Lv 24:8 - Chuj San Sebastian Bible

⁸ A jun tzo'n̈ pan cha, yowlal a 'ixm c'a't tz'ajx 'och 'a wojltac 'a junjn sc'ul 'iljelal. A jun tic, in trato tz'ajcn eyet' 'a smasnil tiempo.

Chuj San Mateo Bible

⁸ D'a junjun c'ual ic'oj ip tz'ac'jiem ixim pan chi' d'a vichan̈, yuj sc'anab'ajan eb' etchon̈ab' israel in trato eyed'oc d'a masanil tiempo. Yovalil a ixim q'uixin tz'ac'jiemi.

Lv 24:8 ပူးပေါင်းရင်းမြစ်များ

1 Cr 23:29

atn 'ixm pan tz'em tzolan, 'ixm harina tz'ajx ofrendail, 'ixm c'oxx pan may yich, jun tzo'n̈ xo ofrenda tzb'o 'a yol xalten, 'ixm harina caln yaj yet' aceite, tzya'n cuenta pax eb' smasnil jun tzo'n̈ 'echtab'.

1 Cr 9:32

Ax jun tzo'n̈ xo eb' yit levitail, eb' yin̈tl Coat, 'aych 'a yib'n̈ eb' sb'on 'ixm pan tz'em tzoln 'a sat mexa 'a junjn sc'ul 'iljelal.

2 Cr 13:11

Atn eb' tic tz'a'n 'och sc'a'l xajmb'al to tz'a smasnil, yet' incienso yic tz'ajx 'a Jehová 'a junjn sq'uin̈b'ial yet' 'a junjn yemc'ual; tzya'n pax 'ejm eb' 'ixm pan caw wach' 'a sat mexa, jun to cojn Dios 'ay yico'. Ax 'a junjn yemc'ual tzya'n pax 'och eb' sc'a'l cantil 'a yet'l to nab'a oro. An̈ tic on̈, tzqui yiclj schecnb'il Jehová qui Diosal on̈, palta ax xo tic, xeyactj cani.

2 Cr 2:4

A ticnec, to 'oj wac' b'o chan̈ yatut Jehová qui Diosal on̈. 'Oj wa'cn yico'oc, sec ata tz'ajx tz'a perjuma su'q'ui sjab' 'a yojltac, tz'em tzoln 'ixm pan 'a yojltac, tz'ajx tz'a xajmb'al to tz'a smasnil 'a sq'uin̈b'ial yet' 'a yemc'ual, 'a sc'ul 'iljelal, 'a yic tzpac' 'uj, yet' jun tzo'n̈ xo q'uin̈ tznax yic tz'ijx chan̈ sb'i Jehová qui Diosal on̈. 'Ixta tzyal checnb'il 'ac'b'il 'ayn̈ an̈ israel on̈ tic 'a smasnil tiempo.

Nehemías 10:33

Atn q'uen 'oj mannoc 'ixm pan tz'ajx 'a yojltac Dios, yet' ofrenda tz'ajx 'a junjn c'u, yet' xajmb'al to tz'a smasnil 'a junjn c'u, yet' xajmb'al tz'ajx 'a sc'ul 'iljelal, 'a yic tzpac' 'uj, yet' 'a jun tzo'n̈ xo q'uin̈ tznax 'a junjn ab'il, yet' jun tzo'n̈ xo ofrenda yet' pax xajmb'al yic tz'ajx lajwc qui mul an̈ israel on̈c tic, yet' jun tzo'n̈ xo tas tzc'anx 'a yatut Dios yic tz'och 'emmquilal.

Ex 25:30

Tza'n b'o 'ejm 'ixm pan 'a sat te mexa chi 'a wojltac, yujto a 'ixm pan cha, wicn̈ej yaj 'ixim, xchi Dios.

Nm 4:7

Tzeya'n q'ue pax junc q'uic'mucnac nip 'a yib'n̈ mexa 'ay 'a wojltac, ax 'a yib'an̈, ata tzeyac' q'ue jun tzo'n̈ 'uc'ab', jun tzo'n̈ q'uen niwc cuchara, jun tzo'n̈ vaso, jun tzo'n̈ xalu yic yal uva tz'ajx ofrendail, yet' 'ixm pan to tz'ajx xoni.

A Ch'an̈ B'ab'el Libro Samuel 21:7

A 'a yic jun c'u cha, 'ayc' jun win schecb' Saúl 'a stz'ey jun scajnub' Jehová cha, edomita winac, tzcuch Doeg, syajlil eb' yilmal scalnelu Saúl yaj winac.