Lv 24:9 - Chuj San Sebastian Bible

⁹ Ax jun tzo'n̈ 'ixm pan tz'elcn cha, yic Aarón tz'ajcn yet' eb' yin̈tl 'a smasnil tiempo. Yowlal ata tzwaj eb' 'ixm pan chi 'a junc lugar to sic'b'il 'eli, yujto niwn yel'ch 'ixm pan chi 'icha jun tzo'n̈ xo xajmb'al tz'ajx tz'a 'a wojltac, xchi Dios.

Chuj San Mateo Bible

⁹ Axo juntzan̈ ixim pan tz'ic'jiel chi', yic vin̈aj Aarón yed' eb' yin̈tilal yaj ixim d'a masanil tiempo. A eb' chi' svaan ixim pan chi' d'a junoc lugar to vic yaji, yujto te nivan yelc'och ixim d'a scal juntzan̈xo silab' yictaxon eb' sacerdote tz'ic'jiel d'a juntzan̈ ofrenda sn̈usjitz'a d'a vichan̈, xchi Jehová chi'.

Lv 24:9 ပူးပေါင်းရင်းမြစ်များ

Ex 27:21

Ax Aarón yet' eb' yunnal, a eb' tz'och 'ajcuentail ya'n 'och sc'a'l jun tzo'n̈ cantil cha, sec 'ayn̈j 'och sc'a'l 'a wojltac an Jehová in tic yic tz'ec' 'ac'wl 'a yojl in Mantiado, atn 'a yojltac 'elt te cortina 'aych yen̈loc scaxail in trato. A jun tic, ley tz'ajcn 'ayx yet' 'a eb' eyin̈tl b'aq'uin̈, xchi Dios.

Lv 10:12

Xlajw cha, xyaln Moisés 'ixtc 'a Aarón, 'a Eleazar yet' pax 'a Itamar, cha: —'Ijec cot 'ixm harina xcan 'a 'ixm ofrenda stz'a 'a yojltac Jehová, tze b'on 'ixm pan may yich, tze wan 'a stz'ey yet'l xajmb'al, yujto a jun cha, yic Jehová yaji.

Lv 10:17

¿Tas yuj ma'ix e chi no xajmb'al 'a yamq'uil Mantiado? A jun xajmb'al cha, yicn̈ej Jehová yaji. Yuj cha, xya'n no 'ayex, yujto a yic tze chin no', tze cuchn can smul eb' chon̈ab', sec 'ixta wal tzyutj Jehová ya'n lajwc can smul eb' cha.

Lv 21:22

Tztac' sc'uxn eb' jun tzo'n̈ ofrenda cha, yet' smasnil jun tzo'n̈ xo tas to wic yaji,

Lv 24:10

A 'a scal eb' israel, 'ay jun winc 'aljnac 'a scal eb', israel snun, ax smam 'aj Egipto. A snun cha, Selomit sb'i 'ix, yisl jun win tzcuch Dibrí 'a scal eb' yin̈tl Dan. A jun winc cha, stejsb'a yet' jun yit israelal 'a yol camplamento. X'och smul sb'ajwj 'a Jehová, yuj cha, 'ix yi'n cot eb' win 'a yojltac Moisés.

Lv 3:17

Man̈ e chi xepual no noc' yet' schic'l no'. A jun tic ley tz'ajcn 'ayex yet' 'a eb' eyin̈til, yaln̈j 'ajtil 'ayx 'eq'ui, xchi Dios 'a Moisés.

Lv 6:11

Tzlajw cha, tzjeln pax 'el win spichl cha, tz'at ya'nc win stan̈il no xajmb'al chi 'a jun lugar wach' yaj sb'o 'a spatquil 'el camplamento.

Lv 6:16

Ax jantc to ofrenda tzcani, 'oj sc'ux Aarón yet' eb' yunnal. A yic tzb'o'i, may yich tz'ejmi. Ata 'oj sc'ux eb' 'a yamq'uil Mantiado 'aj tzin chaj in b'a eyet'oc.

Lv 6:9

Al 'a Aarón yet' 'a eb' yunnal, yuj sleyl tas tz'aj yajx no xajmb'al tzn̈usxi. A no noc' tz'ajx xajmb'al-l cha, yowlal tzcan no 'a yib'n̈ stzac'ac' 'a smasnil 'ac'wal, sec tz'a no'.

Lv 8:3

Tzlajw cha, tza'n syam sb'a smasnil eb' chon̈b' 'a sti yamq'uil Mantiado 'aj tzin chaj in b'a eyet'oc, xchi Dios.

Lv 8:31

'Ix yaln Moisés 'ixtc 'a Aarón yet' 'a eb' yunnal: Tz'an̈x cab' no chib'j tic 'a yamq'uil 'elt Mantiado 'a 'aj tzqui chaj qui b'a yet' Dios, axta tze chi no ta', yet' 'ixm pan 'ay 'ejm 'a yol te yune xu'uc, atn 'ixm 'ac'b'il yuj yic eyochcn 'a eyopiso; yujto yaljnac can Jehová 'ixtic: A Aarón yet' eb' yunnal, a eb' 'oj c'uxnc jun tzo'n̈ tic yet' no chib'j cha, xchi.

Malaquías 1:12

Palta ax xo tic, 'in caw may jac wel'ch 'a e sat, 'in tzeyala to may yel'ch jun yet'l xajmb'al cha, yet' jun tzo'n̈ schib'l wal tzeyac' xajmb'al-l 'ayin.

Mt 12:4

'Ochnc 'a yatut Dios, swajnac jun tzo'n̈ pan yicn̈ej Dios yaji, yet' eb' ajun yet'oc. A jun tzo'n̈ pan cha, cojn eb' ya'mal 'och qui ti 'a Dios, an̈j eb' 'ay sleyl swani. Man̈ sleyloc scomn wan David yet' eb' ajun yet' cha, palta man̈ mulc jun chi sb'o eb' 'a sat Dios.

Mr 2:26

'Ochnc 'a yatut Dios, yic 'aych win Abiatar sat ya'malc 'och sti eb' 'anma 'a Dios. A yic cha, swajnac jun tzo'n̈ pan yic Dios yaji, xya'n pax 'a eb' ajun yet' cha. A jun tzo'n̈ pan cha, cojn eb' ya'mal 'och qui ti 'a Dios, an̈j eb' 'ay sleyl swani, palta a jun sb'ojnac David cha, man̈ mulc 'a sat Dios.

Lc 6:4

'Ochnc 'a yatut Dios, syamjnac jun tzo'n̈ pan yic Dios yaji. Swajnac, ya'n pax 'a eb' ajun yet' cha. A jun tzo'n̈ pan cha, cojn eb' ya'mal 'och qui ti 'a Dios, an̈j eb' 'ay sleyl swani. Palta man̈ mulc tas 'ix sb'o David chi 'a sat Dios.

A Ch'an̈ B'ab'el Libro Samuel 21:6

Xlajw cha, xya'n win 'ixm pan yic Jehová 'a David, yujto man̈x 'a 'ixm pan 'ayc' ta', cojn 'ixm x'ijx 'elt 'a yol scajnub' Dios, ax 'ixm c'a't pan x'ochx can sjelc 'ixim.