Lv 23:34 - Chuj San Sebastian Bible

³⁴ Al jun tzo'n̈ tic 'a eb' et israelal to an tzwal 'ixtic: A 'a olajn̈e yoch yucl 'uj cha, ata tze na uque c'u q'uin̈ Chinama, yuj eyi'n chan̈ in b'i.

Chuj San Mateo Bible

³⁴ Al d'a eb' etchon̈ab': Ayic 15 yoch yuquil uj, tze chaan uque' c'ual sq'uin̈al chinama yuj in eyic'anchaan̈.

Lv 23:34 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 12:32

Xlajw cha, snan Jeroboam jun q'uin̈ 'a yic olajn̈e yoch swajxquil 'uj yic junjn ab'il, 'icha jun q'uin̈ tz'ec' 'a chon̈b' Judá. 'Ix ya'n q'ue xajmb'al 'a yib'n̈ yet'l xajmb'al. 'Ixta pax sb'o 'a chon̈b' Betel, 'ix yac' xajmb'al 'a jun tzo'n̈ yechl quelm wacx 'ix sb'o'o. An̈jtona si'n pax 'och eb' yit chon̈b' ya'malc 'och sti eb' 'anma chi 'a jun tzo'n̈ yechl scomn diosal cha, sec a eb' tztan̈wni sdiosal eb' chi 'a yatutal 'a lum jolmctac witz cha.

A Ch'an̈ B'ab'el Libro Yic Yab'ixal Eb' Rey 8:2

Atn 'a jun q'uin̈ yic yucl 'uj, 'a jun 'uj tzcuch Etanim, ata syam sb'a smasnil eb' winc israel yet' rey Salomón.

A Ch'an̈ B'ab'el Libro Yic Yab'ixal Eb' Rey 8:65

A 'a jun tiempoal cha, uque c'u sna Salomón q'uin̈ yet' smasnil eb' israel 'a yojltac Jehová Dios. Caw wal niwn x'aj eb' 'anma syamn sb'a, xcotn̈j eb' 'a smon̈jonal chon̈b' Hamat, masnto 'a sti a b'eymal a yic smon̈jonal Egipto. A yic xlajw uque c'u q'uin̈ cha, 'ix schan 'el eb' yich uque xo c'u q'uin̈, yuj cha, chan̈lajn̈e c'u xyac' jun q'uin̈ chi yuj eb'.

Esdras 3:4

An̈jtona', snan eb' jun q'uin̈ chinama yic scajnub' Dios 'icha yaj stz'ib'x cani. 'A junjn c'u tzyac' eb' xajmb'al to tz'a smasnil 'a 'icha stzolil, a tzyal wal jantc tzc'anx 'a junjn c'u.

Nehemías 8:14

X'ilchj 'a yojl ch'an̈ un̈ yic ley 'ac'b'il yuj Jehová 'a Moisés, to a 'a yucl 'uj, tz'och eb' israel 'a yol chinama yic tznan eb' q'uin̈ chinama cha.

Ex 23:16

Tze nan pax sq'uin̈l yic tz'el-l sb'ab'l sat smasnil tas 'awb'il eyuj 'a jun ab'il cha. An̈jtona', tze nan pax sq'uin̈l yic tzlajw e moln chan̈ sat smasnil tas 'awb'il eyuj cha.

Ex 34:22

Tze na pax jun q'uin̈ yic tzlajw uque seman yic snanb'il cot eyel 'a libre, yet' sq'uin̈l 'ixm trigo tzb'ab'l c'anb'i. Tze na junx q'uin̈ 'a yic tzlajw chan̈ 'ixm trigo chi 'a yic tzlajw ab'il.

Ez 45:25

An̈jtona pax q'uin̈ chinama, uque c'u pax tznax jun q'uin̈ chi 'a schan̈lajn̈il c'u yoch yucl 'uj. A win yajl cha, a win 'oj 'a'noc tz'a no xajmb'al chi 'a junjn c'u, no xajmb'al yic stojl mul, no tz'ajx tz'a smasnil, no yic junc'ojlal, yet' 'ixm trigo yet' yaceiteal, lajnn̈ej sb'isl jun tzo'n̈ chi 'icha yic q'uin̈ yic snanb'il cot eyelt 'a libre.

Lv 23:33

'Ix yaln Jehová 'a Moisés 'ixtic:

Lv 23:42

A 'a yol uque c'u cha, e masnil ax israel ex tic, yowlal tzex 'aj cajn 'a yol chinama, 'a yic 'ay q'uin̈ cha,

Lv 23:43

sec smasnil eb' eyin̈tl b'aq'uin̈, 'oj yojcoc 'el eb' to yol chinama 'aj ex laj 'ec' cajan, yic eyelt wuj 'a Egipto. An Jehová e Diosal in, an tzwala, xchi Dios.

Nm 29:12

A 'a yolajn̈il c'u yoch yucl 'uj cha, ata tzeyamx e b'a yic tzex 'och 'emmquilal. A 'a jun c'u cha, may mach tzmunlji, uque c'u tze na jun q'uin̈ cha, yuj eyi'n chan̈ in b'i an Jehová in.

Jn 1:14

A jun Spaxti Dios sb'i cha, 'ochnc 'anma'il. Wulnc 'ec' 'a qui calc jun tiempoal. A jun cha, caw yel. Niwn swach'c'ojlal Dios xwul sch'ox 'ayn̈ec. 'Ix quil on̈ caw niwn yel'chi, yujto cojxn jun chi Yunnal Dios, checb'il cot yuj Smam.

Jn 7:2

Wan sjapx stiempoal jun sq'uin̈ eb' israel tzcuch Q'uin̈ Chinama.

Dt 16:16

Smasnil eb' winac, yowlal 'ox'ejm tz'och eb' 'a yojltac Jehová Dios 'a junjn ab'il, atn 'a jun lugar 'oj si'l yico'oc cha. A jun tzo'n̈ q'uin̈ 'aj 'oj 'och eb' cha, atn tic: Q'uin̈ yic 'ixm pan may yich, q'uin̈ yic tzlajw spolx trigo, yet' q'uin̈ Chinama. May cab' junc mach tzsat sc'ojl yi'n 'at yofrenda 'a yojltac Jehová.

Dt 31:10

'Ix yaln can jun ley tic 'ixtc 'a eb': A yic tz'acw junjn yuctquil ab'il, yic 'aych q'uin̈ chinama, ata tz'ajx niwnc'ojlal smasnil sb'oc eb' 'anma'.

A Ch'an̈ Carta D'a Eb' Hebreo 11:13

A junjn eb' xwal yab'xil tic, a yic laj scham eb', mantzac schaj eb' jun tzo'n̈ tas 'aj ya'jnac Dios sti'. Palta caw ya'jnac 'och eb' Dios 'a sc'ojol. Yuj cha, 'icha to yiljnac 'at eb' jun tzo'n̈ chi 'a najat, caw tzalj eb' yu'uj. 'Ixta yutjnac eb' ya'n testigoal sb'a, chajtlto a jun yolyib'n̈q'uinl tic, man̈ schon̈b'oc eb', ton̈j 'e'lb'a yec' eb' 'a 'a.

A Ch'an̈ Carta D'a Eb' Hebreo 11:9

Yujto ya'jnac 'och Dios 'a sc'ojol, yuj cha, c'ochnc cajn 'a jun lugar ya'jnac Dios sti ya'n 'a 'a. A te mantiado sb'ojnac yatutoc. An̈jtona', 'ixta yutjnac sb'a Isaac yet' Jacob, yujto locn eb' xchan jun 'aj ya'jnac Dios sti cha.