Lv 23:20 - Chuj San Sebastian Bible

²⁰ Ax win ya'mal 'och sti eb' 'anma', a win tz'a'n 'och no calnelu, yet' 'ixm pan xajmb'al-l 'a wojltac, atn tas to wic yaji. Tzlajw cha, tzcancn 'a win ya'mal 'och sti eb' 'anma cha.

Chuj San Mateo Bible

²⁰ A vin̈ sacerdote sb'achanoch chavan̈ noc' calnel d'a vichan̈ a in Jehová in tic yed' ixim pan ix b'o d'a ixim trigo ix b'ab'laj jochchaji, a jun ofrenda chi' vic yaji, scan d'a vin̈ sacerdote chi'.

Lv 23:20 ပူးပေါင်းရင်းမြစ်များ

Ex 29:24

Tza'n smasnil jun tzo'n̈ tic 'a yol sc'ab' Aarón yet' 'a eb' yunnal, sec ax eb' tzb'achn 'och 'a wojltac an Jehová in.

Lv 23:17

Junjn n̈a'il tzyij cot chab'oc 'ixm niwc pan ofrendail, 'ixm wach' yaj sb'o 'a 'ixm 'ac' harina, tz'em yich, chan̈e libra harina tz'och 'a jun jun. A jun cha, ofrenda tz'ajx 'och 'a wojltac an Jehová in, yuj sb'ab'l sat 'awb'en.

Lv 23:19

An̈jtona', tzeyac' pax junc mam chiwo xajmb'al-l 'ayn yuj e mul, chawn̈ quelm calnelu junjn ab'il sq'uinal, sec tz'och e no xajmb'alil, yuj e ch'oxn 'eli to 'ay junc'ojlal 'a e cal wet'oc.

Lv 23:21

A 'a jun c'u cha, yowlal tzeyam e b'a yic tzex 'och 'emmquilal 'ayin, may pax junc mach tztac' smunlji. A jun tic ley tz'ajcn 'a e cal yet' 'a eb' eyin̈tl b'aq'uin̈, yaln̈ej 'aj 'ayx 'eq'ui.

Lv 8:29

'Ix yi'n pax cot Moisés sn̈i sc'ojl no mam calnelu cha, no x'ajx yic yochnb'ilc eb' 'a yopiso, xit' sb'achnc 'och 'a yojltac Jehová. A jun chib'j cha, xyij can yico'oc, yujto 'ixta xyutj Jehová yaln 'a 'a.

Lc 2:14

¡Alx cab' wach' paxti 'a Dios 'a satcha'an̈! ¡Ax 'a yolyib'n̈q'uinl tic, 'ay cab' junc'ojlal 'a eb' 'aj tzch'ox swach'c'ojlal! xchi eb'.

1 Co 9:11

A yic quec' 'a e cal on̈, 'icha to 'ay tas 'ec' cawjnac can 'ayx on̈. A jun cha, yic espíritu. Yuj cha, ¿tom man̈ smojc tzqui chaj qui gasto 'ayx yuj spac qui munljel chi 'on̈?

Ef 2:14

Cojn Cristo 'a'm junc'ojlal 'ayn̈ec. Ax xo, caw 'ay 'ajc'ojlal 'a e cal yet' eb' wit israelal 'a yic yalan̈. Palta a Cristo x'a'n lajwc jun owl cha. Yuj cha, a 'a sat Dios, junxn̈ej chon̈b'al eyaj quet' ticnec on̈.

Dt 18:4

An̈jtona', yic pax eb' tz'aj ofrenda yic sb'ab'l sat 'ixm trigo, yal uva, aceite, yet' pax sb'ab'l slanail no calnelu tzjoxx 'eli.