈ejtona' eb' schon̈naquel sluum scanxi lum yicoc eb'.

Lv 25:10 ပူးပေါင်းရင်းမြစ်များ

Esdras 1:3

Yuj cha, tzann̈j ex to schon̈b' Jehová eyaji, colwjan̈ec, 'ixquec 'at b'oc chan̈ yatut Jehová e Diosal 'a Jerusalén 'a yol yic Judá.

Salmos 146:7

A tzb'on yaj eb' tz'ixtxi, a tz'a'n pax tas tzc'ux eb' caw 'ay swejel. Tzcoln 'elt eb' 'icha preso yaji.

Ex 20:2

An ton Jehová e Diosal in, an ex wij 'elt 'a yol yic Egipto 'a 'ajtil 'ayx 'och mosoal, 'aj man̈ eyico'oc e b'a.

Is 49:9

Tzaln 'ixtc 'a eb' 'icha to 'aych 'a preso 'a scal q'uic'q'uinal: 'Eln̈ec can 'a libre, xa chi 'a eb'. A eb' in chon̈ab', caw 'ay tas 'oj sc'ux eb', lajn 'oj 'aj eb' 'icha no calnelu tztan̈wx wa 'a stitc b'e, mto 'a lum jolmctac witz may ste'al.

Is 63:4

Yujto xjaw 'a in nab'en, to tzin pac in b'a 'a eb' 'ajc'ojl yajch 'ayin, tzin coln can pax 'el eb' in chon̈ab'.

Jeremías 34:10

Smasnil eb' yajal yet' smasnil eb' chon̈ab', 'ix schaj sc'ojl eb' jun trato cha. 'Ixta 'ix yutj eb' ya'n 'el eb' smoso chi 'a libre. Man̈x 'ic 'ajx pural eb' moso chi smunlj 'a eb'.

Jeremías 34:8

Xlajw cha, xyaln pax Jehová 'ayin, yic tox 'ix lajw ya'n Sedequías jun strato yet' smasnil eb' cajn 'a Jerusalén, yic tz'ajx 'el eb' 'aych mosoal 'a eb' 'a libre.

Ez 46:17

Palta toto a 'a junc schecb' win yajl cha, ata tzsiyj win jac smacl lum cha, tzyique'ej jun checb' chi jaye'oc ab'il, palta ax yic tzjaw jun ab'il yic tz'el junc tas 'a libre, ata tzyique'ej can pax win yajl chi lu'um, ax 'a eb' yunnal 'aj tzya'x cani.

Lv 25:11

A jun ab'il cincuenta cha, eyic yaj ax israel ex tic, ata tzex 'el 'a libre. A 'a jun ab'il cha, may cab' tas tzeyawej, man̈ e pol pax 'ixm trigo mun tzpac' 'a sat lum lu'um, man̈ e mesl pax sc'ab' te uva, may pax ch'inn̈j sat 'awb'ente tze b'o'o.

Lv 25:13

A 'a yic jun ab'il cha, ata tze chaj pax e lum to eyic xon yaji.

Lv 25:41

Tzlajw cha, tztac' yel 'a yol eyatut yet' yunnal, yic tzpax 'a 'aj 'aycn yican, 'a 'aj cajn xon yuj smam.

Lv 25:54

Toto matz tac' smann 'el sb'a jun, can cab'n̈ej 'aj 'ayc' cha, masnto tzjaw jun ab'il yic tz'el jun tzo'n̈ tas 'a libre, atta tzcolchj can pax 'el yet' yunnal.

Lc 1:74

yaljnac cani, chajtlto 'oj on̈ scolc 'elt 'a yol sc'ab' eb' 'ajc'ojl yajch 'ayn̈ec, sec wach' matz on̈ xiwec, yic tzca'nec servil.

2 Co 3:17

A Cajlilec, Espíritun̈ej. A mach 'aych Yespíritu Cajlilec 'a 'a, mun yic sb'a yet'oc.

Gl 4:25

A 'ix Agar cha, tzyal 'el'chi, atn lum witz Sinaí 'ay 'a yol yic Arabia. A ticnec, a Jerusalén 'icha to yicto witz Sinaí, yujto a eb' 'ay 'a jun chon̈b' cha, caw 'aych eb' ya'malc servil ley.

Gl 5:13

Ex wu'tac, ex wanab', 'awtb'iln̈ec yuj Dios, sec wach' mun quic qui b'a. Palta wach'xam mun quiquec qui b'a, man̈ yujoc cha, tztac' ca'lb'anec qui tu nab'enal. Yel xo wach' tzlaj ca'lac servil qui b'a, yuj qui chamc'ojlalec.

A Sb'ab'el Carta San Pedro 2:16

An̈ec tic, libre xo cajec. Yuj cha, 'ixta cab' tzcutjec qui b'a. Palta matz tac' qui nanec, to tztac' qui comn b'onec maysch'olnil, yujn̈ej to libre cajec. Ocxo jun, qui nac coti, chajtlto on̈ 'ochc ya'malc servil Dios.